ಭಾರತಕ್ಕೂ ತೊಂದರೆ ಸಾಧ್ಯತೆ: ಉತ್ಪಾದನೆ ಮತ್ತು ವ್ಯಾಪಾರದ ಶಕ್ತಿ ಕೇಂದ್ರವಾದ ಕಪು್ಪ ಸಮುದ್ರ ಭಾಗದಲ್ಲಿ ಸ್ಪೋಟಗೊಂಡ ಯುದ್ಧವು ಕಚ್ಚಾತೈಲ, ಗೋಧಿ, ಜೋಳ, ಅಡುಗೆ ಎಣ್ಣೆ, ರಸಗೊಬ್ಬರಗಳ ಬೆಲೆಯನ್ನು ಗಗನಮುಖಿಯಾಗಿಸಿದೆ. ಕಚ್ಚಾತೈಲ ದರ ಸೋಮವಾರ ಪ್ರತಿ ಬ್ಯಾರೆಲ್ಗೆ 139 ಡಾಲರ್ ತಲುಪಿತ್ತು. ಇದು 2008ರಿಂದೀಚೆಗೆ ಗರಿಷ್ಠ ಮಟ್ಟವಾಗಿತ್ತು. ಜಾಗತಿಕವಾಗಿ ವರ್ಷದಿಂದ ವರ್ಷದ ಲೆಕ್ಕಾಚಾರದಲ್ಲಿ ಗೋಧಿ ಬೆಲೆ ಶೇಕಡ 91, ಕಾರ್ನ್ ಬೆಲೆ ಶೇಕಡ 33 ಏರಿಕೆಯಾಗಿದೆ. ಖಾದ್ಯ ತೈಲ, ರಸಗೊಬ್ಬರಕ್ಕಾಗಿ ಭಾರತ ಆಮದನ್ನೇ ನೆಚ್ಚಿಕೊಂಡಿದೆ. ಹೀಗಾಗಿ ಭಾರತದಲ್ಲಿ ಗ್ರಾಹಕರು ಬೆಲೆ ಏರಿಕೆಯ ನೋವನ್ನು ಅನುಭವಿಸಬೇಕಾಗುತ್ತದೆ. ಖಾರಿಫ್ ಬಿತ್ತನೆ ಸೀಸನ್ನಲ್ಲಿ ರಸಗೊಬ್ಬರದ ಕೊರತೆಯೂ ಗ್ರಾಮೀಣ ಭಾರತವನ್ನು ಕಾಡಲಿದೆ.
