ಸುಲಭವಾಗಿ ಮನೆಯಲ್ಲೇ ತಯಾರಿಸಿ ಮ್ಯಾಕರೋನಿ ಮಸಾಲ!| Food

Food: ಇಂದಿನ ದಿನಗಳಲ್ಲಿ ಹಲವಾರು ಜನರು ರುಚಿರುಚಿಯಾದ ಆಹಾರ ಪದಾರ್ಥಗಳನ್ನು ಸೇವಿಸಲು ಬಯಸುತ್ತಾರೆ. ವಿವಿಧ ಖಾದ್ಯಗಳ ಮೊರೆ ಹೋಗುತ್ತಾರೆ. ಇನ್ನು ಮನೆಯಲ್ಲಿಯೇ ಮಾಡಿಕೊಂಡು ತಿನ್ನಲು ಸಹ ಇಷ್ಟಪಡುತ್ತಾರೆ. ಇದೇ ರೀತಿಯಾಗಿ ಆಹಾರ ಪ್ರಿಯರಿಗೆಂದೇ ಈ ಹೊಸ ವಿಧದ ರೆಸಿಪಿ ತಿಳಿಸಿಕೊಡಲಾಗಿದೆ. ಇಂದೇ ಟ್ರೈ ಮಾಡಿ ಮ್ಯಾಕರೋನಿ ಮಸಾಲ..

ಬೇಕಾಗುವ ಪದಾರ್ಥಗಳು

* 2 ಕಪ್​ ಮ್ಯಾಕರೋನಿ (ಎಲ್ಬೋ ಪಾಸ್ತಾ )

*2 ಚಮಚ ಬೆಣ್ಣೆ ಅಥವಾ ಎಣ್ಣೆ

* 1/2 ಚಮಚ ಜೀರಿಗೆ

* 2 ಹಸಿ ಮೆಣಸಿನಕಾಯಿ

* 2 ಟೊಮ್ಯಾಟೊ

* 1 ಕಪ್​ ಕ್ಯಾರೆಟ್, ಬೀನ್ಸ್, ಕ್ಯಾಪ್ಸಿಕಂ

* 1/2 ಚಮಚ ಅರಿಶಿಣ

* 1/2 ಚಮಚ ಗರಂ ಮಸಾಲ

* 2 ಚಮಚ ಧನಿಯ ಪುಡಿ

* ಉಪ್ಪು

* ಮಾಡುವ ವಿಧಾನ

ಮೊದಲು ಒಂದು ಪಾತ್ರೆಯಲ್ಲಿ ನೀರು ಹಾಕಿ ಅದರಲ್ಲಿ ಪಾಸ್ತಾ ಹಾಕಿ 8-10 ನಿಮಿಷ ಬೇಯಿಸಿಟ್ಟುಕೊಳ್ಳಿ. ನಂತರ ಒಂದು ಕಡಾಯಿಗೆ ಎಣ್ಣೆ/ಬೆಣ್ಣೆ, ಜೀರಿಗೆ, ಮೆಣಸಿನಕಾಯಿ ಸೇರಿಸಿ ಫ್ರೈ ಮಾಡಿ. ನಂತರ ಟೊಮೊಟೋ, ಕ್ಯಾರೆಟ್​, ಬೀನ್ಸ್​, ಕ್ಯಾಪ್ಸಿಕಂ ಸೇರಿಸಿ ಬೇಯಿಸಿರಿ. ಇದಾದ ಬಳಿಕ ಬೇಯಿಸಿಟ್ಟುಕೊಂಡಿರುವ ಪಾಸ್ತ ಸೇರಿಸಿ ಚೆನ್ನಾಗಿ ಮಿಕ್ಸ್​ ಮಾಡಿ. ಇದಕ್ಕೆ ಅರಿಶಿಣ, ಗರಂ ಮಸಾಲ, ಉಪ್ಪು ಹಾಕಿ ಬೇಕಾದಲ್ಲಿ ಚೀಸ್​ ಸೇರಿಸಿ ಮೆಲ್ಟ್ ಆಗುವವರೆಗೂ ಚೆನ್ನಾಗಿ ಬೇಯಿಸಿ. ನಂತರ ರುಚಿಕರವಾದ ತಿಂಡಿಯನ್ನು ಸವಿಯಿರಿ. (ಏಜೆನ್ಸೀಸ್)

https://www.vijayavani.net/use-these-natural-home-remedies-for-dandruff