VIDEO | BBKS10: ಕಾರ್ತಿಕ್​-ಸಂಗೀತಾ ನಡುವಿನ ಸತ್ಯ ಬಿಚ್ಚಿಟ್ಟ ಇಶಾನಿ!

ಬೆಂಗಳೂರು: ಆರನೇ ವಾರದಲ್ಲಿ ಬಿಗ್​ ಬಾಸ್​ ಮನೆಯೊಳಗೆ ನಡೆದ ಡಬಲ್ ಎಲಿಮಿನೇಷನ್​ನಲ್ಲಿ ಹೊರಬಂದ ಗಾಯಕಿ ಇಶಾನಿ, ವಿಜಯವಾಣಿ ನಡೆಸಿದ ವಿಶೇಷ ಸಂದರ್ಶನದಲ್ಲಿ ಭಾಗಿಯಾಗಿ, ಬಿಗ್​ ಬಾಸ್​ ಒಳಗೆ ಹೇಳಲಾಗದ ವಿಚಾರಗಳನ್ನು ಇದೀಗ ಬಹಿರಂಗವಾಗಿ ಹಂಚಿಕೊಂಡಿದ್ದಾರೆ. ಈ ವೇಳೆ ಕಾರ್ತಿಕ್​ ಮತ್ತು ಸಂಗೀತಾ ನಡುವೆ ಇರುವ ಸಂಬಂಧ ಸ್ನೇಹನಾ? ಪ್ರೀತಿನಾ? ಎಂಬ ಪ್ರಶ್ನೆಗೆ ತಮ್ಮ ಅನಿಸಿಕೆಯನ್ನು ಈ ರೀತಿ ವಿವರಿಸಿದ್ದಾರೆ.

ಇದನ್ನೂ ಓದಿ: Gold, Silver Price; ಆಭರಣ ಪ್ರಿಯರೇ ಇತ್ತ ಗಮನಿಸಿ…ಚಿನ್ನ-ಬೆಳ್ಳಿ ಖರೀದಿಸಲು ಇಂದಿನ ಬೆಲೆ ಇಲ್ಲಿದೆ…

ಮೊದಲಿಗೆ 'ನನಗೆ ಕಾಂಪಿಟೇಟರ್ ಅಲ್ಲ' ಎಂಬ ರಕ್ಷಕ್​ ಹೇಳಿಕೆಗೆ ಪ್ರತಿಕ್ರಿಯಿಸಿದ ಇಶಾನಿ, "ಪರವಾಗಿಲ್ಲ ಟಾಸ್ಕ್​ ಬಗ್ಗೆ ಅಥವಾ ಬೇರೆ ಯಾವುದೇ ವಿಚಾರವಾಗಿಯೇ ಇರಲಿ ನಾನು ಏನೂ ಹೇಳಲು ಹೋಗುವುದಿಲ್ಲ. ಅದು ಅವರ ಪ್ರಕಾರ ಹೇಳಿರುವುದು. ಅಲ್ಲಿ ಯಾರು ಕಾಂಪಿಟೇಶನ್​, ಯಾರು ಅಲ್ಲ ಎಂಬುದು ನನಗೆ ತಿಳಿದಿದೆ" ಎಂದರು.

"ನನ್ನ ಪ್ರಕಾರ ಬಿಗ್​ ಬಾಸ್​ ಟಾಪ್​ ಫೈನಲಿಸ್ಟ್​ ಆಗಿ ಪ್ರತಾಪ್​, ವಿನಯ್​, ಕಾರ್ತಿಕ್, ಸಂಗೀತಾ ಮತ್ತು ಮೈಕಲ್​ ಅಥವಾ ನಮ್ರತಾ ಇರುತ್ತಾರೆ. ಕಾರ್ತಿಕ್​-ಸಂಗೀತಾ-ತನಿಷಾ ನಡುವೆ ಒಳ್ಳೆಯ ಸ್ನೇಹವಿದೆ. ಆದ್ರೆ, ಅದೇ ಸಮಯದಲ್ಲಿ ಅವರ ಮಧ್ಯೆ ಪದೇ ಪದೇ ಜಗಳವಾಗುತ್ತಿರುತ್ತದೆ" ಎಂದರು.

ಇದನ್ನೂ ಓದಿ:  ರಸ್ತೆ ಕಾಮಗಾರಿ ಮಾಡಿಸುವಲ್ಲಿ ಶಾಸಕ ಯಶಸ್ವಿ: ವಿರೋಧಕ್ಕೆ ತಲೆಕೆಡಿಸಿಕೊಳ್ಳದ ರವಿಕುಮಾರ್ ಗಣಿಗ

ಸಂಗೀತಾ ಮತ್ತು ಕಾರ್ತಿಕ್​ ಒಳ್ಳೆ ಸ್ನೇಹಿತರಾಗಿಯೇ ಇದ್ದಾರೆ. ಇಬ್ಬರ ಮಧ್ಯೆ ಒಂದು ಸಾಫ್ಟ್​ ಕಾರ್ನರ್​ ಇದೆ ಎಂದು ಹೇಳಿದ ಇಶಾನಿ, ಮತ್ತಷ್ಟು ಕುತೂಹಲಕಾರಿ ಸಂಗತಿಗಳನ್ನು ಈ ಕೆಳಗಿನ ಸಂದರ್ಶನದ ವಿಡಿಯೋದಲ್ಲಿ ಹಂಚಿಕೊಂಡಿದ್ದಾರೆ ವೀಕ್ಷಿಸಿ.