‘ಡ್ರೋನ್ ತಯಾರಿಸಿದ್ದಾಗಿ ರೈಲು ಬಿಟ್ಟ ಪ್ರತಾಪ್!’ ಶೀರ್ಷಿಕೆಯಲ್ಲಿ ವಿಜಯವಾಣಿ ಭಾನುವಾರದ ಸಂಚಿಕೆಯಲ್ಲಿ ವರದಿ ಪ್ರಕಟಿಸಿತ್ತು. ಆತ ಎಂಥ ಮೋಡಿಗಾರ, ಮೋಸಗಾರ, ದೇಶದ ಹೆಸರಿನಲ್ಲಿ ಜನರನ್ನು ವಂಚಿಸಿದ್ದಾನೆ. ಆತನ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕು. ಆತನಿಗೆ ನೀಡಿರುವ ನೆರವನ್ನು ವಾಪಸ್ ಪಡೆಯಬೇಕು ಎಂಬ ಮಾತು ಎಲ್ಲೆಡೆ ಕೇಳಿಬರುತ್ತಿವೆ. ಆತ ಮಾಡಿರುವ ವಂಚನೆ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಆಕ್ರೋಶ ವ್ಯಕ್ತವಾಗುತ್ತಿದೆ. ಸಾವಿರಾರು ಸುಳ್ಳುಗಳನ್ನು ಹೇಳಿ ಜನರನ್ನು ಲೂಟಿ ಮಾಡುವವರ ಮಧ್ಯೆ ಇಲ್ಲೊಬ್ಬ ಕೆಲ ಸುಳ್ಳುಗಳನ್ನು ಹೇಳಿ ಸ್ಪೂರ್ತಿಯಾದ, ಇಷ್ಟು ದಿನ ಹಾರಿಸಿದ್ದು ಡ್ರೋನ್ ಅಲ್ಲ ಕಾಗೆ, ಡ್ರೋನ್ ಪ್ರತಾಪ್ ಅಲ್ಲ ಡೌ ಪ್ರತಾಪ್... ಹೀಗೆ ವಿಭಿನ್ನ ರೀತಿಯಲ್ಲಿ ವ್ಯಂಗ್ಯವಾಡುತ್ತಿದ್ದಾರೆ.
