ಹುಬ್ಬಳ್ಳಿಯು ವಾಲ್ ್ವಯಾರಿಕೆ, ಆಟೋಮೊಬೈಲ್ ಉದ್ಯಮದಲ್ಲಿ ಜಾಗತಿಕವಾಗಿ ಗುರುತಿಸಿಕೊಂಡಿದೆ. ಬೆಳಗಾವಿಯಲ್ಲಿ ಅಲ್ಯುಮಿನಿಯಂ, ಅಟೋಮೊಬೈಲ್, ಪೌಂಡ್ರಿ ಕೈಗಾರಿಕೆಗಳು ತಕ್ಕಮಟ್ಟಿಗೆ ಬೆಳೆದಿವೆ. ಜಿಲ್ಲೆಯಲ್ಲಿ ಸಕ್ಕರೆ ಕಾರ್ಖಾನೆಗಳು ಸಾಕಷ್ಟು ಸಂಖ್ಯೆಯಲ್ಲಿವೆ. ಮಂಗಳೂರಿನಲ್ಲಿ ಪೆಟ್ರೊಕೆಮಿಕಲ್ ಸಂಸ್ಕರಣೆ, ಹಡಗು ನಿರ್ವಣ, ಆಹಾರ ಸಂಸ್ಕರಣೆ ಕೈಗಾರಿಕೆಗಳಿವೆ. ಮೈಸೂರಿನಲ್ಲಿ ಐಟಿ, ಎಲೆಕ್ಟ್ರಾನಿಕ್, ಎಲೆಕ್ಟ್ರಿಕ್, ಆಟೋಮೊಬೈಲ್ ಕ್ಷೇತ್ರದ ಉದ್ಯಮಗಳು ನೆಲೆನಿಂತಿವೆ. ಇವುಗಳ ಬೆಳವಣಿಗೆ ಅಗತ್ಯವಿರುವ ಮೂಲಸೌಕರ್ಯ, ಸಂಪನ್ಮೂಲ ಒದಗಿಸಿ ಪ್ರೋತ್ಸಾಹಿಸುವ ಕೆಲಸವಾಗಬೇಕಿದೆ. ಕಲ್ಯಾಣ ಕರ್ನಾಟಕ ಭಾಗದಲ್ಲೂ ಕೈಗಾರಿಕೋದ್ಯಮಗಳು ಬೆಳೆಯಲು ಒತ್ತು ನೀಡಬೇಕಿದೆ. ಇದರಿಂದ ಆಯಾ ಭಾಗದಲ್ಲಿ ಉದ್ಯೋಗಗಳು ಸೃಷ್ಟಿಯಾಗಿ, ಆರ್ಥಿಕ ಬೆಳವಣಿಗೆಗೆ ಇಂಬು ಸಿಗುತ್ತದೆ. ಹೀಗಾದಾಗ, ಮಾತ್ರ ರಾಜ್ಯದ ಎಲ್ಲ ಭಾಗಗಳು ಸಮತೋಲಿತವಾಗಿ ಅಭಿವೃದ್ಧಿಯಾಗಿ ರಾಜಧಾನಿಯ ಮೇಲಿನ ಒತ್ತಡ ತಗ್ಗಬಹುದಾಗಿದೆ.
