NCC ಟ್ರೈನಿಂಗ್​ ಹೆಸರಿನಲ್ಲಿ ವಿದ್ಯಾರ್ಥಿಗಳನ್ನು ಮನಬಂದಂತೆ ಥಳಿಸಿದ ಸೀನಿಯರ್ಸ್​; ವಿಡಿಯೋ ವೈರಲ್

ಅಮರಾವತಿ: ಎನ್​ಸಿಸಿ ಟ್ರೈನಿಂಗ್​ ಹೆಸರಿನಲ್ಲಿ ಕಾಲೇಜಿನ ಸೀನಿಯರ್ ವಿದ್ಯಾರ್ಥಿಗಳು ಜೂನಿಯರ್​ಗಳನ್ನು ಮನಬಂದಂತೆ ಥಳಿಸಿ ರ್‍ಯಾಗ್​ ಮಾಡಿರುವ ಘಟನೆ ಆಂಧ್ರಪ್ರದೇಶದ ಪಾಲ್ನಾಡುನಲ್ಲಿರುವ ಖಾಸಗಿ ಕಾಲೇಜಿನಲ್ಲಿ ನಡೆದಿದೆ. ಆಘಾತಕಾರಿ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದ್ದು, ವ್ಯಾಪಕ ಆಕ್ರೋಶಕ್ಕೆ ಗುರಿಯಾಗಿದೆ.

ಆಂಧ್ರಪ್ರದೇಶದ ಪಾಲ್ನಾಡ್​ನ ನರಸರಾವ್‌ಪೇಟೆಯಲ್ಲಿರುವ ಎಸ್​ಎಸ್​ಎನ್​ ಕಾಲೇಜಿನಲ್ಲಿ ಈ ಘಟನೆ ನಡೆದಿದ್ದು, ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.

ಇದನ್ನೂ ಓದಿ: ಭಾರತಕ್ಕೆ ನೆರವಾಗುವಂತೆ ವಿಶ್ವಕಪ್ ಫೈನಲ್ ಪಿಚ್ ನಿರ್ಮಾಣ; ಟೀಮ್​ ಇಂಡಿಯಾ ಮಾಜಿ ಕೋಚ್​ ಹೇಳಿದ್ದಿಷ್ಟು

ವೈರಲ್​ ಆಗಿರುವ ವಿಡಿಯೋ ನೋಡುವುದಾದರೆ ಕಾಲೇಜಿನ ಸೀನಿಯರ್​ ವಿದ್ಯಾರ್ಥಿಗಳು ಎನ್​ಸಿಸಿ ಟ್ರೈನಿಂಗ್​ ಹೆಸರಿನಲ್ಲಿ ಜೂನಿಯರ್​ಗಳನ್ನು ಹಾಸ್ಟೆಲಿಗೆ ಕರೆದುಕೊಂಡು ಬಂದು ಮನದಂಬಂತೆ ಥಳಿಸುತ್ತಾರೆ. ವಿದ್ಯಾರ್ಥಿಗಳನ್ನು ಜೋರಾಗಿ ನಗುತ್ತಾ ಥಳಿಸುತ್ತಿರುವುದನ್ನು ವೈರಲ್​ ಆಗಿರುವ ವಿಡಿಯೋದಲ್ಲಿ ನೋಡಬಹುದಾಗಿದೆ. ಈ ವಿಡಿಯೋವನ್ನು ವೈಎಸ್​ಆರ್​ ಕಾಂಗ್ರೆಸ್​ ಪಕ್ಷ ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದೆ.

ಈ ಘಟನೆಯು ಫೆಬ್ರವರಿಯಲ್ಲಿ ನಡೆದಿದ್ದು, ಕಾನೂನು ಮತ್ತು ಸುವ್ಯವಸ್ಥೆ ಪರಿಸ್ಥಿತಿಯು ಚಂದ್ರಬಾಬು ನಾಯ್ಡು ನೇತೃತ್ವದ ಸರ್ಕಾರ ಅಧಿಕಾರಕ್ಕೆ ಬಂದ ನಂತರ ಸಂಪೂರ್ಣವಾಗಿ ಹದಗೆಟ್ಟಿದೆ ಎಂದು ವಾಗ್ದಾಳಿ ನಡೆಸಿದೆ. ಈ ಘಟನೆ ನಿಮ್ಮ ಸರ್ಕಾರ ಆಡಳಿತದಲ್ಲಿದ್ದಾಗ ನಡೆದಿದ್ದು ಎಂದು ಟಿಡಿಪಿ ವೈಎಸ್​ಆರ್​ಗೆ ಟಾಂಗ್​ ನೀಡಿದೆ.

https://www.vijayavani.net/wo-aayenge-toh-hum-sabko-bohot-acha-lagega-younis-khan-requests-virat-kohli-to-visit-pakistan-for-2025-champions-trophy-video

https://www.vijayavani.net/darshan-will-be-released-within-3-months-kaudepira-lalasaba-prophesied