ಲವ್​ ಜಿಹಾದ್​ಗೆ ಕುರೂಪಿಯಾದಳಾ ಈ ಸುಂದರಿ: ಮಾಡೆಲ್ ಫೋಟೋ ವೈರಲ್​ ಹಿಂದಿನ ಮರ್ಮವೇನು?​

ನವದೆಹಲಿ: ಚೆನ್ನೈ ಮಹಿಳೆಯನ್ನು ಆಕೆಯ ಬಾಂಗ್ಲದೇಶಿ ಪ್ರಿಯಕರ ಅಪಹರಿಸಿ ಲಂಡನ್​ನಲ್ಲಿ ಬಲವಂತವಾಗಿ ಮತಾಂತರ ಮಾಡಿಸಿದ್ದಾನೆಂದು ಇತ್ತೀಚೆಗೆ ವರದಿಯಾದ ಬೆನ್ನಲ್ಲೇ ಸಾಮಾಜಿಕ ಜಾಲತಾಣಗಳಲ್ಲಿ ಮತ್ತೆ ಲವ್​ ಜಿಹಾದ್​ ಚರ್ಚೆ ಜೋರಾಗಿದೆ.

ಮುಖ ಸುಟ್ಟುಹೋದ ಹಾಗೂ ಮುಖ ಕಾಣದಂತೆ ಬ್ಲರ್ ಮಾಡಿರುವ​ ಮಹಿಳೆಯ ಒಂದು ಫೋಟೋ ಮತ್ತು ಇನ್ನೊಂದರಲ್ಲಿ ಸುಂದರ ಮಹಿಳೆ ಇರುವ ಎರಡು ಚಿತ್ರಗಳ ಫೋಟೋ ಕೊಲ್ಯಾಜ್​ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ಹಿಂದು ಯುವತಿ ಮೇಲೆ ಆಕೆಯ ಮುಸ್ಲಿಂ ಲವರ್​ ಆಸಿಡ್​ ದಾಳಿ ಮಾಡಿದ್ದಾನೆಂಬ ಸಂದೇಶವನ್ನು ಪರೋಕ್ಷವಾಗಿ ಸಾರಾಲಾಗಿದೆ.

ಇದನ್ನೂ ಓದಿ: ಪುಲ್ವಾಮಾ ದಾಳಿಯಲ್ಲಿ ಉಗ್ರರಿಗೆ ನೆರವಾಗಿದ್ದ ಮಹಿಳೆ: ಫಾರೂಕ್ ಖಾತೆಗೆ 10 ಲಕ್ಷ ರೂ. ಜಮಾ ಎಂದ ಎನ್​ಐಎ

ಇನ್​ಸ್ಟಾಗ್ರಾಂ ಬಳಕೆದಾರರೊಬ್ಬರು ಈ ಫೋಟೋವನ್ನು ಶೇರ್​ ಮಾಡಿಕೊಂಡಿದ್ದಾರೆ. ಹಿಂದಿ ಭಾಷೆಯಲ್ಲಿ ಅಡಿ ಬರಹ ಬರೆಯಲಾಗಿದ್ದು, ಅದರ ಸಾರಾಂಶ ಹೀಗಿದೆ. ಈಕೆಯ ಪ್ರಿಯಕರ ಇತರರಂತೆ ಅಲ್ಲ. ಹಿಂದು ಸಹೋದರಿಯರೇ ಈಗಲೂ ಕಾಲ ಮಿಂಚಿಲ್ಲ. ಇಂತಹ ಜನರಿಂದ ದೂರವಿರಿ ಎಂದು ಎಚ್ಚರಿಸಿ, ಕೊನೆಯಲ್ಲಿ ಜೈ ಶ್ರೀರಾಮ್​ ಘೋಷಣೆ ಬರೆಯಲಾಗಿದೆ. ಸಾಕಷ್ಟು ನೆಟ್ಟಿಗರು ಈ ಫೋಟೋವನ್ನು ಶೇರ್​ ಮಾಡಿಕೊಂಡಿದ್ದಾರೆ.

