ಹಾವು ಕಚ್ಚಿದ ತಕ್ಷಣ ಯಾವುದೇ ಕಾರಣಕ್ಕೂ ಕೆರೆಯಬೇಡಿ... ಈ ರೀತಿ ಮಾಡಿ ಅಪಾಯ ಕಡಿಮೆಯಾಗುತ್ತೆ! Snake Bite

Snake Bite : ಹಾವುಗಳನ್ನು ಕಂಡರೆ ಹೆದರಿ ಓಡುವವರೇ ಹೆಚ್ಚು. ತುಂಬಾ ಅಪಾಯಕಾರಿ ಜೀವಿಗಳಲ್ಲಿ ಹಾವುಗಳು ( Snakes ) ಒಂದು. ಈ ಜೀವಿ ಶತಮಾನಗಳಿಂದ ಜನರ ಜೀವಕ್ಕೆ ಬೆದರಿಕೆಯಾಗಿದ್ದು, ಪ್ರಾಚೀನ ಕಾಲದಿಂದಲೂ ಜಗತ್ತಿನಲ್ಲಿ ವಾಸಿಸುತ್ತಿರುವ ಜೀವಿಯಾಗಿದೆ. ಈ ಭೂಮಿಯ ಮೇಲೆ ಸುಮಾರು 3000 ಜಾತಿಯ ಹಾವುಗಳು ವಾಸಿಸುತ್ತಿವೆ. ಆದರೆ, ಎಲ್ಲ ಹಾವುಗಳು ವಿಷಕಾರಿಯಲ್ಲ. ಕೆಲವೊಂದು ಸೌಮ್ಯ ಸ್ವಭಾವಾದ ಹಾವುಗಳಿವೆ. ಕೆಲವು ಜೀವಕ್ಕೆ ಮಾರಕವಾಗುವ ವಿಷವನ್ನು ಹೊಂದಿರುತ್ತವೆ.

ಸಾಮಾನ್ಯವಾಗಿ ವಿಷಕಾರಿ ಹಾವು ಮನುಷ್ಯನನ್ನು ಕಚ್ಚಿದಾಗ ಮೊದಲು ಅವರಿಗೆ ಪ್ರಾಥಮಿಕ ಚಿಕಿತ್ಸೆಯನ್ನು ನೀಡಬೇಕು. ನಿಮಗೆ ಗೊತ್ತಾ ಪ್ರತಿ ವರ್ಷ ವಿಶ್ವದಾದ್ಯಂತ 81000 ರಿಂದ 1,38,000 ಜನರು ಹಾವು ಕಡಿತದಿಂದ ಸಾಯುತ್ತಾರೆ. ಇದನ್ನು ನಾವು ಹೇಳುತ್ತಿಲ್ಲ. ಅನೇಕ ಅಧ್ಯಯನಗಳೇ ಇದನ್ನು ಹೇಳಿವೆ. ಹಾವು ಕಡಿತಕ್ಕೆ ಒಳಗಾದವರಿಗೆ ಸಾಕಷ್ಟು ವೈದ್ಯಕೀಯ ಚಿಕಿತ್ಸೆ ದೊರೆಯದ ಕಾರಣ ಹೆಚ್ಚಿನ ಸಾವುಗಳಾಗುತ್ತಿವೆ.

ಭಾರತದಲ್ಲಿ 2000 ರಿಂದ 2019ರ ನಡುವೆ 1.2 ಮಿಲಿಯನ್ ಜನರು ಹಾವು ಕಡಿತದಿಂದ ಸಾವಿಗೀಡಾಗಿದ್ದಾರೆ. ಜುಲೈ 2020ರಲ್ಲಿ ಪ್ರಕಟವಾದ ಅಧ್ಯಯನವು ಪ್ರತಿ ವರ್ಷ 58,000 ಜನರು ಸಾಯುತ್ತಾರೆ ಎಂದು ಅಂದಾಜಿಸಿದೆ.

ಭಾರತದಂತಹ ದೇಶಗಳಲ್ಲಿ ಜನರು ಹಾವುಗಳನ್ನು ದೇವರಂತೆ ಪೂಜಿಸುತ್ತಾರೆ. ಕೃಷಿ ಭೂಮಿಯನ್ನು ರಕ್ಷಿಸಲು ದೇವರು ಹಾವುಗಳನ್ನು ಕಳುಹಿಸಿದ್ದಾನೆ ಎಂಬ ನಂಬಿಕೆ ಬುಡಕಟ್ಟು ಸಮುದಾಯಗಳಲ್ಲಿದೆ. ಹಾವುಗಳಿಗೆ ಸಂಬಂಧಿಸಿದ ಇದೇ ನಂಬಿಕೆಗಳು ಕೂಡ ಸಾವಿಗೆ ಪ್ರಮುಖ ಕಾರಣವೆಂದು ಪರಿಗಣಿಸಲಾಗುತ್ತದೆ. ಹೀಗಾಗಿ ಯಾರಿಗಾದರೂ ಹಾವು ಕಚ್ಚಿದಾಗ ಮೊದಲು ಏನು ಮಾಡಬೇಕೆಂದು ನಾವೀಗ ತಿಳಿದುಕೊಳ್ಳೋಣ.

