ರಿಯಲ್ ಎಸ್ಟೇಟ್ಗೆ ಪೂರಕವಾಗಿ ಸಿಮೆಂಟ್, ಸ್ಟೀಲ್ ಸಿಗುವಂತೆ ನೋಡಿಕೊಳ್ಳುವುದು, ಲಘು ಮತ್ತು ಸಣ್ಣ ಕೈಗಾರಿಕೆಗಳಿಗೆ ಕಚ್ಚಾ ಪದಾರ್ಥ ಕೊರತೆಯಾಗದಂತೆ ಎಚ್ಚರ ವಹಿಸುವುದು, ಉದ್ಯಮಗಳಿಗೆ, ಕಾರ್ವಿುಕರಿಗೆ ಒಂದು ವರ್ಷದ ತನಕ ವಿಶೇಷ ಪ್ರೋತ್ಸಾಹಧನ, ಕೃಷಿ ಕೈಗಾರಿಕೆ ಕ್ಷೇತ್ರಕ್ಕೆ ಹೆಚ್ಚಿನ ಆದ್ಯತೆ, ಗುಜರಾತ್, ರಾಜಸ್ಥಾನ, ಉತ್ತರಾಖಂಡ ಮಾದರಿಯಲ್ಲಿ ವಾಹನ ಮಾಲೀಕರಿಗೆ ಆರು ತಿಂಗಳ ತೆರಿಗೆ ವಿನಾಯಿತಿ, ವಲಸೆ ಕಾರ್ವಿುಕರು ನಗರಗಳಿಗೆ ಮತ್ತೆ ಮರಳಿದರೆ ಅವರಿಗೆ ಸೂಕ್ತ ಸೌಲಭ್ಯ ಒದಗಿಸುವುದು ಸೇರಿ ಅಗತ್ಯ ಕ್ರಮಗಳನ್ನು ಕೈಗೊಂಡರೆ ಈಗಿನ ಸ್ಥಿತಿ ಸುಧಾರಿಸಬಹುದು, ಕ್ರಮೇಣ ಆಶಾದಾಯಕ ಬೆಳವಣಿಗೆ ಕಾಣಬಹುದು ಎಂಬುದು ತಜ್ಞರ ಅನಿಸಿಕೆ. ಅಲ್ಲದೆ, ಕರೊನಾ ಹಾವಳಿ ಸದ್ಯದಲ್ಲೇ ಮುಗಿಯುವ ಲಕ್ಷಣಗಳು ಕಾಣುತ್ತಿಲ್ಲವಾದ್ದರಿಂದ ಆರ್ಥಿಕತೆ ಕುಸಿಯದಂತೆ ಏನೆಲ್ಲ ಮಾಡಬಹುದು ಎಂಬ ಚಿಂತನೆಗೆ, ಪೂರಕ ಕ್ರಮಗಳ ಅನುಷ್ಠಾನಕ್ಕೆ ಇದು ಸಕಾಲ.
