ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಕರೊನಾ ವಿರುದ್ಧದ ಸಮರದಲ್ಲಿ ತೊಡಗಿಕೊಂಡಿವೆ. ಆರೋಗ್ಯ ವ್ಯವಸ್ಥೆಯನ್ನು ಸುಧಾರಿಸುವುದು ಒಂದೆಡೆಯಾದರೆ, ಲಸಿಕೆ ಅಭಿಯಾನಕ್ಕೆ ವೇಗ ನೀಡುವುದು ಮತ್ತೊಂದು ಸವಾಲು. ಈ ನಿಟ್ಟಿನಲ್ಲಿ ಕೈಗೊಂಡ ಸರಣಿ ಕ್ರಮಗಳ ಲವಾಗಿ ಕೋವಿಡ್ನ ಎರಡನೆಯ ಅಲೆ ಇಳಿಮುಖವಾಗುತ್ತಿದ್ದು, ದೇಶದ ಬಹುತೇಕ ರಾಜ್ಯಗಳಲ್ಲಿ ಅನ್ಲಾಕ್ ಪ್ರಕ್ರಿಯೆಗೆ ಚಾಲನೆ ಸಿಕ್ಕಿದೆ. ಮೂರನೆಯ ಅಲೆ ಅಪ್ಪಳಿಸುವ ಸಾಧ್ಯತೆ ಇರುವುದರಿಂದ ಲಸಿಕೆ ಅಭಿಯಾನವನ್ನೂ ತೀವ್ರಗೊಳಿಸಲಾಗಿದೆ. ಜೂನ್ 21ರಿಂದ 18 ವರ್ಷ ಮೇಲ್ಪಟ್ಟವರಿಗೆ ಕೇಂದ್ರ ಸರ್ಕಾರವೇ ಉಚಿತ ಲಸಿಕೆಯನ್ನು ಪೂರೈಸಲಿದ್ದು, ರಾಜ್ಯಗಳ ಮೇಲಿನ ಈ ಸಂಬಂಧದ ಹೊರೆ ತಗ್ಗಲಿದೆ. ಅಲ್ಲದೆ, ಕರೊನಾ ಸಂಬಂಧದ ಮಾಹಿತಿಗಳಿಗೆ, ಲಸಿಕೆ ಕುರಿತಾದ ಅರಿವಿನ ವಿಸ್ತರಣೆಗೆ ಕೇಂದ್ರ, ರಾಜ್ಯ ಸರ್ಕಾರಗಳು ವೆಬ್ಪೋರ್ಟಲ್, ಆ್ಯಪ್ ಸೇರಿದಂತೆ ಹಲವು ವೇದಿಕೆಗಳನ್ನು ನಿರ್ಮಿಸಿವೆ. ಅವುಗಳ ಮುಖೇನ ಅಧಿಕೃತ ಮಾಹಿತಿ ನೀಡಲಾಗುತ್ತಿದ್ದರೂ, ಸಾಮಾಜಿಕ ಮಾಧ್ಯಮಗಳ ಅಬ್ಬರದಲ್ಲಿ ವದಂತಿ ಅಥವಾ ಸುಳ್ಳುಸುದ್ದಿಗಳೇ ಪ್ರವಾಗಿ ಹರಡಿ, ಗೊಂದಲಕ್ಕೆ ಕಾರಣ ವಾಗುತ್ತಿರುವುದು ವಿಪರ್ಯಾಸ. ಸಾಮಾಜಿಕ ಮಾಧ್ಯಮಗಳಲ್ಲಿ ಬಂದ ಮಾಹಿತಿಯನ್ನು ಅದು ಸರಿಯೋ, ತಪ್ಪೋ ಎಂಬುದನ್ನು ಪರಿಷ್ಕರಿಸದೆ ಮುಂದಿನ ಗುಂಪುಗಳಿಗೆ ಕಳಿಸುವ ಜನರು ಇಂಥ ಗೊಂದಲವನ್ನು ಹೆಚ್ಚಿಸುತ್ತಿದ್ದಾರೆ.
