ಪ್ರಧಾನಿ ಮೋದಿಗೆ ನೀಡಲಾದ 1,300 ಕ್ಕೂ ಹೆಚ್ಚು ಉಡುಗೊರೆಗಳ ಇ-ಹರಾಜು ಆರಂಭ| gifts auction

ನವದೆಹಲಿ; ಪ್ರಧಾನಿ ನರೇಂದ್ರ ಮೋದಿಯವರ 75 ನೇ ಹುಟ್ಟುಹಬ್ಬದ ಆಚರಣೆಯ ಸಂದರ್ಭದಲ್ಲಿ, ಕೇಂದ್ರ ಸಂಸ್ಕೃತಿ ಸಚಿವಾಲಯವು ಪ್ರಧಾನ ಮಂತ್ರಿಗಳಿಗೆ ನೀಡಿದ್ದ ಉಡುಗೊರೆಗಳ ಇ-ಹರಾಜಿನ 7 ನೇ ಆವೃತ್ತಿಯನ್ನು ಪ್ರಾರಂಭಿಸಿದೆ.

ಇದನ್ನೂ ಓದಿ: ಗರ್ಭಧಾರಣೆಯಾಗದ ಕಾರಣಕ್ಕೆ ಸೊಸೆಯನ್ನೇ ಕೊಂದ ಕ್ರೂರ ಅತ್ತೆ-ಮಾವ !| Rajasthan

ಪ್ರಧಾನಿ ನರೇಂದ್ರ ಮೋದಿಯವರಿಗೆ ನೀಡಲಾದ ಸಾವಿರಾರು ವಿಶಿಷ್ಟ ಉಡುಗೊರೆಗಳನ್ನು ಹರಾಜು ಹಾಕಲಾಗಿದ್ದು, ನಮಾಮಿ ಗಂಗೆ ಯೋಜನೆಯ ಉಪಕ್ರಮದ ಬೆಂಬಲವಾಗಿ 50 ಕೋಟಿ ರೂ.ಗಳಿಗೂ ಹೆಚ್ಚು ಹಣವನ್ನು ಸಂಗ್ರಹಿಸಲಾಗಿದೆ ಎಂದು ಸಂಸ್ಕೃತಿ ಸಚಿವಾಲಯ ಮಾಹಿತಿ ನೀಡಿದೆ.

ಕೇಂದ್ರ ಸಂಸ್ಕೃತಿ ಮತ್ತು ಪ್ರವಾಸೋದ್ಯಮ ಸಚಿವ ಗಜೇಂದ್ರ ಸಿಂಗ್ ಶೇಖಾವತ್ ಅವರು ನ್ಯಾಷನಲ್ ಗ್ಯಾಲರಿ ಆಫ್ ಮಾಡರ್ನ್ ಆರ್ಟ್ (ಎನ್‌ಜಿಎಂಎ) ನಲ್ಲಿ ಆಯೋಜಿಸಿದ್ದ ಪತ್ರಿಕಾಗೋಷ್ಠಿಯಲ್ಲಿ ಪ್ರಧಾನ ಮಂತ್ರಿಗಳ ಸ್ಮರಣಿಕೆಗಳ ಇ-ಹರಾಜಿನ ಇತ್ತೀಚಿನ ಆವೃತ್ತಿಯನ್ನು ಬಿಡುಗಡೆ ಮಾಡುವುದಾಗಿ ಘೋಷಿಸಿದ್ದಾರೆ. ಈ ಸಂಪೂರ್ಣ ಸಂಗ್ರಹವು ದೆಹಲಿಯ NGMA ನಲ್ಲಿ ಸಾರ್ವಜನಿಕ ವೀಕ್ಷಣೆಗೆ ಲಭ್ಯವಿದೆ. ದೇಶಾದ್ಯಂತದ ನಾಗರಿಕರು ಬಿಡ್‌ಗಳನ್ನು pmmementos.gov.in ನಲ್ಲಿ ಆನ್‌ಲೈನ್‌ ಮೂಲಕ ನೋಡಬಹುದಾಗಿದೆ. ಹಾಗೆ ನಿಮಗೆ ಯಾವುದಾದರೂ ವಸ್ತುಗಳನ್ನು ಖರೀಸಿದರುವ ಆಸಕ್ತಿ ಇದ್ದರೆ, ಆ ವಸ್ತುವಿಗೆ ಬಿಡ್‌ ನಮೂದಿಸಿ ಮೋದಿ ಅವರಿಗೆ ಸಂದಾಯವಾದ ಆ ವಸ್ತುವನ್ನು ನಿಮ್ಮಸಾಗಿಸಿಕೊಳ್ಳಬಹುದಾಗಿದೆ.

