ಕರೊನಾಗೆ ಯುವ ವೈದ್ಯೆ ಸಾವು: ವೈರಲ್​ ಫೋಟೋ ನೋಡುತ್ತಿದ್ದಂತೆ ನಟಿ ಸಂಸ್ಕೃತಿ ಶಾಕ್​!

ನವದೆಹಲಿ: ಮಹಾಮಾರಿ ಕರೊನಾ ವೈರಸ್​ಗೆ 300 ವೈದ್ಯರು ಸೇರಿದಂತೆ ಕಳೆದ ತಿಂಗಳವರೆಗೂ ದೇಶಾದ್ಯಂತ 600 ಆರೋಗ್ಯ ಕಾರ್ಯಕರ್ತರು ಮೃತಪಟ್ಟಿದ್ದಾರೆ. 2000 ವೈದ್ಯರು ಸೇರಿದಂತೆ ಸುಮಾರು 87 ಸಾವಿರ ಆರೋಗ್ಯ ಕಾರ್ಯಕರ್ತರು ಸೋಂಕಿಗೆ ಒಳಗಾಗಿದ್ದಾರೆ.

ಇದರ ನಡುವೆಯೇ ಯುವತಿಯ ಫೋಟೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಫೇಸ್​ಬುಕ್​ ಬಳಕೆದಾರರೊಬ್ಬರು ಫೋಟೋ ಪೋಸ್ಟ್​ ಮಾಡಿದ್ದಾರೆ. ಗುಜರಾತಿನಿಂದ ದುಃಖಕರ ಸುದ್ದಿ ಇದಾಗಿದೆ. ನಿಜಕ್ಕೂ ಇದು ಶಾಕಿಂಗ್​ ವಿಚಾರ. ಅತ್ಯುತ್ತಮ ಯುವ ವೈದ್ಯೆಯನ್ನು ಕಳೆದುಕೊಂಡಿದ್ದೇವೆ. ಅಹಮದಬಾದ್​ನಲ್ಲಿ ಸ್ತ್ರೀರೋಗತಜ್ಞರಾಗಿರುವ ವಿಧಿ ಅವರು ಕೋವಿಡ್​ ಸೋಂಕಿನಿಂದ ಮೃತರಾಗಿದ್ದಾರೆ. ಸಾವಿನ ದುಃಖ ಭರಿಸುವ ಶಕ್ತಿಯನ್ನು ದೇವರು ಅವರ ಕುಟುಂಬಕ್ಕೆ ನೀಡಲಿ. ಇತ್ತೀಚಿನ ದಿನಗಳಲ್ಲಿ ಭಾರತ ಯುವ ವೈದ್ಯರನ್ನು ಕಳೆದುಕೊಳ್ಳುತ್ತಿದೆ. ಆದರೂ ಯಾರೊಬ್ಬರು ಇದನ್ನು ಗಂಭೀರವಾಗಿ ತೆಗೆದುಕೊಂಡಿಲ್ಲ. ಈ ಬಗ್ಗೆ ಗಮನವಹಿಸಿ ಎಂದು ಅಡಿಬರಹ ಬರೆದು ಫೋಟೋವನ್ನು ವೈರಲ್​ ಮಾಡಿದ್ದಾರೆ.

ಆದರೆ, ವೈರಲ್​ ಫೋಟೋ ಕುರಿತಾದ ಸುದ್ದಿ ಸುಳ್ಳೆಂಬುದು ಇಂಡಿಯಾ ಟುಡೆ ಆ್ಯಂಟಿ ಫೇಕ್​ ನ್ಯೂಸ್​ ವಾರ್​ ರೂಮ್​ ನಡೆಸಿದ ಫ್ಯಾಕ್ಟ್​ಚೆಕ್​ನಲ್ಲಿ ಬಹಿರಂಗವಾಗಿದೆ. ಅಂದಹಾಗೆ ಫೋಟೋದಲ್ಲಿರುವುದು ವೈದ್ಯೆ ಅಲ್ಲವೇ ಅಲ್ಲ, ಅವರು ಭಾರತೀಯ ನಟಿ ಹಾಗೂ ಮಾಡೆಲ್​ ಸಂಸ್ಕೃತಿ ಶೆನಾಯ್​. ಇವರು ಮಲಯಾಳಂ, ತಮಿಳು, ತೆಲುಗು ಮತ್ತು ಕನ್ನಡ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ವೈರಲ್​ ಆಗಿರುವ ಫೋಟೋವನ್ನು ನೀವಿಲ್ಲಿ ಕಾಣಬಹುದಾಗಿದೆ.

ಇಂಡಿಯಾ ಟುಡೆ ಫ್ಯಾಕ್ಟ್​ಚೆಕ್​ ತಂಡ ಸಂಸ್ಕೃತಿ ಶೆನಾಯ್​ ಅವರ ಕಚೇರಿಗೆ ಭೇಟಿ ನೀಡಿದ್ದು, ಫೋಟೋದಲ್ಲಿರುವ ಯುವತಿ ನಟಿ ಸಂಸ್ಕೃತಿ ಎಂಬುದು ಖಚಿತವಾಗಿದೆ. ಈ ಫೋಟೋವನ್ನು 2015ರಲ್ಲಿ ಮಲಯಾಳಂ ಸಿನಿಮಾ "ಅನರ್ಕಾಲಿ" ಚಿತ್ರೀಕರಣ ವೇಳೆ ತೆಗೆಯಲಾಗಿದೆ.

