ಸಂಘಟನೆಯಲ್ಲಿ ಒಟ್ಟಾಗಿದ್ದ ಗುತ್ತಿಗೆದಾರರಲ್ಲಿ, ಕ್ರಮೇಣ ಬಿರುಕು ಮೂಡಿದ್ದು, ಬಿಬಿಎಂಪಿ ರಾಜಕಾರಣದಲ್ಲಿ ಕಾಂಗ್ರೆಸ್, ಬಿಜೆಪಿ ಮತ್ತು ಜೆಡಿಎಸ್ ಪರವಾಗಿ ಧ್ವನಿ ಎತ್ತಿದವರೂ ಇದ್ದಾರೆ. ಈ ಮೊದಲು ಗುತ್ತಿಗೆದಾರರ ಪಕ್ಷ ರಾಜಕಾರಣದಲ್ಲಿ ಸಿಲುಕಿಕೊಂಡಿರಲಿಲ್ಲ. ಕಳೆದ ಎರಡು ದಶಕದಿಂದ ಇತ್ತೀಚೆ ಯಾವ ಪಕ್ಷ ಅಧಿಕಾರಕ್ಕೆ ಬರುತ್ತದೆಯೋ ಆ ಪಕ್ಷ ಪರವಾಗಿ ವಾಲುವ ಗುತ್ತಿಗೆದಾರರ ಸಂಖ್ಯೆ ಹೆಚ್ಚುತ್ತಾ ಬಂದಂತೆ ಸಂಘಗಳ ಒಗ್ಗಟ್ಟಿನಲ್ಲಿಯೂ ವ್ಯತ್ಯಾಸಗಳಾಗಿವೆ. ಬಾಕಿ ಬಿಲ್ ಪಾವತಿಗಾಗಿ ನಡೆಯುತ್ತಿರುವ ಹೋರಾಟದಲ್ಲಿ ಒಬ್ಬೊಬ್ಬರು ಒಂದೊಂದು ರೀತಿಯಲ್ಲಿ ಹೇಳಿಕೆ ನೀಡಿ ಗೊಂದಲ ಉಂಟು ಮಾಡಿರುವುದು ಈ ಎಲ್ಲ ಬೆಳವಣಿಗೆಗೆ ಹಿಡಿದ ಕನ್ನಡಿ.
