ಗಲ್ಪ್ ರಾಷ್ಟ್ರಗಳಿಂದ ಹಣ ಪಡೆದು ಸಾವಿರಾರು ಜನರನ್ನು ಇಸ್ಲಾಂಗೆ ಮತಾಂತರಗೊಳಿಸಿದ ಆರೋಪದ ಮೇಲೆ ಛಂಗೂರ್ ಬಾಬಾ ಎಂಬಾತನ ಬಂಧನವಾಗಿರುವ ಬೆನ್ನಲ್ಲೇ, ಉತ್ತರ ಪ್ರದೇಶ ಪೊಲೀಸರು ಆರು ರಾಜ್ಯಗಳಲ್ಲಿ 10 ದುಷ್ಕರ್ವಿುಗಳನ್ನು ಬಂಧಿಸುವ ಮೂಲಕ ಅಕ್ರಮ ಮತಾಂತರದ ಜಾಲವನ್ನು ಭೇದಿಸಿದ್ದಾರೆ. ಉತ್ತರ ಪ್ರದೇಶ, ರಾಜಸ್ಥಾನ, ಪಶ್ಚಿಮ ಬಂಗಾಳ, ದೆಹಲಿ, ಉತ್ತರಾಖಂಡ ಮತ್ತು ಗೋವಾದಲ್ಲಿ ಈ ದುಷ್ಕರ್ವಿುಗಳು ಸಿಕ್ಕಿಬಿದ್ದಿದ್ದಾರೆ. ಈ ಜಾಲವು ಕೇವಲ ಧಾರ್ವಿುಕ ಮತಾಂತರಕ್ಕೆ ಸೀಮಿತವಾಗಿರಲಿಲ್ಲ ಎಂಬುದು ಗಮನಿಸಬೇಕಾದ ಸಂಗತಿ. ಹಣದ ಅಕ್ರಮ ಲೇವಾದೇವಿ, ರಹಸ್ಯ ಕಾರ್ಯಾಚರಣೆಗಳಲ್ಲಿ ತೊಡಗುವ ದುಷ್ಕರ್ವಿುಗಳಿಗೆ ಪೊಲೀಸರಿಂದ ಮತ್ತು ಸಾರ್ವಜನಿಕರಿಂದ ಯಾವುದೇ ತೊಂದರೆ ಆಗದಂತೆ ಆಶ್ರಯ ಒದಗಿಸುವುದು, ಕಾನೂನು ಸಲಹೆಯ ಬೆಂಬಲ ಸಿಗುವಂತೆ ಮಾಡುವುದು, ಲವ್ ಜಿಹಾದ್ನಂತಹ ಸಮಾಜಘಾತುಕ ಕೆಲಸಗಳಿಗೆ ಕುಮ್ಮಕ್ಕು ನೀಡುವಂತಹ ದುಷ್ಕೃತ್ಯಗಳಲ್ಲಿ ಈ ಜಾಲ ತೊಡಗಿತ್ತು. ಇದಕ್ಕೆ ಅಮೆರಿಕ, ಕೆನಡಾದಂತಹ ದೇಶಗಳಿಂದ ಹಣಕಾಸಿನ ನೆರವೂ ಹರಿದು ಬರುತ್ತಿತ್ತಲ್ಲದೆ, ಐಸಿಸ್ನಂತಹ ಭಯೋತ್ಪಾದಕ ಸಂಘಟನೆಯೊಂದಿಗೆ ಸಂಬಂಧವಿತ್ತು ಎನ್ನುವುದು ಪೊಲೀಸರ ವಿಚಾರಣೆ ವೇಳೆ ಬಹಿರಂಗವಾಗಿದೆ. ಇದು ನಿಜಕ್ಕೂ ಆತಂಕಕಾರಿ ವಿಷಯ. ಭಾರತದ ಆಂತರಿಕ ಭದ್ರತೆ, ಸಾಮಾಜಿಕ ಸಾಮರಸ್ಯ ಮತ್ತು ರಾಷ್ಟ್ರೀಯ ಏಕತೆಗೆ ಎದುರಾಗಿರುವ ಗಂಭೀರ ಸವಾಲು.
