ಬಳಿಕ ಪ್ರಯಾಣಿಕ ವಿದೇಶಿಯಂತೆ ಇಂಗ್ಲಿಷ್ನಲ್ಲಿ ಮಾತನಾಡಿದ್ದಾನೆ. ಇದನ್ನೇ ನಂಬಿದ ಚಾಲಕ, ಆತನಿಗೆ ಭಾರತೀಯ ಹಣದ ಬಗ್ಗೆ ಸರಿಯಾಗಿ ತಿಳಿದಿಲ್ಲ ಎಂದುಕೊಂಡು ಹೆಚ್ಚು ಹಣ ಪಡೆಯಲು ಮುಂದಾಗಿದ್ದಾನೆ ಎನ್ನಲಾಗಿದೆ. ಡಿಜಿಟಲ್ ಪಾವತಿ ವೇಳೆ ಪ್ರಯಾಣಿಕ 600 ರೂಪಾಯಿ ಬದಲು 6,000 ರೂಪಾಯಿ ನಮೂದಿಸಿ, ಮೊತ್ತ ಸರಿಯಾಗಿದೆಯೇ ಎಂದು ಹಲವು ಬಾರಿ ಕೇಳಿದ್ದಾನೆ.
ತಪ್ಪನ್ನು ಸಮರ್ಥಿಸಿಕೊಂಡ ಡ್ರೈವರ್
ಕೊನೆಗೆ ಪ್ರಯಾಣಿಕ ಚಾಲಕನನ್ನು ತರಾಟೆಗೆ ತೆಗೆದುಕೊಂಡಿದ್ದಾನೆ. 600 ರೂಪಾಯಿ ಬಾಡಿಗೆಗೆ ಒಪ್ಪಿಕೊಂಡು, 6,000 ರೂಪಾಯಿ ಪಡೆಯಲು ಮುಂದಾಗಿದ್ದೇಕೆ ಎಂದು ಪ್ರಶ್ನಿಸಿದ್ದಾನೆ. ಇಂತಹ ವರ್ತನೆಯಿಂದ ಭಾರತದ ಹೆಸರಿಗೆ ಧಕ್ಕೆ ಬರುತ್ತೆ ಎಂದೂ ಹೇಳಿದ್ದಾನೆ. ಆದರೂ ಚಾಲಕ ತನ್ನ ತಪ್ಪನ್ನು ಒಪ್ಪಿಕೊಳ್ಳದೆ, ಪ್ರಯಾಣಿಕನೇ ಅಷ್ಟು ಹಣ ಕೊಡಲು ಮುಂದಾಗಿದ್ದರಿಂದ ಒಪ್ಪಿಕೊಂಡಿದ್ದಾಗಿ ಸಮರ್ಥಿಸಿಕೊಂಡಿದ್ದಾನೆ. ಅಲ್ಲಿದ್ದ ಮತ್ತೊಬ್ಬ ಆಟೋ ಚಾಲಕನಿಗೂ ಇದು ಗೊತ್ತಾಗಿದ್ದರೂ, ಆತ ಮಾತ್ರ ಸುಮ್ಮನಿದ್ದ ಎಂದು ವಿಡಿಯೋದಲ್ಲಿ ಹೇಳಲಾಗಿದೆ.
ಇದನ್ನೂ ಓದಿ: ಕುರ್ಚಿ ಬಿಟ್ಟರೂ ಕಡಿಮೆಯಾಗದ ಸಿದ್ದು ಕ್ರೇಜ್‌! ಮಗನಿಗೆ ‘ಅನ್ನರಾಮಯ್ಯ’ ಎಂದು ಹೆಸರಿಟ್ಟ ಅಭಿಮಾನಿ | Annaramayya
ಸಾಮಾಜಿಕ ಜಾಲತಾಣದಲ್ಲಿ ಆಕ್ರೋಶ
ವಿಡಿಯೋ ವೈರಲ್ ಆಗುತ್ತಿದ್ದಂತೆ, ಇಂತಹ ಘಟನೆಗಳಿಂದ ಪ್ರವಾಸಿಗರ ಎದುರು ದೆಹಲಿಯ ಹೆಸರು ಹಾಳಾಗುತ್ತೆ ಎಂದು ಹಲವರು ಬೇಸರ ವ್ಯಕ್ತಪಡಿಸಿದ್ದಾರೆ. ಪ್ರಯಾಣಿಕರಿಂದ ಹೆಚ್ಚು ಹಣ ಪಡೆಯಲು ಯತ್ನಿಸುವ ಇಂತಹ ವರ್ತನೆಗೆ ಸಾಮಾಜಿಕ ಜಾಲತಾಣದಲ್ಲಿ ಆಕ್ರೋಶ ವ್ಯಕ್ತವಾಗಿದೆ.
