ಸರ್ಕಾರದ ನೀತಿ, ಕಾರ್ಯಕ್ರಮಗಳ ಜತೆಗೆ ರೈತರು ಕೂಡ ಜಾಗೃತರಾಗಿ ಒಂದಿಷ್ಟು ಬದಲಾವಣೆಗೆ ಒಡ್ಡಿಕೊಳ್ಳುವುದು, ಸುಧಾರಣೆಗಳನ್ನು ಅನುಷ್ಠಾನಕ್ಕೆ ತರುವುದು ಅನಿವಾರ್ಯ. ಮುಖ್ಯವಾಗಿ, ಬೇರೆಯವರು ಯಾವುದಾದರೂ ಒಂದು ಬೆಳೆ ಬೆಳೆದು ಅದಕ್ಕೆ ಉತ್ತಮ ಬೆಲೆ ಸಿಕ್ಕಾಗ ಉಳಿದ ರೈತರು ಅದನ್ನೇ ಬೆಳೆಯಲು ಮುಂದಾಗುತ್ತಾರೆ. ಫಸಲು ಬರುವ ಸಮಯದಲ್ಲಿ ಈ ಬೆಳೆಗೆ ಮಾರುಕಟ್ಟೆ ಸ್ಥಿತಿ ಹೇಗಿರುತ್ತದೆ, ಬೇಡಿಕೆ ಇರುತ್ತದೆಯೋ ಇಲ್ಲವೋ, ಬೆಲೆ ಸಿಗುತ್ತದೆಯೋ ಇಲ್ಲವೋ ಎಂಬುದನ್ನು ಬಹುತೇಕ ರೈತರು ಯೋಚನೆ ಮಾಡುವುದೇ ಇಲ್ಲ. ಅದೇ ರೀತಿ ಯಾರಾದರೂ ಒಬ್ಬ ರೈತ ಕುರಿ-ಮೇಕೆ ಸಾಕಿ ಆರ್ಥಿಕವಾಗಿ ಸದೃಢನಾಗಿದ್ದರೆ ಉಳಿದ ಕೃಷಿಕರೂ ಅದನ್ನೇ ಅನುಕರಿಸಲು ಮುಂದಾಗುತ್ತಾರೆ. ಅದರಲ್ಲಿರುವ ಸಮಸ್ಯೆಗಳೇನು, ಆ ಸಮಸ್ಯೆಗಳನ್ನು ಹೇಗೆ ಪರಿಹರಿಸಿಕೊಳ್ಳಬೇಕು, ಲಾಭ ತರುವ ಮಾಗೋಪಾಯಗಳೇನು ಎಂಬುದರ ಬಗ್ಗೆ ಅಧ್ಯಯನ ಮಾಡುವ ಗೋಜಿಗೂ ಹೋಗುವುದಿಲ್ಲ. ಈ ರೀತಿಯ ಅಂಧಾನುಕರಣೆಯೇ ರೈತರು ನಷ್ಟ ಅನುಭವಿಸುವುದಕ್ಕೆ ದಾರಿ ಮಾಡಿಕೊಡುತ್ತದೆ. ಇಂತಹ
