ಈ ಷೇರುಗಳ ಬೆಲೆಯಲ್ಲಿ ಕುಸಿತ: ಖರೀದಿಸಿ ಉತ್ತಮ ಲಾಭ ಮಾಡಿಕೊಳ್ಳಲು ಅವಕಾಶ

ಮುಂಬೈ: ಮುಂಬರುವ ಸಮಯದಲ್ಲಿ ಕಾರ್ಯಕ್ಷಮತೆ ಮತ್ತು ಆದಾಯವು ಸುಧಾರಿಸುವ ನಿರೀಕ್ಷೆಯಿರುವ ಅನೇಕ ಷೇರುಗಳನ್ನು ಖರೀದಿಸಲು ಷೇರು ಮಾರುಕಟ್ಟೆ ತಜ್ಞರು ಸಲಹೆ ನೀಡಿದ್ದಾರೆ. ಕುತೂಹಲಕಾರಿ ಅಂಶವೆಂದರೆ ನಾಲ್ಕನೇ ತ್ರೈಮಾಸಿಕ ಫಲಿತಾಂಶಗಳ ನಂತರ, ಈ ಷೇರುಗಳ ಬೆಲೆಗಳು ಕುಸಿತವನ್ನು ತೋರಿಸುತ್ತಿವೆ. ಸ್ಟಾಕ್ ಮಾರುಕಟ್ಟೆಯ ವಿಶೇಷ ವಹಿವಾಟು ಅಧಿವೇಶನವನ್ನು ಶನಿವಾರ ಆಯೋಜಿಸಲಾಗಿತ್ತು. ಇಂತಹ ಕೆಲ ಷೇರುಗಳ ಚಲನವಲನಗಳನ್ನು ವ್ಯಾಪಾರಿಗಳು ಮತ್ತು ಹೂಡಿಕೆದಾರರು ಸೂಕ್ಷ್ಮವಾಗಿ ಗಮನಿಸಿದರು.

ಇವುಗಳಲ್ಲಿ ಹಲವು ಷೇರುಗಳು ದುರ್ಬಲಗೊಳ್ಳುತ್ತಿದ್ದು, ಇದು ನಿಮಗೆ ಉತ್ತಮ ಖರೀದಿ ಅವಕಾಶವಾಗಿದೆ ಎಂದು ತಜ್ಞರು ಹೇಳುತ್ತಾರೆ. ಇವುಗಳಲ್ಲಿ JSW ಸ್ಟೀಲ್ ಮತ್ತು ಆಸ್ಟ್ರಲ್‌ನಂತಹ ಕಂಪನಿಗಳು ಸೇರಿವೆ.

ಈ ಷೇರುಗಳ ಮೇಲೆ ನಿಗಾ ಇಡುವ ಅಗತ್ಯ:

1) ರಕ್ಷಣಾ ವಲಯದ ಷೇರುಗಳಲ್ಲಿನ ಏರಿಕೆಯ ಮಧ್ಯೆ, ಭಾರತ್ ಡೈನಾಮಿಕ್ಸ್ ಷೇರುಗಳ ಬೆಲೆ ಸಹ ಐದು ಪ್ರತಿಶತದಷ್ಟು ಏರಿಕೆ ದಾಖಲಿಸಿವೆ ಮತ್ತು 52 ವಾರಗಳ ಗರಿಷ್ಠ ರೂ 2437 ದಾಟಿದೆ.

2) ನೆಸ್ಲೆ ಇಂಡಿಯಾದ ಷೇರುಗಳು ಶೇಕಡಾ 2.3 ರಷ್ಟು ಏರಿಕೆಯಾಗಿ 2502 ರೂ. ರಾಯಲ್ಟಿ ಹೆಚ್ಚಿಸಬೇಕೆಂಬ ಮಾತೃಸಂಸ್ಥೆಯ ಮನವಿಯನ್ನು ಕಂಪನಿ ತಿರಸ್ಕರಿಸಿದೆ.

