ನಾವು ಜಿಎಸ್ಟಿ ಪರಿಚಯಿಸಿದಾಗ ಬೆಲೆಗಳು ಇಳಿದವು, ಇದೀಗ ಮುಂದಿನ ಪೀಳಿಗೆಯ ಜಿಎಸ್ಟಿ ಸುಧಾರಣೆಗಳನ್ನು ತಂದಿರುವುದರಿಂದ ಪ್ರತಿ ಮನೆ ಕೇವಲ 5ರಿಂದ 6 ಸಾವಿರ ರೂ. ತೆರಿಗೆ ನೀಡುವಂತಾಗಿದೆ. 2014ರ ಸುಮಾರಿಗೆ ಹೋಲಿಸಿದರೆ ಅದರಲ್ಲಿ ಈಗ 20 ಸಾವಿರ ರೂಪಾಯಿಯಷ್ಟು ಉಳಿತಾಯವಾಗುತ್ತಿದೆ. ಜನರ ಉಳಿತಾಯವನ್ನು ಹೆಚ್ಚಿಸುವುದರ ಬಗ್ಗೆ ನಮ್ಮ ಸರ್ಕಾರಗಳು ಗಮನ ಹರಿಸಿದ್ದು, ಬಿಜೆಪಿ ಸರ್ಕಾರಗಳು ‘ಸತ್ತಾ’ಕ್ಕಾಗಿ (ಅಧಿಕಾರ) ಇರದೆ ‘ಸೇವೆ’ಗಾಗಿ ಇವೆ ಎಂದು ಪ್ರಧಾನಿ ಪ್ರತಿಪಾದಿಸಿದರು. ದೆಹಲಿಯಲ್ಲಿನ ಬಿಜೆಪಿ ಕಾರ್ಯಕರ್ತರು ದೇಶದ ಎಲ್ಲ ಭಾಗಗಳ ಹಬ್ಬಗಳನ್ನು ಆಚರಿಸುವ ಮೂಲಕ ರಾಷ್ಟ್ರ ರಾಜಧಾನಿಯನ್ನು ‘ಮಿನಿ ಇಂಡಿಯಾ’ ಆಗಿಸಬೇಕು ಎಂದೂ ಮೋದಿ ಹೇಳಿದರು. ಸುಮಾರು 45 ವರ್ಷಗಳ ದೀರ್ಘ ಕಾಯುವಿಕೆಯ ನಂತರ ಬಿಜೆಪಿ ದೆಹಲಿ ಘಟಕ ಸ್ವಂತ ಹೊಸ ಕಟ್ಟಡದ ಕನಸನ್ನು ನನಸಾಗಿಸಿಕೊಂಡಿದ್ದು, ಡಿಡಿಯು ಮಾರ್ಗದಲ್ಲಿರುವ ಐದು ಅಂತಸ್ತುಗಳ ಕಟ್ಟಡ ಅತ್ಯಾಧುನಿಕ ತಂತ್ರಜ್ಞಾನಗಳಿಂದ ಸುಸಜ್ಜಿತವಾಗಿದ್ದು ದಕ್ಷಿಣ ಭಾರತೀಯ ವಾಸ್ತುಶಿಲ್ಪದ ಸ್ಪರ್ಶ ಹೊಂದಿದೆ.