ಇನ್ನು ಸುಳ್ಳು ಸುದ್ದಿಗೆ ಸಂಬಂಧಿಸಿದಂತೆ ನಟಿ ಸಂಸ್ಕೃತಿ ಸಹ ಸೆಪ್ಟೆಂಬರ್​ 14ರಂದು ತಮ್ಮ ಫೇಸ್​ಬುಕ್​ನಲ್ಲಿ ಸ್ಪಷ್ಟನೆ ನೀಡಿದ್ದಾರೆ. ಡಿಯರ್​ ಫ್ರೆಂಡ್ಸ್​ ನಾನು ಕೊಚ್ಚಿ ನಿವಾಸಿ ಸಂಸ್ಕೃತಿ ಶೆನಾಯ್​ (22). ಕೆಲ ದುಷ್ಕರ್ಮಿಗಳು ನನ್ನನ್ನು ಗುಜರಾತಿನ ವೈದ್ಯೆ ವಿಧಿ, ಕರೊನಾದಿಂದ ಮೃತರಾಗಿದ್ದಾರೆಂದು ಬರೆದು ಫೋಟೋ ವೈರಲ್​ ಮಾಡಿದ್ದಾರೆ. ಒಂದು ವೇಳೆ ನಿಧಿ ಹೆಸರಿನ ಯಾರಾದರೂ ಮೃತರಾಗಿದ್ದಾರೆ ಅವರಿಗೆ ಸಂತಾಪ ಸೂಚಿಸುತ್ತೇನೆ. ಆದರೆ, ವೈರಲ್​ ಆಗಿರುವ ಫೋಟೋದಲ್ಲಿರುವುದು ನಾನು ಎಂದು ಬರೆದುಕೊಂಡಿದ್ದಾರೆ.

ವೈರಲ್​ ಫೋಟೋವನ್ನು ಗೂಗಲ್​ ರಿವರ್ಸ್​ ಸರ್ಚ್​ ಇಂಜಿನ್​ನಲ್ಲಿ ಹುಡುಕಾಡಿದಾಗ ಸ್ವತಃ ಸಂಸ್ಕೃತಿ ಅವರು 2016 ಜೂನ್​ 15ರಂದು ಫೇಸ್​ಬುಕ್​ನಲ್ಲಿ ಫೋಟೋ ಪೋಸ್ಟ್​ ಮಾಡಿರುವುದು ಗಮನಕ್ಕೆ ಬಂದಿದೆ. ಫೋಟೋ ಕುರಿತು ಬೇರೆ ಆ್ಯಂಗಲ್​ನಿಂದ ಇನ್ನೂ ಒಂದು ಹಳೆಯ ಫೋಟೋ ಎಂದು ಅಡಿಬರಹ ಬರೆದುಕೊಂಡಿದ್ದಾರೆ.

ಹಾಗದರೆ ವಿಧಿ ಯಾರು?

ಅಂದಹಾಗೆ ವಿಧಿ ನಿಜವಾಗಿಯು ಮರಣ ಹೊಂದಿದ್ದಾರೆ. ಈ ಬಗ್ಗೆ ಇಂಡಿಯನ್​ ಮೆಡಿಕಲ್​ ಸ್ಟೂಡೆಂಟ್​ ಆರ್ಗನೈಜೇಷನ್​ನ ಸದಸ್ಯೆ ಮತ್ತು ಡಾ. ವಿಧಿ ಸ್ನೇಹಿತೆ ಡಾ. ಶುಭಮ್​ ಕುಮಾರಿ ಇಂಡಿಯಾ ಟುಡೆಗೆ ಮಾಹಿತಿ ನೀಡಿದ್ದು, ಬಿಹಾರ ಮೂಲದ ಮೆಡಿಕಲ್​ ವಿದ್ಯಾರ್ಥಿನಿಯಾಗಿದ್ದ ವಿಧಿ, ಇಂಟರ್ನ್‌ಶಿಪ್​ಗಾಗಿ ಅಹಮದಬಾದ್​ಗೆ ಬಂದಿದ್ದಳು. ಸೆಪ್ಟೆಂಬರ್​ 9ರಂದು ಕರೊನಾ ಸೋಂಕಿನಿಂದ ಬಲಿಯಾದಳು ಎಂದು ಹೇಳಿದ್ದಾರೆ. ಹೀಗಾಗಿ ವೈರಲ್​ ಫೋಟೋದಲ್ಲಿರುವ ವಿಧಿಯಲ್ಲಿ. ಬದಲಾಗಿ ಮಲಯಾಳಂ ನಟಿ ಸಂಸ್ಕೃತಿ. ಅಲ್ಲದೆ, ವಿಧಿ ಸಹ ಕರೊನಾದಿಂದಲೇ ಮೃತಪಟ್ಟಿದ್ದಾರೆ. (ಏಜೆನ್ಸೀಸ್​)

https://www.vijayavani.net/viral-picture-of-creature-with-human-like-face-is-artistic-work-not-real/