ಕಳೆದ ವರ್ಷವಷ್ಟೇ ಸಿಂಗಾಪುರದಲ್ಲೂ ಯುಪಿಐ ಸೇವೆ ವಿಸ್ತರಣೆಯಾಗಿತ್ತು. 2016ರ ಏಪ್ರಿಲ್ 11ರಂದು ಭಾರತದಲ್ಲಿ ಜಾರಿಗೊಳಿಸಲಾದ ಯುಪಿಐ ವ್ಯವಸ್ಥೆಯು ಭಾರತ್ಪೇ, ಫೋನ್ಪೇ, ಗೂಗಲ್ಪೇ, ಪೇಟಿಎಂ ಸೇರಿದಂತೆ ಪ್ರಸ್ತುತ 60ಕ್ಕೂ ಅಧಿಕ ಆಪ್ಗಳ ಮೂಲಕ ತ್ವರಿತ ಡಿಜಿಟಲ್ ಪಾವತಿಗಳಿಗೆ ಅವಕಾಶ ಮಾಡಿಕೊಟ್ಟಿದೆ. ಭಾರತದಲ್ಲಿ ಈಗ ಬಹುತೇಕ ಡಿಜಿಟಲ್ ಪಾವತಿಗಳು ಯುಪಿಐ ಮೂಲಕವೇ ನಡೆಯುತ್ತಿವೆ. ಯುಎಇ, ಸಿಂಗಾಪುರ, ಭೂತಾನ್, ನೇಪಾಳ, ಶ್ರೀಲಂಕಾ, ಫ್ರಾನ್ಸ್ ಮತ್ತು ಮಾರಿಷಸ್ನಲ್ಲಿ ಯುಪಿಐ ಬಳಕೆ ಅನುಮತಿಸಲು ಪಾವತಿ ಸಿಸ್ಟಮ್ ಆಪರೇಟರ್ಗಳೊಂದಿಗೆ ಈ ಹಿಂದೆಯೇ ಒಪ್ಪಂದ ಮಾಡಿಕೊಳ್ಳಲಾಗಿದ್ದು, ಈಗ ತಡೆರಹಿತ ನೇರ ವಹಿವಾಟುಗಳನ್ನು ಸುಗಮಗೊಳಿಸಲಾಗಿದೆ. ಕೇಂದ್ರ ಸರ್ಕಾರ ಒದಗಿಸಿರುವ ಮಾಹಿತಿಯಂತೆ, ಭಾರತದಲ್ಲಿ ಡಿಜಿಟಲ್ ಪಾವತಿ ವಹಿವಾಟುಗಳ ಸಂಖ್ಯೆಯು 2017-18ರ ಆರ್ಥಿಕ ವರ್ಷದಲ್ಲಿ 2,071 ಕೋಟಿಯಿಂದ 2023-24ರ ಆರ್ಥಿಕ ವರ್ಷದಲ್ಲಿ 18,737 ಕೋಟಿಗೆ ಏರಿಕೆಯಾಗಿದೆ. 2017-18ರಲ್ಲಿ 1 ಲಕ್ಷ ಕೋಟಿ ರೂ.ಗಳಿದ್ದ ಯುಪಿಐ ವಹಿವಾಟು ಮೌಲ್ಯ, 2023-24ರ ಆರ್ಥಿಕ ವರ್ಷದಲ್ಲಿ 200 ಲಕ್ಷ ಕೋಟಿ ರೂ.ಗಳಿಗೆ ಹೆಚ್ಚಿದೆ. 2024-25ರ ಆರ್ಥಿಕ ವರ್ಷದ ಮೊದಲ ಐದು ತಿಂಗಳಲ್ಲೇ (ಏಪ್ರಿಲ್-ಆಗಸ್ಟ್) ಯುಪಿಐ ವಹಿವಾಟಿನ ಮೌಲ್ಯ 101 ಲಕ್ಷ ಕೋಟಿ ರೂ.ಗಳಿಗೆ ತಲುಪಿರುವುದು ಗಮನಾರ್ಹ.