ಇದನ್ನೂ ಓದಿ: ಅಮೆಜಾನ್ ಕಾಡಿನಲ್ಲಿರುವ ನಿಗೂಢ ಬುಡಕಟ್ಟು ಜನಾಂಗಗಳು… ಹೊರ ಜಗತ್ತಿಗೆ ತೆರೆದುಕೊಳ್ಳುತ್ತಿಲ್ಲ ಏಕೆ? Amazon Forest

ಇದರಲ್ಲಿ ಕಳೆದ ವರ್ಷ ಮೋದಿ ಸ್ವೀಕರಿಸಿದ 1,300 ಕ್ಕೂ ಹೆಚ್ಚು ಉಡುಗೊರೆಗಳು ಮತ್ತು ಸ್ಮರಣಿಕೆಗಳು ಸೇರಿವೆ. ಇಂದಿನಿಂದ (ಸೆ.17) ಆನ್‌ಲೈನ್ ಹರಾಜು ಪ್ರಕ್ರಿಯೆ ಪ್ರಾರಂಭವಾಗಿದ್ದು, ಇದು ಅಕ್ಟೋಬರ್ 2 ರವರೆಗೆ ಮುಂದುವರೆಯಲಿದೆ. ಪಿಎಂ ಮೆಮೆಂಟೋಸ್ ವೆಬ್‌ಸೈಟ್ ಪ್ರಕಾರ, ಭವಾನಿ ದೇವಿಯ ಪ್ರತಿಮೆಯ ಮೂಲ ಬೆಲೆ 1.03 ಕೋಟಿ ರೂ.ಗಳಾಗಿದ್ದರೆ, ರಾಮ ದೇವಾಲಯದ ಮಾದರಿಯ ಬೆಲೆ 5.5 ಲಕ್ಷ ರೂ.ಗಳಾಗಿದೆ. ಜತೆಗೆ 7.7 ಲಕ್ಷ ರೂ. ಮೂಲ ಬೆಲೆ ಹೊಂದಿರುವ ಪ್ಯಾರಾಲಿಂಪಿಕ್ಸ್ ಪದಕ ವಿಜೇತರ ಮೂರು ಜೊತೆ ಶೂಗಳನ್ನು ಹರಾಜಿಗಿಡಲಾಗಿದೆ.

ಹರಾಜಿನಲ್ಲಿರುವ ಇತರ ವಸ್ತುಗಳು

ಜಮ್ಮು ಮತ್ತು ಕಾಶ್ಮೀರದ ಸಂಕೀರ್ಣ ಕಸೂತಿ ಮಾಡಿದ ಪಶ್ಮಿನಾ ಶಾಲು, ರಾಮ ದರ್ಬಾರ್‌ನ ತಂಜಾವೂರು ಚಿತ್ರಕಲೆ, ಲೋಹದ ನಟರಾಜ ಪ್ರತಿಮೆ, ಜೀವ ವೃಕ್ಷವನ್ನು ಚಿತ್ರಿಸುವ ಗುಜರಾತ್‌ನ ರೋಗನ್ ಕಲೆ ಮತ್ತು ಕೈಯಿಂದ ನೇಯ್ದ ನಾಗಾ ಶಾಲು. ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್ 2024 ರಲ್ಲಿ ಭಾಗವಹಿಸಿದ ಭಾರತದ ಪ್ಯಾರಾ-ಅಥ್ಲೀಟ್‌ಗಳು ಉಡುಗೊರೆಯಾಗಿ ನೀಡಿದ ಕ್ರೀಡಾ ಸ್ಮರಣಿಕೆಗಳನ್ನು ಸೇರಿದಂತೆ 1300 ಕ್ಕೂ ಹೆಚ್ಚು ವಸ್ತುಗಳನ್ನು ಹರಾಜಿನಲ್ಲಿ ಇಡಲಾಗಿದೆ.

(ಏಜೆನ್ಸೀಸ್)

https://www.vijayavani.net/pakistan-batsmen-did-not-understand-this-indian-bowlers-bowling-style-wasim-akram-launches-scathing-attack