ಚುನಾವಣಾ ಅಕ್ರಮ; 350.24 ಕೋಟಿ ಮೌಲ್ಯದ ವಸ್ತು ವಶ

ಬೆಂಗಳೂರು: ರಾಜ್ಯದಲ್ಲಿ ನಡೆಯುತ್ತಿರುವ ಎರಡನೇ ಹಂತದ ಲೋಕಸಭೆ ಚುನಾವಣೆಯಲ್ಲೂ ಒಂದಾದ ಮೇಲೊಂದರಂತೆ ಚುನಾವಣಾ ಅಕ್ರಮಗಳು ಬಯಲಿಗೆ ಬರುತ್ತಿವೆ.

ಚುನಾವಣಾ ಆಯೋಗ ನೀತಿ ಸಂಹಿಗೆ ಉಲ್ಲಂಘನೆ ಪ್ರಕರಣಗಳ ಮೇಲೆ ತೀವ್ರ ನಿಗಾ ಇಟ್ಟಿದೆ. ಇದುವರೆಗೆ 96.01 ಕೋಟಿ ರೂ. ನಗದು ಸೇರಿದಂತೆ 446.25 ಕೋಟಿ ರೂ. ಮೌಲ್ಯದ ವಸ್ತು ವಶಪಡಿಸಿಕೊಳ್ಳಲಾಗಿದೆ.

178.37 ಕೋಟಿ ರೂ. ಬೆಲೆಯ ಮದ್ಯ, 11.53 ಕೋಟಿ ರೂ. ಮೌಲ್ಯದ ಡ್ರಗ್ಸ್, 76.75 ಕೋಟಿ ರೂ. ಮೊತ್ತದ ಚಿನ್ನ, 1.18 ಕೋಟಿ ರೂ. ಬೆಲೆಯ ಬೆಳ್ಳಿ, 1.22 ಕೋಟಿ ರೂ. ಮೊಬಲಗಿನ ವಜ್ರ, 8.64 ಕೋಟಿ ರೂ. ಬೆಲೆಬಾಳುವ ಉಚಿತ ಉಡುಗೊರೆ ಹಾಗೂ 72.55 ಕೋಟಿ ಮೌಲ್ಯದ ಇತರೆ ವಸ್ತುಗಳನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಮುಖ್ಯ ಚುನಾವಣಾಧಿಕಾರಿ ಕಚೇರಿ ತಿಳಿಸಿದೆ.

31,629 ಮಂದಿ ಮನೆಯಿಂದ ಮತ ಚಲಾವಣೆ

2ನೇ ಹಂತದ ಚುನಾವಣೆಯಲ್ಲಿ 85 ವರ್ಷ ಮೇಲ್ಪಟ್ಟ 21,347 ಮತದಾರರು ಮನೆಯಿಂದ ಮತ ಚಲಾಯಿಸಿದ್ದಾರೆ. ಒಟ್ಟು 23,213 ಮತದಾರರು ಮನೆಯಿಂದ ಮತಾನ ಮಾಡಲು ಅನುಮೋದಿಸಲಾಗಿತ್ತು. 10,282 ದಿವ್ಯಾಂಗರು ಮನೆಯಿಂದ ಮತ ಚಲಾವಣೆ ಮಾಡಿದ್ದಾರೆ.10,897 ದಿವ್ಯಾಂಗರು ಮನೆಯಿಂದ ಮತದಾನ ಆಯ್ಕೆ ಮಾಡಿಕೊಂಡಿದ್ದರು.