ಹೂತುಹೋಗುತ್ತಿರುವ ಆನೆಗಳಂತೆ ಕಾಣುತ್ತಿತ್ತು. ಈ ಎರಡು ಸೇನೆಗಳ ಘೊರವಾದ ಯುದ್ಧ ಕೊನೆಗೊಳ್ಳುತ್ತಾ ಬಂದಂತೆ, ಚೆನ್ನಾಗಿ ಉರಿಯುತ್ತಿರುವ ಅಗ್ನಿಯಲ್ಲಿ ಇಂಧನವು ಸುಟ್ಟು ಭಸ್ಮವಾಗುವಂತೆ, ಮತಂಗ ದೇಶದ ಸೈನಿಕರು ಲಯವಾಗಿ ಹೋದರು. ಮಿತ್ರಗರ್ತ ದೇಶದ ಸೈನಿಕರನ್ನು ತ್ರಿಗರ್ತ ದೇಶದ ಸೈನಿಕರು ಹಿಡಿದು, ಹುಲ್ಲುಕಡ್ಡಿಗಳನ್ನು ಎತ್ತಿತಿರುಗಿಸಿ ಎಸೆಯುವಂತೆ, ಎಸೆದರು. ತಲೆಕೆಳಗಾಗಿ ಬೀಳುತ್ತಿರುವ ಮಿತ್ರಗರ್ತರು ಪಾತಾಳ ಲೋಕದವರೆಗೂ ಓಡಿಹೋಗಿ ಪಾತಾಳ ಲೋಕವನ್ನು ಸೇರಿದರು. ಇನ್ನೊಂದೆಡೆ ಮಾಗಧ ಸೈನಿಕರ ಬಲದಲ್ಲಿ ವನಿಲ ದೇಶದ ಸೈನಿಕರು ಸಿಕ್ಕಿಕೊಂಡರು. ಆ ಮಾಗಧ ಸೇನಾ ಸಮೂಹವಾದರೋ ಮಂದವಾದ ಗಾಳಿಯಲ್ಲಿ ಚಲಿಸುತ್ತಿರುವ ಮೋಡದಂತೆ ಹೊಳೆಯುತ್ತಿತ್ತು. ಅವರ ಎದುರಿನಲ್ಲಿ ಮಂದರಾದ(ದುರ್ಬಲರಾದ) ವನಿಲರು ಕೆಸರಿನಲ್ಲಿ ಸಿಕ್ಕಿಕೊಂಡ ಮುದಿ ಆನೆಗಳಂತೆ ಸಿಕ್ಕಿಕೊಂಡರು.’