ಫ್ಯಾಕ್ಟ್​ಚೆಕ್​ನಲ್ಲಿ ಸತ್ಯಾಂಶ ಬಯಲು

ವೈರಲ್​ ಫೋಟೋ ಕುರಿತಾದ ನಿಜಾಂಶ ತಿಳಿಯಲು ಇಂಡಿಯಾ ಟುಡೆ ಆ್ಯಂಟಿ ಫೇಕ್​ ನ್ಯೂಸ್​ ವಾರ್​ ಫ್ಯಾಕ್ಟ್​ಚೆಕ್​ ನಡೆಸಿದ್ದು, ಫೋಟೋದಲ್ಲಿರುವ ಯುವತಿ ಹಿಂದು ಅಲ್ಲ. ಅವಳು ಮುಸ್ಲಿಂ ಯುವತಿ. 2017ರಲ್ಲಿ ಲಂಡನ್​ನಲ್ಲಿ ಈಕೆಯ ಮೇಲೆ ವ್ಯಕ್ತಿಯೊಬ್ಬನಿಂದ ಹಲ್ಲೆ ನಡೆದಿತ್ತು.

ಇದನ್ನೂ ಓದಿ: ಬಿತ್ತನೆ ಭಯೋತ್ಪಾದನೆ!..ರೈತರ ಮನೆ ಬಾಗಿಲಿಗೆ ಬರುತ್ತಿದೆ ಅನುಮಾನಾಸ್ಪದ ಬೀಜ

ಆಸಿಡ್​ ದಾಳಿ ಪ್ರಕರಣದಲ್ಲಿ ಜಾನ್​ 16 ವರ್ಷಗಳ ಕಠಿಣ ಶಿಕ್ಷೆ ಗುರಿಯಾಗಿದ್ದಾರೆಂದು 2018ರಲ್ಲಿ ಬಿಬಿಸಿ ವರದಿ ಮಾಡಿದೆ. ಸಾಕಷ್ಟು ಅಂತಾರಾಷ್ಟ್ರೀಯ ಮಾಧ್ಯಮಗಳು ಈ ಸುದ್ದಿಯನ್ನು ಬಿತ್ತರಿಸಿವೆ. ಲಂಡನ್‌ನಲ್ಲಿ ಇಸ್ಲಮೋಫೋಬಿಯಾ ಬೆಳೆಯುತ್ತಿರುವುದರ ಪರಿಣಾಮವೇ ನಮ್ಮ ಮೇಲಿನ ದಾಳಿಗೆ ಕಾರಣವೆಂದು ರೇಷ್ಮಾ ಅವರ ಸೋದರಸಂಬಂಧಿ ಜಮೀಲ್ ನೀಡಿದ ಹೇಳಿಕೆ ಇಂಡಿಪೆಂಡೆಂಟ್​ ವೆಬ್​ಸೈಟ್​ನಲ್ಲಿ ಪ್ರಕಟವಾಗಿದೆ.

ಹೀಗಾಗಿ ಸದ್ಯ ವೈರಲ್​ ಆಗಿರುವ ಫೋಟೋಗೂ ಲವ್​ ಜಿಹಾದ್​ಗೂ ಸಂಬಂಧವಿಲ್ಲ. ತಪ್ಪು ಮಾಹಿತಿ ಹರಡುವ ಉದ್ದೇಶದಿಂದ ಇದನ್ನು ಹರಿಬಿಡಲಾಗಿದೆ ಎಂಬುದು ಫ್ಯಾಕ್ಟ್​ಚೆಕ್​ನಲ್ಲಿ ಬಹಿರಂಗವಾಗಿದೆ. (ಏಜೆನ್ಸೀಸ್​)

https://www.vijayavani.net/s-love-jihadchennai-youth-kidnap/