ಆಟ ಆಡುವಾಗ ಮಗಳ ಮೇಲೆ ಬಿದ್ದ ಅಪ್ಪ! ಮತ್ತೆ ಉಸಿರಾಡಲೇ ಇಲ್ಲ ಮೂರು ವರ್ಷದ ಕಂದಮ್ಮ

ನ್ಯೂಜಿಲೆಂಡ್: ಮಕ್ಕಳೊಂದಿಗೆ ಆಟವಾಡುವುದು ಯಾವ ತಂದೆಗೆ ಇಷ್ಟವಾಗುವುದಿಲ್ಲ ಹೇಳಿ? ಅದೇ ರೀತಿ ಖುಷಿಯಿಂದ ಮಗಳೊಂದಿಗೆ ಆಟವಾಡುತ್ತಿದ್ದ ತಂದೆಯೊಬ್ಬ ಬ್ಲಾಲೆನ್ಸ್​ ತಪ್ಪಿ ಮಗಳ ಮೇಲೇ ಬಿದ್ದಿದ್ದು, ಪುಟ್ಟ ಕಂದಮ್ಮ ಪ್ರಾಣ ಬಿಟ್ಟಿರುವ ಘಟನೆ ನ್ಯೂಜಿಲೆಂಡ್​ನಲ್ಲಿ ನಡೆದಿದೆ.

ಅಂಬರ್ಲಿ ಮೂರು ವರ್ಷದ ಮಗು. ಆಕೆಯನ್ನು ಆಕೆಯ ತಂದೆ ರಾಬರ್ಟ್ ಫೋಲೆ ಅತ್ಯಂತ ಪ್ರೀತಿಯಿಂದ ಸಾಕುತ್ತಿದ್ದ. ಸಾಕಷ್ಟು ಆಟದ ಸಾಮಾಗ್ರಿಗಳನ್ನೂ ತಂದುಕೊಟ್ಟಿದ್ದ. ಅಂದು ಕೂಡ ಮಗಳ ಆಸೆಯಂತೆ ಆಕೆಯೊಂದಿಗೆ ಸೂಪರ್​ನೋವಾ ಆಟವಾಡಲು ಮುಂದಾಗಿದ್ದಾನೆ.

ಸೂಪರ್​ನೋವಾ ಆಟದಲ್ಲಿ ಒಂದು ವೃತ್ತಾಕಾರದ ಬೇಸ್​ ಇರುತ್ತದೆ. ಅದು ತಿರುಗಬಲ್ಲದ್ದಾಗಿದ್ದು, ಮಕ್ಕಳು ಅದರ ಮೇಲೆ ಒಂದೇ ಕಡೆ ನಿಂತು ಆ ಬೇಸ್​ ಅನ್ನು ತಿರುಗಿಸುತ್ತಾರೆ. ಎಷ್ಟು ಬ್ಯಾಲೆನ್ಸ್ ಮಾಡಬಲ್ಲಿರಿ ಎನ್ನುವುದೇ ಆ ಆಟದಲ್ಲಿ ಮುಖ್ಯ. ಅದೇ ರೀತಿಯ ಆಟವನ್ನು ರಾಬರ್ಟ್​ ಮಗಳೊಂದಿಗೆ ಶುರು ಮಾಡಿದ್ದಾನೆ. ಮಗಳನ್ನು ಬೇಸ್ ಮೇಲೆ ಕೂರಿಸಿ, ಇನ್ನೊಂದು ಕಡೆ ತಾನು ನಿಂತು ಅದನ್ನು ತಿರುಗಿಸಲಾರಂಭಿಸಿದ್ದಾನೆ. ಮುಂದೆ, ಹಿಂದೆ ಹೀಗೆ ತಿರುಗಿಸುತ್ತಾ ಮಗಳನ್ನು ನಗಿಲಸಾರಂಭಿಸಿದ್ದಾನೆ.

ಆಟವಾಡುತ್ತಿದ್ದ ರಾಬರ್ಟ್​ಗೆ ಇದ್ದಕ್ಕಿದ್ದಂತೆ ಬ್ಯಾಲೆನ್ಸ್ ತಪ್ಪಿದೆ. ಆತ ಒಂದೇ ಕಡೆ ವಾಲಿ ತನ್ನ ಮಗಳ ಮೇಲೆಯೇ ಬಿದ್ದಿದ್ದಾನೆ. ಅಪ್ಪ ಬಿದ್ದ ಹೊಡೆತಕ್ಕೆ ಮಗಳ ತಲೆಗೆ ಬಲವಾಗಿ ಹೊಡೆತ ಬಿದ್ದಿದೆ. ಈಗಿನ್ನೂ ಆಟ ಶುರು ಮಾಡಿದ್ದ ಮಗು ಅಲ್ಲೇ ಕೊನೆಯುಸಿರೆಳೆದಿದೆ. (ಏಜೆನ್ಸೀಸ್)

https://www.vijayavani.net/woman-cuts-her-husband-private-part-and-fries-that-in-oil/

https://www.vijayavani.net/iranian-couple-who-killed-their-son-for-not-getting-married-also-killed-their-daughter-and-son-in-law/