ನವರಾತ್ರಿಯ ಒಂಬತ್ತನೇ ದಿನ ಶಾರದಾ ಪೂಜೆ ಬಹಳ ವಿಜೃಂಭಣೆಯಿಂದ ನಡೆಯುತ್ತದೆ. ಶಾಲೆ, ವಿದ್ಯಾಸಂಸ್ಥೆ, ದೇವಸ್ಥಾನ ಹಾಗೂ ಮನೆಗಳಲ್ಲಿ ಶಾರದಾದೇವಿಯ ಆರಾಧನೆ. ಕೆಲವೆಡೆ ಪುಸ್ತಕ, ಪೆನ್ನು, ವೀಣೆ, ತಬಲಾ, ಮೃದಂಗ, ಹಾರ್ವೇನಿಯಂ ಮುಂತಾದ ವಾದ್ಯೋಪಕರಣಗಳನ್ನು ದೇವಿಯ ಮುಂದೆ ಇಟ್ಟು ಪೂಜಿಸಲಾಗುತ್ತದೆ. ಪೂಜೆ ಬಳಿಕ ಅಕ್ಷರಾರಾಧನೆ ಮಾಡುವುದು, ಅಂದರೆ ಮಕ್ಕಳು ಅಕ್ಷರಾಭ್ಯಾಸ ಮಾಡುವ ಸಂಪ್ರದಾಯವೂ ಇದೆ. ಇದರಿಂದ ವಿದ್ಯೆಗೆ ನಾಂದಿ ಹಾಡಲಾಗುತ್ತದೆ. ಶಾರದಾದೇವಿ ಸರಸ್ವತಿಯ ರೂಪ. ಜ್ಞಾನ, ವಿದ್ಯೆ, ಕಲೆ ಮತ್ತು ವಾಕ್ಚಾತುರ್ಯದ ದೇವಿ. ಪುರಾಣಗಳಲ್ಲಿ ಸರಸ್ವತಿಯನ್ನು ವಾಗ್ದೇವಿ, ವೇಣುವಾದಿನಿ, ವೀಣಾಪಾಣಿ ಎಂದು ಹೇಳಲಾಗಿದೆ. ನವರಾತ್ರಿಯಲ್ಲಿ ದುರ್ಗೆಯ ಆರಾಧನೆಗೆ ಜೊತೆಗೆ ಶಾರದೆಯನ್ನೂ ಪೂಜಿಸುವ ಪದ್ಧತಿ ಶತಮಾನಗಳಿಂದ ಬಂದಿದೆ.
