ಆ ಬಳಿಕ ಕಂಪನಿಯ ಬಗ್ಗೆ ಹೆಚ್ಚು ಪ್ರಚಾರ ಮಾಡಲು ಮೊದಲು ಹೂಡಿಕೆ ಮಾಡಿದವರಿಗೆ ರಿವಾರ್ಡ್ ಎಂಬ ಹೆಸರಿನಲ್ಲಿ ಪ್ರತಿ ದಿನ ಹೂಡಿಕೆ ಮಾಡಿದ ಹಣಕ್ಕೆ ಹೆಚ್ಚುವರಿ ಶೇ.೧೫ ರಷ್ಟು ಹಣ ನೀಡುತ್ತಿದ್ದರು. ಅದನ್ನು ನಂಬಿದ ಹೂಡಿಕೆದಾರರು, ತಮ್ಮ ಸಂಬಂಧಿಕರು, ಸೇಹಿತರಿಗೆ ತಿಳಿಸಿ, ಹೂಡಿಕೆ ಮಾಡಿಸಿದ್ದಾರೆ. ಜತೆಗೆ ಆರೋಪಿಗಳು ಸಾಮಾಜಿಕ ಜಾಲತಾಣಗಳಾದ ಫೇಸ್ಬುಕ್, ಇನ್ಸ್ಟ್ರಾಗ್ರಾಂ ಹಾಗೂ ವಾಟ್ಸ್ಆ್ಯಪ್ಗಳ ಮೂಲಕ ಪ್ರಚಾರ ಮಾಡಿದ್ದಾರೆ. ಅದರಿಂದ ಕಳೆದೊಂದು ವರ್ಷದಲ್ಲಿ ೧೩೦೦ರಿಂದ ೧೪೦೦ ಕ್ಕೂ ಅಧಿಕ ಮಂದಿ ೫-೬ ಕೋಟಿ ರೂ. ಹೂಡಿಕೆ ಮಾಡಿರುವುದು ಕಂಡು ಬಂದಿತ್ತು. ಆದರೆ, ಹೆಚ್ಚಿನ ತನಿಖೆ ಮಾಡಿದ್ದಾಗ ವಂಚನೆಯ ಮೌಲ್ಯ ೮-೧೦ ಕೋಟಿ ರೂ. ದಾಟಿದೆ ಎಂಬುದು ಗೊತ್ತಾಗಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
