ಬಿಹಾರ ಚುನಾವಣೆ: ಜೆಡಿಯುಗೆ ಮತ ಎಂದ ವಯೋವೃದ್ಧನನ್ನು ಥಳಿಸಿದ್ರು ಆರ್​ಜೆಡಿ ಬೆಂಬಲಿಗರು!

ನವದೆಹಲಿ: ಬಿಹಾರ ವಿಧಾನಸಭೆಯ ಮೂರನೇ ಮತ್ತು ಕೊನೆಯ ಹಂತದ ಮತದಾನ ಚಾಲ್ತಿಯಲ್ಲಿರುವಾಗಲೇ ಬಿಜೆಪಿಯ ಐಟಿ ಸೆಲ್​ ಮುಖ್ಯಸ್ಥ ಅಮಿತ್ ಮಾಳವೀಯ ಅವರು ಮಾಡಿರುವ ಟ್ವೀಟ್ ದೇಶದ ಗಮನಸೆಳೆದಿದೆ. ಜೆಡಿಯುಗೆ ಮತ ಚಲಾಯಿಸಿದ ವಯೋವೃದ್ಧನೋರ್ವನಿಗೆ ಆರ್​ಜೆಡಿ ಬೆಂಬಲಿಗರು ಥಳಿಸಿದ್ದು, ಆತ ಅಳಲು ತೋಡಿಕೊಂಡಿರುವ ವಿಡಿಯೋ ಇದಾಗಿದೆ.

ವಯೋವೃದ್ಧನ ಹೆಸರು ಗಜೇಂದ್ರ ಸಾ. ಬರ್​ಗಾಂವ್ ಗ್ರಾಮ ಪಂಚಾಯಿತಿಯ ಭವಾನಿಪುರದ ನಿವಾಸಿ. ಆತ ವಿಡಿಯೋದಲ್ಲಿ ಹೇಳಿರುವುದಿಷ್ಟು- ಬರ್​ಗಾಂವ್ ಚೌಕ್​ನಿಂದ ಮನೆ ಕಡೆಗೆ ಹೋಗುತ್ತಿದ್ದಾಗ ಎದುರಾದ ಆರ್​ಜೆಡಿ ಬೆಂಬಲಿಗರು ಯಾರಿಗೆ ನಿಮ್ಮ ಮತ ಎಂದು ಕೇಳಿದ್ದಾರೆ. ನಾನು ಬಾಣದ ಗುರುತಿನವನು. ಅದಕ್ಕೇ ನನ್ನ ಮತ ಎಂದು ಹೇಳಿದ್ದೇ ತಡ, ಅವಾಚ್ಯ ಶಬ್ದಗಳಿಂದ ಬೈಯುತ್ತ ಲಾಟನ್​ಗೆ ಯಾಕೆ ಮತ ಹಾಕಲ್ಲ ನೀನು ಎಂದು ಥಳಿಸಿದ್ರು ಎಂದು ಕಣ್ಣೀರು ಹಾಕಿದ್ದಾರೆ.

ಇದನ್ನೂ ಓದಿ: ಬಿಹಾರ ಚುನಾವಣೆ: ಮೂರನೇ ಮತ್ತು ಕೊನೆಯ ಹಂತದ ಮತದಾನ ಇಂದು

ಈ ವಿಡಿಯೋವನ್ನು ಟ್ವೀಟ್ ಮಾಡಿರುವ ಅಮಿತ್ ಮಾಳವೀಯ, ಈ ವಿಡಿಯೋ ಮಧೇಪುರದಿಂದ ಲಭ್ಯವಾಗಿದೆ. ಆರ್​ಜೆಡಿ ಬೆಂಬಲಿಗರು ವಯೋವೃದ್ಧರ ಮೇಲೆ ದಾಳಿ ನಡೆಸಿದ್ದಾರೆ. ಬಿಹಾರದಲ್ಲಿ ಆರ್​ಜೆಡಿ ಅಂದರೆ ಗೂಂಡಾ ರಾಜ್ ಎಂದು ಟೀಕಿಸಿದ್ದಾರೆ. (ಏಜೆನ್ಸೀಸ್)

https://www.vijayavani.net/customs-to-interrogate-minister-k-t-jaleel/