ಸತ್ಯನಾರಾಯಣ ಸಿಂಗ್, 2005ರಲ್ಲಿ ಆಶಾ ಎಂಬಾಕೆಯನ್ನು ಮದುವೆ ಆಗಿದ್ದ. ಪತಿಯ ವರದಕ್ಷಿಣೆ ಕಿರುಕುಳದಿಂದ ನೊಂದು ಆಶಾ, 2006ರ ಡಿ.12ರಂದು ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಳು. ಈ ವೇಳೆಗಾಗಲೇ ದಂಪತಿಗೆ ಆಶಾಗೆ 8 ತಿಂಗಳ ಪುತ್ರಿ ನೇಹಾಸಿಂಗ್ ಇದ್ದಳು. ವರದಕ್ಷಿಣೆ ಕಿರುಕುಳ ಆರೋಪದ ಮೇಲೆ ಜೆ.ಜೆ.ನಗರ ಪೊಲೀಸರು, ಅಪರಾಧಿ ಸತ್ಯನಾರಾಯಣ ಸಿಂಗ್ನನ್ನು ಬಂಧಿಸಿ ಜೈಲಿಗೆ ಕಳುಹಿಸಿದ್ದರು. ಇತ್ತ ಮಗುವನ್ನು, ಆಶಾಳ ಪಾಲಕರು ಕರೆದೊಯ್ದು ಶಿವಮೊಗ್ಗದಲ್ಲಿ ಸಾಕುತ್ತಿದ್ದರು. ಜೈಲಿನಿಂದ ಹೊರಬಂದ ಮೇಲೆ ಸತ್ಯನಾರಾಯಣ ಸಿಂಗ್, ಅತ್ತೆ ಮನೆಗೆ ಹೋಗಿ ಮಗಳನ್ನು ಚೆನ್ನಾಗಿ ಸಾಕುವುದಾಗಿ ನಂಬಿಸಿ ಬೆಂಗಳೂರಿಗೆ ಕರೆತರುತ್ತಾನೆ.
