ಮಧ್ಯಪ್ರದೇಶ: ಆರೋಪಿಗಳು ಎಷ್ಟೇ ಬುದ್ಧಿವಂತಿಕೆಯಿಂದ ಹತ್ಯೆಗೈದು, ಸಾಕ್ಷಿಗಳನ್ನು ನಾಶ ಮಾಡಿದರೂ ಸಹ ಇಡೀ ಘಟನೆಯೇ ಬೆಳಕಿಗೆ ಬರುವಂತ ಒಂದೇ ಒಂದು ಸುಳಿವು ಆ ಸ್ಥಳದಲ್ಲಿ ಇದ್ದೇ ಇರುತ್ತದೆ. ಇದು ಕ್ರಿಮಿನಲ್ ವ್ಯಕ್ತಿಗಳಿಗೆ ತಿಳಿಯುವುದಿಲ್ಲ. ಇಂತಹ ಪ್ರಕರಣಗಳನ್ನು ಭೇದಿಸುವಲ್ಲಿ ಪೊಲೀಸರು ನಿಸ್ಸೀಮರು. ಪ್ರತಿಯೊಂದು ಕೊಲೆ ಕೇಸ್ನಲ್ಲಿ ತಲೆಮರಿಸಿಕೊಂಡ ಆರೋಪಿಯ ಶೋಧ ಕಾರ್ಯದಲ್ಲಿ ತೊಡಗುವ ಪೊಲೀಸರಿಗೆ ಅಚ್ಚರಿ ರೀತಿಯಲ್ಲಿ ಒಂದು ಸಣ್ಣ ಸುಳಿವು, ತಪ್ಪಿತಸ್ಥರ ಜಾಲವನ್ನೇ ಹುಡುಕಿಕೊಡುತ್ತದೆ. ಅದೊಂದು ವಸ್ತು ಅಥವಾ ವ್ಯಕ್ತಿಯೇ ಆಗಿರಬಹುದು. ಆದರೆ, ಅಚ್ಚರಿ ಎಂಬಂತೆ ನೊಣವೇ (Flies) ಇಲ್ಲಿ ಕೊಲೆ ಆರೋಪಿಯ ಸುಳಿವು ನೀಡಿರುವುದು ಇದೀಗ ಪೊಲೀಸರ ಕೆಲಸವನ್ನು ಸುಲಭಗೊಳಿಸಿದೆ.
