ಫೆಮಾ ಪ್ರಕರಣ: ಡಿಎಂಕೆ ಸಂಸದನ ಕುಟುಂಬಕ್ಕೆ 908 ಕೋಟಿ ರೂ. ದಂಡ ವಿಧಿಸಿದ ಇಡಿ!

ಚೆನ್ನೈ:  ವಿದೇಶಿ ವಿನಿಮಯ ನಿರ್ವಹಣಾ ಕೇಂದ್ರ (FEMA) ಪ್ರಕರಣದಲ್ಲಿ ಡಿಎಂಕೆ ಸಂಸದ ಎಸ್ ಜಗತ್ರಕ್ಷಕನ್ ಮತ್ತು ಅವರ ಕುಟುಂಬಕ್ಕೆ ಜಾರಿ ನಿರ್ದೇಶನಾಲಯ (ಇಡಿ) 908 ಕೋಟಿ ರೂ. ದಂಡ ವಿಧಿಸಿದೆ. ಈ ಮೊತ್ತದಲ್ಲಿ 89 ಕೋಟಿ ಮೌಲ್ಯದ ಜಪ್ತಿ ಆಸ್ತಿ ಸೇರಿದೆ ಎಂದು ಸಂಸ್ಥೆ ತಿಳಿಸಿದೆ.

ಇದನ್ನೂ ಓದಿ: ಜಮ್ಮು ಮತ್ತು ಕಾಶ್ಮೀರ ವಿಧಾನಸಭಾ ಚುನಾವಣೆಯಲ್ಲಿ ಸ್ಪರ್ಧಿಸುವುದಿಲ್ಲ; ಮೆಹಬೂಬಾ ಮುಫ್ತಿ

ಚೆನ್ನೈನಲ್ಲಿ ಜಾರಿ ನಿರ್ದೇಶನಾಲಯವು ತಮಿಳುನಾಡು ಸಂಸದ ಮತ್ತು ಉದ್ಯಮಿ ಜಗತ್ರಕ್ಷಕನ್ ಅವರ ಕುಟುಂಬ ಸದಸ್ಯರು ಮತ್ತು ಸಂಬಂಧಿತ ಭಾರತೀಯ ಘಟಕಗಳ ವಿರುದ್ಧ ಫೆಮಾ ಅಡಿಯಲ್ಲಿ ತನಿಖೆ ನಡೆಸಿತು. ಫೆಮಾದ ಸೆಕ್ಷನ್ 37ಎ ಅಡಿಯಲ್ಲಿ ವಶಪಡಿಸಿಕೊಂಡ 89.19 ಕೋಟಿ ರೂ.ಗಳನ್ನು ಜಪ್ತಿ ಮಾಡಲು ಆದೇಶಿಸಲಾಗಿದೆ ಇಡಿ ಇಡಿ ಎಕ್ಸ್ ಪೋಸ್ಟ್‌ನಲ್ಲಿ ತಿಳಿಸಿದೆ.

ಹೆಚ್ಚುವರಿಯಾಗಿ, ಸೋಮವಾರ ಹೊರಡಿಸಿದ ತೀರ್ಪಿನ ಆದೇಶದ ಮೂಲಕ ಸರಿಸುಮಾರು 908 ಕೋಟಿ ರೂ. ದಂಡವನ್ನು ವಿಧಿಸಲಾಗಿದೆ ಎಂದು ಅದು ಹೇಳಿದೆ. “ಫೆಮಾದ ಸೆಕ್ಷನ್ 37 ಎ ಪ್ರಕಾರ ವಶಪಡಿಸಿಕೊಂಡ 89.19 ಕೋಟಿ ಮೌಲ್ಯದ ಆಸ್ತಿಗಳನ್ನು ಮುಟ್ಟುಗೋಲು ಹಾಕಿಕೊಳ್ಳುವಂತೆ ಆದೇಶಿಸಲಾಗಿದೆ. 26/08/2024 ರ ತೀರ್ಪಿನ ಆದೇಶದ ಪ್ರಕಾರ 908 ಕೋಟಿ ರೂ. ದಂಡವನ್ನು ವಿಧಿಸಲಾಗಿದೆ” ಎಂದು ಇಡಿ ಹೇಳಿದೆ.

ಎಸ್ ಜಗತ್ರಕ್ಷಕನ್ ಯಾರು?