ಇದನ್ನೂ ಓದಿ: ‘ಆಪರೇಷನ್ ಸಿಂಧೂರ್’ನಿಂದ ವಿಚಲಿತವಾದ ಪಾಕಿಸ್ತಾನ! ಪಾಕ್​ ಕ್ಷಿಪಣಿಯ ದಾಳಿಯನ್ನು ಗಾಳಿಯಲ್ಲಿಯೇ ವಿಫಲಗೊಳಿಸಿದ ಭಾರತ…Missile Parts Found

1. ಹಾವು ಕಚ್ಚಿದ ನಂತರ ಕಚ್ಚಿದ ಸ್ಥಳವನ್ನು ಹೀರುವುದು ತಪ್ಪು. ಅದೇ ರೀತಿ, ಕೆಲವರು ಆ ಸ್ಥಳವನ್ನು ಕೆರೆದುಕೊಳ್ಳಬಾರದು. ಇದು ಅಪಾಯಕಾರಿ ಪರಿಣಾಮಗಳನ್ನು ಉಂಟುಮಾಡಬಹುದು.

2. ಎಲ್ಲ ಹಾವುಗಳು ವಿಷಕಾರಿಯಲ್ಲ. ಆದ್ದರಿಂದ, ಯಾವುದೇ ಹಾವು ಕಡಿತದಲ್ಲಿ ವಿಷವಿರುತ್ತದೆ ಎಂದು ನಂಬುವುದನ್ನು ನಿಲ್ಲಿಸಬೇಕು.

3. ಯಾರಿಗಾದರೂ ಹಾವು ಕಚ್ಚಿದರೆ, ಆ ಪ್ರದೇಶವನ್ನು ಮೊದಲು ಸೋಪಿನಿಂದ ತೊಳೆಯಬೇಕು. ಕಚ್ಚುವಿಕೆಯು ಕಾಲಿನಲ್ಲಿ ಆಗಿದ್ದರೆ, ಆ ವ್ಯಕ್ತಿಯನ್ನು ನಡೆಯುವುದು, ಓಡುವುದು ಅಥವಾ ಭಯ ಉಂಟು ಮಾಡುವುದು ಮುಂತಾದವುಗಳನ್ನು ಮಾಡದೇ ತಕ್ಷಣವೇ ಆಸ್ಪತ್ರೆಗೆ ಕರೆದೊಯ್ಯಬೇಕು.

4. ಹಾವು ಕಚ್ಚಿದ ಸ್ಥಳದಲ್ಲಿ ಊತವಿದ್ದರೆ, ಕೆಲವರು ಊತಕ್ಕೆ ಚಿಕಿತ್ಸೆ ನೀಡುತ್ತಾರೆ. ಅದನ್ನು ತಪ್ಪಿಸಿ ವ್ಯಕ್ತಿಯನ್ನು ಆಸ್ಪತ್ರೆಗೆ ಕರೆದೊಯ್ಯಿರಿ.

5. ಹಾವು ಕಚ್ಚಿದ ವ್ಯಕ್ತಿಯ ರಕ್ತ ಪರೀಕ್ಷೆ ಮಾಡಬೇಕು. ನೋವು ಇದ್ದರೆ, ನೀವು ಅವರಿಗೆ ನೋವು ನಿವಾರಕಗಳನ್ನು ನೀಡಬೇಕು. ಯಾವುದೇ ನೋವು ನಿವಾರಕಗಳನ್ನು ನೀವೇ ತೆಗೆದುಕೊಳ್ಳಬಾರದು.

ಹಾವಿನ ವಿಷದ ಪ್ರಮಾಣ, ಅದರ ಪರಿಣಾಮವು ಜಾತಿಯ ಮೇಲೆ ಮತ್ತು ಕಚ್ಚುವಿಕೆಯ ನಿರ್ದಿಷ್ಟ ಸಂದರ್ಭಗಳನ್ನು ಅವಲಂಬಿಸಿರುತ್ತದೆ. ಯಾವುದೇ ಹಾವು ಕಡಿತದ ಸಂದರ್ಭದಲ್ಲಿ, ತಕ್ಷಣವೇ ವೈದ್ಯಕೀಯ ಚಿಕಿತ್ಸೆ ಪಡೆಯುವುದು ಮುಖ್ಯ. ಆಧುನಿಕ ಆಂಟಿವೆನಮ್ ಅಥವಾ ಪ್ರತಿವಿಷ ಚಿಕಿತ್ಸೆಯು ಸಾಮಾನ್ಯವಾಗಿ ಹೆಚ್ಚಿನ ಹಾವು ಕಡಿತದ ಪ್ರಕರಣಗಳಲ್ಲಿ ಪರಿಣಾಮಕಾರಿಯಾಗಿದೆ. ಆದಾಗ್ಯೂ, ಉತ್ತಮ ಫಲಿತಾಂಶಕ್ಕಾಗಿ ತಕ್ಷಣದ ಚಿಕಿತ್ಸೆಯ ಅಗತ್ಯವಿದೆ ಎಂದು ಅವರು ಹೇಳಿದರು. (ಏಜೆನ್ಸೀಸ್​)

https://www.vijayavani.net/operation-sindoor-impact-of-operation-sindoor-on-ipl-2025-will-the-delhi-punjab-match-be-postponed