ವಿದೇಶದಲ್ಲಿ ತಲೆಮರೆಸಿಕೊಂಡಿದ್ದ ಮಾದಕ ವಸ್ತು ಪೂರೈಕೆದಾರ ಟೋನಿ ಸೆಬಾಸ್ಟಿಯನ್ ಬಂಧನ! | Drug Supplier

Drug Supplier : ವಿದೇಶದಲ್ಲಿ ತಲೆಮರೆಸಿಕೊಂಡಿದ್ದ ಮಾದಕವಸ್ತು ಪೂರೈಕೆದಾರ ಟೋನಿ ಸೆಬಾಸ್ಟಿಯನ್ (34) ಅವರನ್ನು ANC ವರ್ಲಿ ಘಟಕವು ಇಂಡೋ-ನೇಪಾಳ ಗಡಿಯಲ್ಲಿ ಶುಕ್ರವಾರ (ಸೆಪ್ಟೆಂಬರ್​ 19) ಬಂಧಿಸಿದ್ದು, ಇಂದು ಮುಂಬೈನ ಎಸ್ಪ್ಲನೇಡ್ ನ್ಯಾಯಾಲಯದ ಮುಂದೆ ಹಾಜರುಪಡಿಸಿದ್ದಾರೆ.

ಪ್ರಕರಣ ಏನು?

NDPS ಕಾಯ್ದೆಯ ಪ್ರಕಾರ, ಸೆಕ್ಷನ್ 8(c), 20(b), ಮತ್ತು 29 ರ ಅಡಿಯಲ್ಲಿ 3.55 ಕೋಟಿ ರೂ. ಮೌಲ್ಯದ 3.55 ಕೆಜಿ ಹೈಡ್ರೋಪೋನಿಕ್ ಗಾಂಜಾವನ್ನು ವಶಪಡಿಸಿಕೊಂಡ ಪ್ರಕರಣ ಇದಾಗಿದೆ.

ಇದನ್ನೂ ಓದಿ: H-1B ವೀಸಾ ಶುಲ್ಕ ಘೋಷಣೆ ಬೆನ್ನಲ್ಲೇ ಇನ್ಫೋಸಿಸ್, ವಿಪ್ರೋ ಷೇರುಗಳು ದಿಢೀರ್​ ಕುಸಿತ!

ಈ ಮೊದಲು ಮೇ ತಿಂಗಳಲ್ಲಿ, ವರ್ಲಿ ಘಟಕವು ನವಿ ಮುಂಬೈನ ಉಲ್ವೆ ನಿವಾಸಿ ವಿನಾಯಕ್ ಲಕ್ಷ್ಮಣ್ ಮುಂಡೇಕರ್ (28) ಅವರನ್ನು ದಾದರ್ ಪಶ್ಚಿಮದ ವೀರ್ ಸಾವರ್ಕರ್ ರಸ್ತೆಯ ವಿದ್ಯಾಧರ್ ಹಾಲ್ ಬಳಿ ಗಾಂಜಾವನ್ನು ಸಾಗಿಸುತ್ತಿದ್ದ ಆರೋಪದ ಮೇಲೆ ಬಂಧಿಸಲಾಗಿತ್ತು. ಈತ ಕಸ್ಟಡಿಯಲ್ಲಿದ್ದಾಗ ಥೈಲಾಂಡ್​ನಲ್ಲಿ ವಾಸಿಸುತ್ತಿದ್ದ ಟೋನಿ ಅವರಿಗೆ ಮಾದಕ ದ್ರವ್ಯಗಳನ್ನು ಪೂರೈಸುವುದರ ಬಗ್ಗೆ ಮುಂಡೇಕರ್ ಮಾಹಿತಿ ತಿಳಿಸಿದ್ದರು.

ಈ ಮಾಹಿತಿಯ ಆಧಾರದ ಮೇಲೆ, ಪೊಲೀಸರು ಆತನ ಫೋನ್ ಸಂಖ್ಯೆಯನ್ನು ಬಳಸಿಕೊಂಡು ತನಿಖೆ ಆರಂಭಿಸಿದ್ದು, ಥೈಲ್ಯಾಂಡ್‌ನಲ್ಲಿ ಆತನ ಇರುವುದನ್ನು ಖಚಿತಪಡಿಸಿಕೊಂಡಿದ್ದು, ಸೆಪ್ಟೆಂಬರ್​ 16 ರಂದು ಎಪಿಐ ಅಮೋಲ್​ ಕದಮ್​ ನೇತೃತ್ವದ ತಂಡವು ಉತ್ತರ ಪ್ರದೇಶದ ಇಂಡೋ-ನೇಪಾಳ ಗಡಿಯ ಸೋನೌಲಿಯಲ್ಲಿ ಸೆಬಾಸ್ಟಿಯನ್‌ನನ್ನು ಬಂಧಿಸಿ ಮುಂಬೈಗೆ ಕರೆತಂದಿದ್ದಾರೆ.

ಇದನ್ನೂ ಓದಿ: ಮತ್ತೆ ಭುಗಿಲೆದ್ದ ನಾಯಿ ಮಾಂಸ ವಿವಾದ: ಇರ್ಫಾನ್​​ ವಿರುದ್ಧ ಅಫ್ರಿದಿ ಆಕ್ರೋಶ: ಏನಿದು Controversy?

ಈ ವೇಳೆ ತನಿಖೆ ನಡೆಸಿದ ಅಧಿಕಾರಿಗಳು ಸೆಬಾಸ್ಟಿಯನ್ ಮುಂಡೇಕರ್‌ಗೆ ಹೈಡ್ರೋಪೋನಿಕ್ ಗಾಂಜಾವನ್ನು ಪೂರೈಸುವ ಪ್ರಮುಖ ಪೂರೈಕೆದಾರ ಎಂದು ತಿಳಿದುಕೊಂಡಿದ್ದಾರೆ. ಆದರಿಂದ ಪೊಲೀಸರು ಎನ್​ಡಿಪಿಎಸ್​ ಕಾಯ್ದೆಯ ಸೆಕ್ಸನ್​ 29 ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/2-year-old-child-ambulance-stuck-in-ong-traffic-jam