ಮನೆಯಲ್ಲಿದ್ದ ಆ ಒಂದು ವಸ್ತುಗಾಗಿ ಹೋಯಿತು ಇಬ್ಬರ ಜೀವ! ಕೊಲೆಗೈದ ಆರೋಪಿ ಅರೆಸ್ಟ್​ | Elderly Couple

Elderly Couple: ವೃದ್ಧ ದಂಪತಿಗಳನ್ನು ಬರ್ಬರವಾಗಿ ಹತ್ಯೆಗೈದ ಪಾಪಿ, ಹೊಂಚು ಹಾಕಿದ್ದ ವಸ್ತು ಕದಿಯಲು ಇಬ್ಬರ ಜೀವವನ್ನು ಬಲಿ ಪಡೆದ ಘಟನೆ ತಮಿಳುನಾಡಿನಲ್ಲಿ ವರದಿಯಾಗಿದೆ.

ಇದನ್ನೂ ಓದಿ: ಗುಡಿಸಲಲ್ಲಿದ್ದವರಿಗೆ ಪಂಚಾಯಿತಿಯಿಂದ ಮನೆ ಭಾಗ್ಯ: ದಂಪತಿಯ ಸ್ಥಿತಿ ಕಂಡು ಮರುಗಿದ್ದ ಪಡುಪಣಂಬೂರು ಗ್ರಾಪಂ ಆಡಳಿತ : 19ರಂದು ಹಸ್ತಾಂತರ

ಮೃತ ವೃದ್ಧ ದಂಪತಿಗಳನ್ನು ಭಾಸ್ಕರನ್ (70) ಮತ್ತು ಅವರ ಪತ್ನಿ ವಿದ್ಯಾ (65) ಗುರುತಿಸಲಾಗಿದೆ. ಕಿರಾಣಿ ಅಂಗಡಿ ನಡೆಸುತ್ತಿದ್ದ ಭಾಸ್ಕರನ್, ಅಮ್ಮಪಾಳಯಂ ಪ್ರದೇಶದಲ್ಲಿ ತಮ್ಮ ಮನೆಯ ನೆಲ ಮಹಡಿಯಲ್ಲಿ ಪತ್ನಿಯೊಂದಿಗೆ ವಾಸ ಮಾಡುತ್ತಿದ್ದರು. ಕುಟುಂಬದಲ್ಲಿ ಜಗಳವಿಲ್ಲ, ಗಂಡ-ಹೆಂಡತಿ ನಡುವೆ ಕಿತ್ತಾಟ ಇರಲಿಲ್ಲ, ಯಾರೊಂದಿಗೂ ದ್ವೇಷವಿರಲಿಲ್ಲ. ಹೀಗಿರುವಾಗ ಇಬ್ಬರನ್ನೂ ಭೀಕರವಾಗಿ ಹತ್ಯೆಗೈಯಲು ಕಾರಣವೇನು? ಎಂಬುದಕ್ಕೆ ವಿದ್ಯಾ ಅವರು ಧರಿಸಿದ್ದ 113 ಗ್ರಾಂ ಚಿನ್ನದ ಸರವೇ ಕಾರಣ ಎಂಬುದು ತನಿಖೆಯಲ್ಲಿ ಗೊತ್ತಾಗಿದೆ.

ವೃದ್ಧೆ ಕುತ್ತಿಗೆಯಲ್ಲಿದ್ದ ಚಿನ್ನದ ಸರ ನೋಡಿದ ಆರೋಪಿ ಸಂತೋಷ್, ಬಿಹಾರ ಮೂಲದವನು ಎನ್ನಲಾಗಿದೆ. ತೀವ್ರ ಆರ್ಥಿಕ ಸಮಸ್ಯೆಗಳಿಂದ ಪರದಾಡುತ್ತಿದ್ದ ಕಿರಾತಕ, ದಂಪತಿಗಳ ಆಭರಣಗಳ ಮೇಲೆ ಕಣ್ಣಿಟ್ಟಿದ್ದ. ಭಾನುವಾರ (ಮೇ.11) ಭಾಸ್ಕರನ್ ಅವರ ಅಂಗಡಿಗೆ ತಂಪು ಪಾನೀಯ ಖರೀದಿಸುವ ನೆಪದಲ್ಲಿ ಬಂದ ಸಂತೋಷ್​, ವೃದ್ಧನ ಮನೆ ಹಿಂಬಾಲಿಸಿ, ಸುತ್ತಿಗೆಯಿಂದ ದಂಪತಿಯನ್ನು ಬರ್ಬರವಾಗಿ ಹಲ್ಲೆಗೈದು ಕೊಲೆಗೈದಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಇದನ್ನೂ ಓದಿ: ಮೂಲ್ಕಿ ಪ್ರಜಾಸೌಧ ಶಾಸಕ, ಡಿಸಿ ಪರಿಶೀಲನೆ : 12 ಕೋಟಿ ವೆಚ್ಚದ ಕಟ್ಟಡ ಲೋಕಾರ್ಪಣೆ ಶೀಘ್ರ

ಭಾರತೀಯ ನ್ಯಾಯ ಸಂಹಿತಾದ ಸಂಬಂಧಿತ ವಿಭಾಗಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡ ಸೂರಮಂಗಲಂ ಪೊಲೀಸರು, ವಿಶೇಷ ತಂಡಗಳನ್ನು ರಚಿಸಿ, ಕೆಲವೇ ಗಂಟೆಗಳಲ್ಲಿ ಆರೋಪಿ ಸಂತೋಷ್ ಕುಮಾರ್​ನನ್ನು ಬಂಧಿಸಿದ್ದಾರೆ. ಈತ ಬಿಹಾರದ ಕಾರ್ಮಿಕನಾಗಿದ್ದು, ಕಳೆದ ಹತ್ತು ವರ್ಷಗಳಿಂದ ಸೇಲಂನಲ್ಲಿ ನೆಲೆಸಿದ್ದಾನೆ ಎಂದು ವರದಿಯಾಗಿದೆ,(ಏಜೆನ್ಸೀಸ್).

https://www.vijayavani.net/ban-turkey-trends-in-internet