ನಾಯಿಗಳ ಮೇಲೆ ಬಿಜೆಪಿಗೆ ಯಾಕಿಷ್ಟು ವ್ಯಾಮೋಹ: ರಾಹುಲ್​ ಗಾಂಧಿ

ನವದೆಹಲಿ: ಕಾಂಗ್ರೆಸ್​ ನಾಯಕ ರಾಹುಲ್​ ಗಾಂಧಿ ನೇತೃತ್ವದಲ್ಲಿ ನಡೆಯುತ್ತಿರುವ ಭಾರತ್​ ಜೋಡೋ ನ್ಯಾಯ್​ ಯಾತ್ರೆ ಶುರುವಾದ ದಿನದಿಂದಲೂ ಒಂದಿಲ್ಲೊಂದು ವಿಚಾರಕ್ಕೆ ಸದ್ದು ಮಾಡುತ್ತಿದ್ದು, ನಾಯಿಗೆ ಹಾಕಿದ್ದ ಬಿಸ್ಕಟ್​ ಅನ್ನು ಕಾರ್ಯಕರ್ತರಿಗೆ ನೀಡಿದ ವಿಚಾರಕ್ಕೆ ರಾಹುಲ್​ ಗಾಂಧಿ ಜನರ ಕೆಂಗಣ್ಣಿಗೆ ಗುರಿಯಾಗಿದ್ದರು. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿತ್ತು ಮತ್ತು ವ್ಯಾಪಕ ಆಕ್ರೋಶಕ್ಕೆ ಗುರಿಯಾಗಿತ್ತು.

ವೈರಲ್​ ವಿಡಿಯೋದ ಕುರಿತು ಪ್ರತಿಕ್ರಿಯಿಸಿರುವ ಕಾಂಗ್ರೆಸ್​ ನಾಯಕ ರಾಹುಲ್​ ಗಾಂಧಿ, ಬಿಜೆಪಿಗೆ ನಾಯಿಗಳ ಮೇಲೆ ಯಾಕಿಷ್ಟು ವ್ಯಾಮೋಹ ಎಂಬುದು ನನಗೆ ಅರ್ಥವಾಗುತ್ತಿಲ್ಲ ಎಂದು ಕಿಡಿಕಾರಿದ್ದಾರೆ.

ಇದನ್ನೂ ಓದಿ: ದಳಪತಿ ವಿಜಯ್​ ಹೊಸ ರಾಜಕೀಯ ಪಕ್ಷ; ಸೂಪರ್​ಸ್ಟಾರ್​ ರಜಿನಿಕಾಂತ್​ ಏನಂದ್ರ ಗೊತ್ತಾ?

ಇನ್ನೂ ಈ ಕುರಿತು ಪ್ರತಿಕ್ರಿಯಿಸಿರುವ ಕಾಂಗ್ರೆಸ್​ ನಾಯಕ ರಾಹುಲ್​ ಗಾಂಧಿ, ಮೊದಲಿಗೆ ನಾನು ಬಿಸ್ಕೆಟ್​ ಕೊಟ್ಟಿರುವ ವ್ಯಕ್ತಿ ನಮ್ಮ ಪಕ್ಷದ ಕಾರ್ಯಕರ್ತರಲ್ಲ ಅವರು ಆ ನಾಯಿಯ ಮಾಲೀಕರು. ನಾನು ಮೊದಲಿಗೆ ನಾಯಿಗೆ ಬಿಸ್ಕೆಟ್​ ತಿನ್ನಿಸಲು ಹೋದಾಗ ಅದು ಹೆದರಿತು ಮತ್ತು ನನ್ನ ಕೈಯಲ್ಲಿರುವ ಬಿಸ್ಕೆಟ್​ಗಳನ್ನು ತಿನ್ನಲಿಲ್ಲ. ನಾನು ಕೂಡಲೇ ಆ ಬಿಸ್ಕೆಟ್​ಗಳನ್ನು ನಾಯಿಯ ಮಾಲೀಕರಿಗೆ ಕೊಟ್ಟೆ ಅವರೇ ಅದನ್ನು ತಿನ್ನಿಸಿದರು ಅದರಲ್ಲಿ ತಪ್ಪೇನಿದೆ ಎಂದು ಪ್ರಶ್ನಿಸಿದ್ದಾರೆ.

ಕೆಲ ದಿನಗಳ ಹಿಂದೆಯಷ್ಟೇ ಕಾಂಗ್ರೆಸ್ ಅಧ್ಯಕ್ಷ ಖರ್ಗೆ ಅವರು ಪಕ್ಷದ ಬೂತ್ ಏಜೆಂಟರನ್ನು ನಾಯಿಗೆ ಹೋಲಿಸಿದ್ದರು. ರಾಹುಲ್​ ಗಾಂಧಿ ನಾಯಿ ತಿನ್ನದೇ ಇದ್ದಾಗ ಅದೇ ಬಿಸ್ಕೆಟ್ ಅನ್ನು ತಮ್ಮ ಕಾರ್ಯಕರ್ತನಿಗೆ ನೀಡಿದ್ದಾರೆ. ಯಾವ ಪಕ್ಷದ ಅಧ್ಯಕ್ಷ ಮತ್ತು ಯುವರಾಜ ತನ್ನ ಪಕ್ಷದ ಕಾರ್ಯಕರ್ತರನ್ನು ನಾಯಿಗಳಂತೆ ನಡೆಸಿಕೊಳ್ಳುತ್ತಾರೋ ಅಂತಹ ಪಕ್ಷವು ಕಣ್ಮರೆಯಾಗುವುದು ಸಹಜ ಎಂದು ಬಿಜೆಪಿ ಆರೋಪಿಸಿ ಕಿಡಿಕಾರಿತ್ತು.

https://www.vijayavani.net/eshwar-khandre-gives-reason-regarding-restriction-of-trekking-in-kumara-parvatha

https://www.vijayavani.net/7-dead-over-100-injured-after-explosion-at-illegal-fireworks-factory