76 ವರ್ಷದ ಎಸ್ ಜಗತ್ರಕ್ಷಕನ್ ಅವರು ತಮಿಳು ಉದ್ಯಮಿ ಮತ್ತು ಡಿಎಂಕೆ ಟಿಕೆಟ್‌ನಲ್ಲಿ ಅರಕ್ಕೋಣಂ ಲೋಕಸಭಾ ಕ್ಷೇತ್ರವನ್ನು ಪ್ರತಿನಿಧಿಸುತ್ತಿದ್ದಾರೆ. ಅವರು ಚೆನ್ನೈ ಮೂಲದ ಅಕಾರ್ಡ್ ಗ್ರೂಪ್‌ನ ಸಂಸ್ಥಾಪಕರಾಗಿದ್ದಾರೆ. 1999 ರಿಂದ ಈ ಸ್ಥಾನದಿಂದ ಮೂರು ಬಾರಿ ಚುನಾಯಿತರಾಗಿದ್ದಾರೆ. ಅವರು ಶ್ರೀ ಬಾಲಾಜಿ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆಯ ಅಧ್ಯಕ್ಷರಾಗಿದ್ದಾರೆ ಮತ್ತು ಡಾ ರೇಲಾ ಆಸ್ಪತ್ರೆ ಮತ್ತು ಸಂಸ್ಥೆಯ ಮಾಲೀಕರಾಗಿದ್ದಾರೆ.

ಎಸ್ ಜಗತ್ರಕ್ಷಕನ್ ವಿರುದ್ಧ ಇಡಿ ಪ್ರಕರಣವೇನು?: ಡಿಸೆಂಬರ್ 1, 2021 ರಂದು, ಡಿಎಂಕೆ ಸಂಸದ ಜಗತ್ರಕ್ಷಕನ್, ಅವರ ಕುಟುಂಬ ಸದಸ್ಯರು ಮತ್ತು ಸಂಬಂಧಿತ ಕಂಪನಿಯ ವಿರುದ್ಧ ಫೆಮಾದ ಸೆಕ್ಷನ್ 16 ರ ಅಡಿಯಲ್ಲಿ ಕೇಂದ್ರ ಏಜೆನ್ಸಿಯು ಫೆಮಾ ದೂರು ದಾಖಲಿಸಿದೆ ಎಂದು ಜಾರಿ ನಿರ್ದೇಶನಾಲಯ (ಇಡಿ) ಹೇಳಿಕೆಯಲ್ಲಿ ತಿಳಿಸಿದೆ.

ದೂರಿನಲ್ಲಿ ವಿವಿಧ ಫೆಮಾ ನಿಬಂಧನೆಗಳನ್ನು ಸಂಸದರು ಉಲ್ಲಂಘಿಸಿದ್ದಾರೆ, ವಿಶೇಷವಾಗಿ 2017 ರಲ್ಲಿ ಸಿಂಗಾಪುರದ ಶೆಲ್ ಕಂಪನಿಯಲ್ಲಿ 42 ಕೋಟಿ ರೂ. ಹೂಡಿಕೆ, ಕುಟುಂಬ ಸದಸ್ಯರ ನಡುವೆ ಸಿಂಗಾಪುರದ ಷೇರುಗಳ ಸ್ವಾಧೀನ ಮತ್ತು ವರ್ಗಾವಣೆ ಮತ್ತು ಸುಮಾರು ಶ್ರೀಲಂಕಾದ ಘಟಕದಲ್ಲಿ 9 ಕೋಟಿ ರೂ ಹೂಡಿಕೆ ಮಾಡಲಾಗಿದೆ. ಸೆಪ್ಟೆಂಬರ್ 11, 2020 ರಂದು ವಶಪಡಿಸಿಕೊಂಡ ಆಸ್ತಿಗಳನ್ನು ಮುಟ್ಟುಗೋಲು ಹಾಕಿಕೊಳ್ಳುವಂತೆಯೂ ದೂರಿನಲ್ಲಿ ಕೋರಲಾಗಿದೆ.

ಆಪಾದಿತ ಉಲ್ಲಂಘನೆಗಳು ಮತ್ತು ಸಲ್ಲಿಸಿದ ಲಿಖಿತ ಉತ್ತರಗಳನ್ನು ಕೂಲಂಕಷವಾಗಿ ಪರಿಶೀಲಿಸಿದ ನಂತರ, ಉಲ್ಲಂಘನೆಗಳು ಸಾಬೀತಾಗಿದೆ ಎಂದು ನಿರ್ಧರಿಸಲಾಯಿತು ಎಂದು ಜಾರಿ ನಿರ್ದೇಶನಾಲಯ ಹೇಳಿಕೆಯಲ್ಲಿ ತಿಳಿಸಿದೆ.

https://www.vijayavani.net/let-sonia-gandhi-do-house-chalo-instead-of-raj-bhavan-chalo-hdk-hits-back-at-priyank-kharge