ಬ್ಲ್ಯಾಕ್ ಫಂಗಸ್ ಗೆ ದೇಶಾದ್ಯಂತ ಉಚಿತ ಚಿಕಿತ್ಸೆ ನೀಡಿ; ಪ್ರಧಾನಿಗೆ ಸೋನಿಯಾ ಗಾಂಧಿ ಪತ್ರ

ನವದೆಹಲಿ; ಬ್ಲ್ಯಾಕ್ ಫಂಗಸ್ ರೋಗಕ್ಕೆ ದೇಶಾದ್ಯಂತ ಉಚಿತ ಔಷಧ ಪೂರೈಕೆ ಮಾಡಬೇಕು ಎಂದು ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರು ಕೇಂದ್ರ ಸರ್ಕಾರವನ್ನು ಒತ್ತಾಯಿಸಿದ್ದಾರೆ.

ಈ ಕುರಿತು ಸೋಮವಾರ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಪತ್ರ ಬರೆದಿರುವ ಅವರು, ದೇಶದಲ್ಲಿ ಕಂಡು ಬರುತ್ತಿರುವ  ಬ್ಲ್ಯಾಕ್ ಫಂಗಸ್ ರೋಗ ಆತಂಕಕಾರಿಯಾಗಿದ್ದು, ಇದನ್ನು ಸಾಂಕ್ರಾಮಿಕ ಪಿಡಗು ಎಂದು ಘೋಷಿಸಿ, ಅಗತ್ಯವಿರುವವರಿಗೆ ಉಚಿತ ಔಷಧಿ ವಿತರಿಸಬೇಕು ಎಂದು ಮನವಿ ಮಾಡಿದ್ದಾರೆ.

 ಫಂಗಸ್ ರೋಗಕ್ಕೆ ನೀಡುವ amphotericin-B ಔಷಧಿಯ ಕೊರತೆ ವ್ಯಾಪಕವಾಗಿ ಕೇಳಿ ಬರುತ್ತಿದೆ. ಈ ಔಷಧಿಯನ್ನು ಉಚಿತವಾಗಿ ಪೂರೈಸಲು ಕ್ರಮ ಕೈಗೊಳ್ಳಬೇಕು ಎಂದು ಅವರು ಮನವಿ ಮಾಡಿದ್ದಾರೆ.

ಇನ್ನೊಂದೆಡೆ ದೇಶದಲ್ಲಿ ಬ್ಲ್ಯಾಕ್ ಫಂಗಸ್ ಪ್ರಕರಣಗಳು ದಿನದಿಂದ ದಿನಕ್ಕೆ ಹೆಚ್ಚು ಕಂಡು ಬರುತ್ತಿವೆ. ಕರೊನಾದಿಂದ ಬಳಲುತ್ತಿರುವ ಹಾಗೂ ಚೇತರಿಸಿಕೊಂಡವರಲ್ಲಿ ಬ್ಲ್ಯಾಕ್ ಫಂಗಸ್ ಕಂಡು ಬರುತ್ತಿದೆ. ಈಗಾಗಲೇ ಈ ರೋಗಕ್ಕೆ ಉಚಿತ ಚಿಕಿತ್ಸೆ ನೀಡುತ್ತೇವೆ ಎಂದು ಕೆಲ ರಾಜ್ಯ ಸರ್ಕಾರಗಳು ಹೇಳಿವೆ.

ಇದನ್ನೂ ಓದಿ; ಸೋಂಕಿತರ ಚಿಕಿತ್ಸೆಗೆ ಮಠದ ಅಭಿವೃದ್ಧಿ ಹಣ: ಸರ್ಕರಕ್ಕೆ 25 ಲಕ್ಷ ರೂ.ಮರಳಿಸುವುದಾಗಿ ವಾಮದೇವ ಸ್ವಾಮೀಜಿ ಹೇಳಿಕೆ