3) ಶನಿವಾರದಂದು ಆಸ್ಟ್ರಲ್ ಷೇರುಗಳು ಶೇ. 5ರಷ್ಟು ಕುಸಿದು 2193 ರೂ. ಮುಟ್ಟಿದವು. ಕಂಪನಿಯ ನಾಲ್ಕನೇ ತ್ರೈಮಾಸಿಕ ಫಲಿತಾಂಶಗಳಲ್ಲಿ, ವರ್ಷದಿಂದ ವರ್ಷಕ್ಕೆ ನಿವ್ವಳ ಲಾಭದಲ್ಲಿ 12 ಪ್ರತಿಶತದಷ್ಟು ಕುಸಿತ ಕಂಡುಬಂದಿದೆ.

4) ಡೆಲ್ಹಿವರಿ ಷೇರುಗಳು ಶನಿವಾರ ನಾಲ್ಕು ಪ್ರತಿಶತದಷ್ಟು ಕುಸಿದವು. ಕಳೆದ ಹಣಕಾಸು ವರ್ಷದ ಮಾರ್ಚ್ ತ್ರೈಮಾಸಿಕದಲ್ಲಿ ಕಂಪನಿಯು 69 ಕೋಟಿ ರೂಪಾಯಿ ನಷ್ಟವನ್ನು ವರದಿ ಮಾಡಿದೆ. ಇದಾದ ನಂತರ ಅದರ ಷೇರುಗಳ ಬೆಲೆ 436 ರೂ. ತಲುಪಿದೆ.

5) ಜೆಎಸ್‌ಡಬ್ಲ್ಯು ಸ್ಟೀಲ್ ಷೇರುಗಳ ಬೆಲೆ ಶನಿವಾರದ ವಿಶೇಷ ವಹಿವಾಟಿನಲ್ಲಿ ಶೇಕಡಾ 2ರಷ್ಟು ಕುಸಿದು, 891.45 ರೂ. ಮಟ್ಟ ಮುಟ್ಟಿತು. ಕಳೆದ ಹಣಕಾಸು ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ ಕಂಪನಿಯು ವರ್ಷದಿಂದ ವರ್ಷಕ್ಕೆ 64 ಪ್ರತಿಶತದಷ್ಟು ನಷ್ಟವನ್ನು ವರದಿ ಮಾಡಿದೆ.

6) ಶನಿವಾರ, ಬಾಲಕೃಷ್ಣ ಇಂಡಸ್ಟ್ರೀಸ್‌ನ ಷೇರುಗಳು ಶೇಕಡಾ 5 ರಷ್ಟು ಏರಿಕೆ ದಾಖಲಿಸಿ, ರೂ. 2799 ಸಾರ್ವಕಾಲಿಕ ಗರಿಷ್ಠ ಮಟ್ಟವನ್ನು ತಲುಪಿದವು. ಶುಕ್ರವಾರ ನಾಲ್ಕನೇ ತ್ರೈಮಾಸಿಕದಲ್ಲಿ ಕಂಪನಿಯು ಅತ್ಯುತ್ತಮ ಫಲಿತಾಂಶಗಳನ್ನು ವರದಿ ಮಾಡಿದೆ. ಈ ಹಿನ್ನೆಲೆಯಲ್ಲಿ ಬಾಲಕೃಷ್ಣ ಇಂಡಸ್ಟ್ರೀಸ್ ಷೇರುಗಳು ಬಂಪರ್ ಏರಿಕೆ ದಾಖಲಿಸಿವೆ.

https://www.vijayavani.net/bearish-moving-average-crossover-in-these-6-stocks-loss-is-certain-if-anything

https://www.vijayavani.net/buy-these-two-tata-group-stocks-what-are-experts-saying

https://www.vijayavani.net/rs-136-to-rs-this-huge-demand-for-the-share-that-has-fallen-to-20-do-you-know-how-much-profit-the-company-has-made-now