ಅಂಗನವಾಡಿ ಕೇಂದ್ರದಲ್ಲಿ 20 ಮಕ್ಕಳಿದ್ದು, ಈ ಆಹಾರವನ್ನು ಸೇವಿಸಿದ್ದರೆ ದೊಡ್ಡ ಅನಾಹುತವೇ ಸಂಭವಿಸುತ್ತಿತ್ತು. ಗ್ರಾಮಸ್ಥರೆಲ್ಲರೂ ಸೇರಿ ಮುಂದಾಗುವ ಅನಾಹುತ ತಪ್ಪಿಸಿದಂತಾಗಿದೆ. ಗ್ರಾಮದ ಯುವ ಮುಖಂಡ ಈರಪ್ಪ ಮಾತನಾಡಿ, ಗ್ರಾಮದಲ್ಲಿ ಎಲ್ಲ ಕೂಲಿ ಕೆಲಸಕ್ಕೆ ಹೋಗುವವರು. ಮಕ್ಕಳನ್ನು ಅಂಗನವಾಡಿ ಕೇಂದ್ರದಲ್ಲಿ ಬಿಡುತ್ತಾರೆ. ಮಕ್ಕಳಿಗೆ ನೀಡುವ ಆಹಾರದ ಪ್ಯಾಕೇಟ್ಗಳ ಮೇಲೆಯೇ ಅವಧಿ ಮೀರಿರುವುದು ಗೊತ್ತಿದ್ದರೂ ಸರಬರಾಜು ಮಾಡಲಾಗಿದೆ. ಅನಾಹುತ ಸಂಭವಿಸಿದರೆ ತಂದೆ-ತಾಯಿಗಳ ಪಾಡು ಏನಾಗುತ್ತಿತ್ತು?. ಸರ್ಕಾರ ಇಂತಹ ಟನೆಗಳಿಗೆ ಅವಕಾಶ ಕೊಡದೆ ಅಂಗನವಾಡಿ ಕೇಂದ್ರಗಳಿಗೆ ಗುಣಮಟ್ಟದ ಆಹಾರ ಪದಾರ್ಥಗಳನ್ನು ಸರಬರಾಜು ಮಾಡಲು ಕ್ರಮವಹಿಸಬೇಕು ಎಂದು ಒತ್ತಾಯಿಸಿದರು.
