ವಿಮಾನ ಟೇಕಾಫ್​ ಆಗುವಾಗ ರನ್​ವೇನಲ್ಲಿ ಮತ್ತೊಂದು ವಿಮಾನ! ಸ್ವಲ್ಪದರಲ್ಲೇ ತಪ್ಪಿತು ದುರಂತ, ವಿಡಿಯೋ ವೈರಲ್ | Flight Accident

Flight Accident : ಕಳೆದ ಕೆಲವು ದಿನಗಳಿಂದ ಸಂಭವಿಸಿದ ಸರಣಿ ವಿಮಾನ ಅಪಘಾತಗಳು ಪ್ರಯಾಣಿಕರನ್ನು ಚಿಂತಿಸುವಂತೆ ಮಾಡಿದೆ. ನೂರಾರು ಮಂದಿ ಮೃತಪಟ್ಟಿದ್ದು, ವಿಮಾನ ಅಪಘಾತದ ದೃಶ್ಯಗಳನ್ನು ನೋಡುಗರ ಮನಕಲಕುವಂತಿದೆ. ಇತ್ತೀಚೆಗೆ ಮತ್ತೊಂದು ವಿಮಾನ ಅಪಘಾತ ಸ್ವಲ್ಪದರಲ್ಲೇ ತಪ್ಪಿದೆ. ಅಮೆರಿಕದ ಲಾಸ್ ಏಂಜಲೀಸ್ ವಿಮಾನ ನಿಲ್ದಾಣದಲ್ಲಿ ಈ ಘಟನೆ ನಡೆದಿದೆ.

ವಿಮಾನವೊಂದು ರನ್‌ವೇಯಲ್ಲಿರುವಾಗ ಅದೇ ಸಮಯದಲ್ಲಿ ಮತ್ತೊಂದು ವಿಮಾನ ಟೇಕಾಫ್ ಆಗುತ್ತಿತ್ತು. ಈ ವೇಳೆ ರನ್​ವೇನಲ್ಲಿದ್ದ ವಿಮಾನವನ್ನು ಗಮನಿಸಿದ ಏರ್ ಟ್ರಾಫಿಕ್ ಕಂಟ್ರೋಲರ್, ಗಾಬರಿಗೊಂಡು ಪೈಲಟ್‌ಗೆ 'ನಿಲ್ಲಿಸಿ, ನಿಲ್ಲಿಸಿ, ನಿಲ್ಲಿಸಿ' ಎಂದು ಎಚ್ಚರಿಸಿದರು. ಇದಕ್ಕೆ ಸಂಬಂಧಿಸಿದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದೆ.

ಇದನ್ನೂ ಓದಿ: ಭೀಕರ ವಿಮಾನ ದುರಂತದಲ್ಲಿ ಇಬ್ಬರು ಮಾತ್ರ ಬದುಕುಳಿದಿದ್ದು ಹೇಗೆ? ಕಡೆಗೂ ವರದಿ ಮೂಲಕ ಸಿಕ್ತು ಸ್ಪಷ್ಟ ವಿವರಣೆ | Plane Crash

ವಾಷಿಂಗ್ಟನ್ ರಾಜ್ಯದಿಂದ ಗೊನ್ಜಾಗಾ ವಿಶ್ವವಿದ್ಯಾಲಯದ ಪುರುಷರ ಬಾಸ್ಕೆಟ್‌ಬಾಲ್ ತಂಡವನ್ನು ಹೊತ್ತ ಖಾಸಗಿ ಜೆಟ್ ರನ್‌ವೇಯಲ್ಲಿದ್ದಾಗ ಈ ಘಟನೆ ಸಂಭವಿಸಿದೆ. ಆದರೆ, ಕ್ಷಣಾರ್ಧದಲ್ಲಿ ಅನಾಹುತ ತಪ್ಪಿದ ಕಾರಣ ಎಲ್ಲರೂ ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ. ಶುಕ್ರವಾರ ನಡೆದ ಈ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ. ಈ ಕುರಿತು ಫೆಡರಲ್ ಏವಿಯೇಷನ್ ​​ಅಡ್ಮಿನಿಸ್ಟ್ರೇಷನ್ ತನಿಖೆ ಮಾಡುತ್ತದೆ.

ಲಾಸ್ ಏಂಜಲೀಸ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ವಿಮಾನವು ರನ್‌ವೇಯಿಂದ ಟೇಕ್ ಆಫ್ ಆಗುತ್ತಿದ್ದಂತೆ ಬಾಸ್ಕೆಟ್‌ಬಾಲ್ ತಂಡದ ಸದಸ್ಯರನ್ನು ಹೊತ್ತೊಯ್ಯುತ್ತಿದ್ದ 'ಕೀ ಲೈಮ್ ಏರ್ ಫ್ಲೈಟ್ 563' ರನ್‌ವೇ ಅನ್ನು ದಾಟದಂತೆ ಏರ್ ಟ್ರಾಫಿಕ್ ಕಂಟ್ರೋಲರ್‌ಗಳು ಆದೇಶಿಸಿದರು. ಅದೇ ಸಮಯದಲ್ಲಿ ಎಂಬ್ರೇರ್ ಇ 135 ವಿಮಾನವು ಟೇಕ್ ಆಫ್​ ಆಯಿತು. ಎರಡೂ ವಿಮಾನ ಒಟ್ಟಿಗೆ ಟೇಕಾಫ್​ ಆಗಿದ್ದರೆ ಭಾರಿ ದುರಂತವೊಂದು ಸಂಭವಿಸುತ್ತಿತ್ತು. (ಏಜೆನ್ಸೀಸ್​)

https://www.vijayavani.net/movie-producer-do-you-know-how-much-money-the-producer-gets-if-he-buys-a-movie-ticket-for-rs-250

https://www.vijayavani.net/another-jeju-air-plane-suffers-landing-gear-issue-day-after-muan-flight-crash

https://www.vijayavani.net/do-you-eat-eggs-at-night-what-experts-say