ನನ್ನ ಜೀವನದಲ್ಲಿ ನಡೆದ ಕಹಿ ಘಟನೆ. ಒಂದು ದಿನ ಅಪ್ಪಾ ನನಗೆ ಫೋನ್ ಮಾಡಿ, ‘ನಾನು ಇವತ್ತು ವಿಜಯಪುರಕ್ಕೆ ಬರ್ತಾ ಇದ್ದೀನಿ, ಲ್ಯಾಪ್ಟಾಪ್ ಕೊಡಿಸೋಕೆ’ ಎಂದರು. ಅಪ್ಪ ಬಂದರು. ಇಬ್ಬರೂ ಲ್ಯಾಪ್ಟಾಪ್ ತರಲು ಮಾಲ್ಗೆ ಹೊರಟೆವು. ಲ್ಯಾಪ್ಟಾಪ್ ಆಯ್ಕೆ ಮಾಡಿ ಅದಕ್ಕೆ 45,000 ರೂಪಾಯಿ ಪಾವತಿಸಬೇಕೆನ್ನುವಷ್ಟರಲ್ಲಿ ಆಘಾತ ಕಾದಿತ್ತು. ಅಪ್ಪಾ ಹಣ ಕೊಡಬೇಕು ಎಂದು ಜೇಬಿಗೆ ಕೈ ಹಾಕಿದಾಗ ಹಣವೇ ಇರಲಿಲ್ಲ. ಯಾರೋ 50 ಸಾವಿರ ರೂಪಾಯಿ ಕದ್ದಿದ್ದರು. ನನ್ನ ಕಣ್ಣಲ್ಲಿ ನೀರು ಬಂದು ಬಿಟ್ಟಿತು. ಹಾಸ್ಟೆಲ್ಗೆ ವಾಪಸಾದೆ. ಮತ್ತೆ ಮರುದಿನ ಅಪ್ಪಾ ಬಂದರು. ಬೇಡ ಎಂದರೂ ಮೊದಲು ನೋಡಿದ ಲ್ಯಾಪ್ಟಾಪನ್ನೇ ಕೊಡಿಸಿದರು. ಆ ದಿನಪೂರ್ತಿ ನನ್ನ ಜತೆಗೆ ಇದ್ದರೂ ಹಣ ಕಳೆದಿದ್ದರ ಬಗ್ಗೆ ಒಂದು ಮಾತು ಕೂಡ ಆಡಲಿಲ್ಲ. ಸಾರಿ ಅಪ್ಪಾ, ಕೇವಲ ಒಂದು ಲ್ಯಾಪ್ಟಾಪ್ಗೋಸ್ಕರ ನಿಮ್ಮಿಂದ ಒಂದು ಲಕ್ಷ ರೂಪಾಯಿ ಹಾಕಿಸಬೇಕಾಗಿ ಬಂತು. ನಿಮ್ಮ ಕನಸನ್ನು ನನಸು ಮಾಡುತ್ತೇನೆ. ನಿಮ್ಮಂಥ ಅಪ್ಪನನ್ನು ಪಡೆಯಲು ನೂರಾರು ಜನ್ಮದ ಪುಣ್ಯ ಮಾಡಿರಬೇಕು.
