ಮತ್ತಷ್ಟು ಉತ್ತೇಜಿತನಾಗಿ ಮೇಜೊಂದನ್ನು ರ್ಸ³ಸಿದ. ಒಡನೇ ಅದು ಚಿನ್ನವಾದಾಗ, ರಾಜ ಹುಚ್ಚನಂತೆ ಉದ್ಯಾನದಲ್ಲೆಲ್ಲ ಓಡಾಡಿ ಅಲ್ಲಿನ ಮರಗಿಡಗಳನ್ನು ರ್ಸ³ಸಿ ಅದರ ಹೂವು, ಎಲೆ, ರೆಂಬೆಗಳು, ಹೂ ಕುಂಡಗಳಿಗೆಲ್ಲ ಕೈ ಸೋಕಿಸಿ, ಅವು ಚಿನ್ನವಾಗಿ ಹೊಳೆಯುವಂತೆ ಮಾಡಿದ. ಅರಿವಿಲ್ಲದೇ ಅದಾಗಲೇ ಅವನ ತೊಟ್ಟ ಬಟ್ಟೆಗಳು ಚಿನ್ನವಾಗಿ ಮಾರ್ಪಟ್ಟು ಅವು ಹೊರಲಾರದಷ್ಟು ಭಾರವಾದವು. ಆತ ಹಸಿವು, ಬಾಯಾರಿಕೆಯಿಂದ ಬಳಲಿದ. ಸೇವಕ ತಂದಿಟ್ಟ ಆಹಾರವನ್ನು ರಾಜ ತಿನ್ನುವಾಗ ಅದೂ ಬಂಗಾರವಾಗಿತ್ತು. ಮಾತ್ರವಲ್ಲ, ನೀರಿನ ಲೋಟ, ಅದರೊಳಗಿನ ನೀರು ಅವನ ಕೈ ಸೋಕಿದೊಡನೆ ಬಂಗಾರವಾಗಿ ಮಾರ್ಪಟ್ಟಿತು. ಆತ ತಿನ್ನಲಾರದೆ, ಕುಡಿಯಲಾರದೇ ನಿತ್ರಾಣನಾದ. ತನ್ನ ದುರಾಸೆಗೆ ಸಂಕಟ ಪಟ್ಟು ಅಳುತ್ತಿದ್ದ ರಾಜನ ಬಳಿ ಬಂದ ಅವನ ಮಗಳು ತಂದೆಯ ತೊಡೆಯೇರಿ ಕಣ್ಣೀರನ್ನು ಒರೆಸುವಾಗ ರಾಜ ಮಗಳನ್ನು ಎದೆಗಪ್ಪಿಕೊಂಡ. ಒಡನೆಯೇ ಆಗಬಾರದ್ದು ಆಗಿ ಹೋಗಿತ್ತು. ಮಗಳು ಚಿನ್ನದ ಮೂರ್ತಿಯಾಗಿದ್ದಳು. ರಾಜ ತಲೆ ಚಚ್ಚಿಕೊಂಡು ಗೋಳಾಡಿದ. ಈಗ ಅವನ ಹೀನಸ್ಥಿತಿಗೆ ದಯೆ ತೋರಬೇಕಾದದ್ದು ಭಗವಂತ ಮಾತ್ರ. ಭಗವಂತ ಕೃಪೆ ತೋರಿ ರಾಜನಿಗೆ ದರ್ಶನ ಕೊಟ್ಟ.
