ಬಾಂಬ್​ ಬೆದರಿಕೆ; ಪ್ರಸಿದ್ದ ಪ್ರವಾಸಿ ತಾಣ ಐಫೆಲ್​ ಟವರ್​ ತೆರವು

ಪ್ಯಾರಿಸ್​: ವಿಶ್ವದ ಪ್ರಸಿದ್ಧ ಪ್ರವಾಸಿತಾಣಗಳ ಪೈಕಿ ಒಂದಾದ ಐಫೆಲ್​ ಟವರ್​ಗೆ ಕಂಟಕ ಎದುರಾಗಿದ್ದು, ಶನಿವಾರ ಬಾಂಬ್​ ಬೆದರಿಕೆ ಕರೆ ಬಂದಿದೆ. ಬಾಂಬ್ ಬೆದರಿಕೆ ಬಂದ ಹಿನ್ನೆಲೆಯಲ್ಲಿ ಮೂರು ಮಹಡಿಗಳನ್ನು ತೆರವು ಮಾಡಲು ಅಲರ್ಟ್ ಘೋಷಿಸಲಾಗಿದೆ ಎಂದು ಫ್ರೆಂಚ್​ ಪೊಲೀಸರು ತಿಳಿಸಿದ್ದಾರೆ.

ಮುನ್ನೆಚ್ಚರಿಕ ಕ್ರಮವಾಗಿ ಪ್ರವಾಸಗಿರನ್ನು ಸ್ಥಳಾಂತರಿಸಲಾಗಿದ್ದು, ಸಾರ್ವಜನಿಕರಿಗೆ ಮುಂದಿನ ಕೆಲವು ದಿನಗಳ ಕಾಲ ನಿರ್ಬಂಧ ಹೇರಲಾಗಿದೆ ಎಂದು ಪೊಲೀಸ್​ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ: ಹಾಸ್ಟೆಲ್​ ವಿದ್ಯಾರ್ಥಿನಿಯರ ಖಾಸಗಿ ವಿಡಿಯೋ ಚಿತ್ರೀಕರಿಸಿ ಬ್ಲ್ಯಾಕ್​ಮೇಲ್​ ಮಾಡುತ್ತಿದ್ದ ವಿದ್ಯಾರ್ಥಿಗಳು ಅರೆಸ್ಟ್​

ಕಳೆದ ಒಂದು ವರ್ಷದಲ್ಲೇ 60 ಲಕ್ಷಕ್ಕೂ ಹೆಚ್ಚು ಪ್ರವಾಸಿಗರು ವಿಶ್ವವಿಖ್ಯಾತ ಐಫೆಲ್‌ ಟವರ್‌ ವೀಕ್ಷಣೆ ಮಾಡಿದ್ದರು. ಬೆದರಿಕೆ ಹಿನ್ನಲೆ ಪೊಲೀಸರು ಮುನ್ನೆಚ್ಚರಿಕ ಕ್ರಮ ವಹಿಸಿದ್ದು, ಬಾಂಬ್​ ನಿಷ್ಕ್ರಿಯಾ ದಳದ ಸಿಬ್ಬಂದಿ ಸ್ಥಳಕ್ಕೆ ಭೇಟಿ ನೀಡಿ ಶೋಧ ಕಾರ್ಯ ನಡೆಸುತ್ತಿದ್ದಾರೆ.

ಫ್ರಾನ್ಸ್‌ನ ಕೈಗಾರಿಕಾ ಕೌಶಲ್ಯವನ್ನು ಪ್ರದರ್ಶಿಸುವ ಉದ್ದೇಶದಿಂದ ಈ ಗೋಪುರವನ್ನು ನಿರ್ಮಿಸಲಾಯಿತು. ಐಫೆಲ್​ ಟವರ್​ನ ನಿರ್ಮಾಣ ಕಾರ್ಯವು ಜನವರಿ 1887 ರಲ್ಲಿ ಪ್ರಾರಂಭವಾಯಿತು ಮತ್ತು ಮಾರ್ಚ್ 31, 1889 ರಂದು ಪೂರ್ಣಗೊಂಡಿತು. 1889 ರ ವಿಶ್ವ ಮೇಳದ ಸಮಯದಲ್ಲಿ ಎರಡು ಮಿಲಿಯನ್ ಪ್ರವಾಸಿಗರು ಐಫೆಲ್​ ಟವರ್​ಗೆ ಭೇಟಿ ನೀಡಿದ್ದರೂ.

https://www.vijayavani.net/pm-modi-invites-31-members-from-karnataka-for-76th-independence-day-parade

https://www.vijayavani.net/bodybuilder-livestreams-murder-of-ex-wife-and-two-others-on-instagram