ಥ್ರೋಬಾಲ್ ನಲ್ಲಿ ಪ್ರಥಮ ಸ್ಥಾನ

ಹುಣಸೂರು: ಪದವಿಪೂರ್ವ ಶಿಕ್ಷಣ ಇಲಾಖೆ ಆಯೋಜಿಸಿದ್ದ ತಾಲೂಕು ಮಟ್ಟದ ಕ್ರೀಡಾಕೂಟದಲ್ಲಿ ನಗರದ ಸಂತ ಜೋಸೆಫರ ಪಿಯು ಕಾಲೇಜಿನ ಕ್ರೀಡಾಪಟುಗಳು ಹಲವು ಸ್ಪರ್ಧೆಗಳಲ್ಲಿ ವಿಜೇತರಾಗುವ ಮೂಲಕ ಜಿಲ್ಲಾಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ.

ಇತ್ತೀಚೆಗೆ ನಗರದ ಮುನೇಶ್ವರ ಕಾವಲ್ ಮೈದಾನದಲ್ಲಿ ಆಯೋಜನೆಗೊಂಡಿದ್ದ ಕ್ರೀಡಾಕೂಟದ ಬಾಲಕ ಮತ್ತು ಬಾಲಕಿಯರ ವಿಭಾಗದ ಥ್ರೋಬಾಲ್ ಪಂದ್ಯಾವಳಿಯಲ್ಲಿ ಕಾಲೇಜಿನ ಬಾಲಕ ಮತ್ತು ಬಾಲಕಿಯರ ತಂಡವು ಪ್ರಥಮ ಸ್ಥಾನದೊಂದಿಗೆ ಜಿಲ್ಲಾ ಮಟ್ಟಕ್ಕೆ ಆಯ್ಕೆಗೊಂಡಿದೆ.

ಬಾಲಕಿಯರ ವಿಭಾಗದ ಭರ್ಜಿಎಸೆತದಲ್ಲಿ ದೇವಿಶ್ರೀ (ಪ್ರಥಮ), ಎತ್ತರ ಜಿಗಿತದಲ್ಲಿ ತೇಜಶ್ರೀ (ಪ್ರ) ಹಾಗೂ ವರ್ಷಿತಾ (ದ್ವಿತೀಯ), ಗುಂಡು ಎಸೆತದಲ್ಲಿ ಶ್ರೇಹಾ ಚವ್ಹಾಣ್ (ಪ್ರಥಮ ) ಹಾಗೂ ಪೂರ್ಣಿಮಾ (ತೃತೀಯ), 3000 ಮೀಟರ್ ಓಟದ ಸ್ಪರ್ಧೆಯಲ್ಲಿ ಸುಕನ್ಯಾ (ದ್ವಿತೀಯ), ತ್ರಿವಿಧ ಜಿಗಿತದಲ್ಲಿ ವರ್ಷಿತಾ (ದ್ವಿತೀಯ) ಹಾಗೂ 4*100 ಮೀ. ರಿಲೇಯಲ್ಲಿ ದ್ವಿತೀಯ ಸ್ಥಾನ ಗಳಿಸಿದ್ದಾರೆ.

ಬಾಲಕರ ವಿಭಾಗದ ಭರ್ಜಿ ಎಸೆತದಲ್ಲಿ ಸಂದೇಶ್(ಪ್ರಥಮ ), ಗುಂಡು ಎಸೆತದಲ್ಲಿ ಅಭಿಷೇಕ್ (ಪ್ರಥಮ) ಮತ್ತು ಪ್ರೀತಮ್ ಪೌಲ್ (ತೃತೀಯ), ತಟ್ಟೆ ಎಸೆತದಲ್ಲಿ ಪ್ರೀತಮ್ ಪೌಲ್ (ದ್ವಿತೀಯ), ಎತ್ತರ ಜಿಗಿತದಲ್ಲಿ ಸಂದೇಶ್ (ದ್ವಿತೀಯ) , ಉದ್ದ ಜಿಗಿತದಲ್ಲಿ ಹಿತೀಶ್ (ಪ್ರಥಮ ) ಹಾಗೂ 3000 ಮೀ. ಓಟದಲ್ಲಿ ಪ್ರಥಮ ಸ್ಥಾನ ಪಡೆದಿದ್ದಾರೆ. ಕ್ರೀಡಾಪಟುಗಳ ಸಾಧನೆಗೆ ಕಾಲೇಜಿನ ಪ್ರಾಂಶುಪಾಲೆ ಸಿಸ್ಟರ್ ಅನಿತಾ ಡಿಸೋಜ, ಆಡಳಿತ ಮಂಡಳಿ, ಉಪನ್ಯಾಸಕರು ಮತ್ತು ಬೋಧಕೇತರ ಸಿಬ್ಬಂದಿ ಅಭಿನಂದಿಸಿದ್ದಾರೆ.