ಜ.20ರಂದು ಡೊನಾಲ್ಡ್​ ಟ್ರಂಪ್​ ಅಧಿಕಾರ ಸ್ವೀಕಾರ: ಭಾರತ ಪ್ರತಿನಿಧಿಯಾಗಿ ಎಸ್​. ಜೈಶಂಕರ್ ಭಾಗಿ​

ನವದೆಹಲಿ: ಇದೇ ಜ.20ರಂದು ಎರಡನೇ ಬಾರಿಗೆ ಅಮೆರಿಕಾದ 47ನೇ ಅಧ್ಯಕ್ಷರಾಗಿ ಅಧಿಕಾರಿ ಸ್ವೀಕರಿಸುತ್ತಿರುವ ಡೊನಾಲ್ಡ್​ ಟ್ರಂಪ್​​ ಕಾರ್ಯಕ್ರಮಕ್ಕೆ ಭಾರತದ ಪ್ರತಿನಿಧಿಯಾಗಿ ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್​. ಜೈಶಂಕರ್​ ಪ್ರತಿನಿಧಿಸಲಿದ್ದಾರೆ.

ಟ್ರಂಪ್​ 47ನೇ ಅಧ್ಯಕ್ಷರಾಗಿ ಜ.20ರಂದು ಅಮೆರಿಕಾದ ರಾಜಧಾನಿ ವಾಷಿಂಗ್​​ಟನ್​ ಡಿಸಿ ನಗರದಲ್ಲಿ ನಡೆಯಲಿದೆ. ಸುಪ್ರೀಂಕೋರ್ಟ್​​ ಮುಖ್ಯ ನ್ಯಾಯಮೂರ್ತಿ ಜಾನ್​​ ರಾಬರ್ಟ್​​ ಟ್ರಂಪ್​ಗೆ ಪ್ರಮಾಣವಚನದ ಪ್ರತಿಜ್ಞಾ ವಿಧಿ ಬೋಧಿಸಲಿದ್ದಾರೆ. ಮಧ್ಹ್ಯಾನ ಸಮಯದಲ್ಲಿ ಕಾರ್ಯಕ್ರಮ ನಡೆಯಲಿದೆ ಎಂದು ಅಲ್ಲಿನ ಮಾಧ್ಯಗಳು ವರದಿ ಮಾಡಿದೆ. ಇನ್ನು ಕಾರ್ಯಕ್ರಮಕ್ಕೆ ಜಗತ್ತಿನ ಎಲ್ಲ ದೇಶಗಳಿಂದ ಗಣ್ಯರು ಬರಲಿದ್ದಾರೆ.

ಇದನ್ನೂ ಓದಿ:ಕಿಚ್ಚನ ಶಾಕ್​ಗೆ ಮನೆಮಂದಿ ಫುಲ್​ ಶೇಕ್; ಈ ವಾರ BiggBoss ಮನೆಯಿಂದ ಎಲಿಮಿನೇಟ್​ ಆಗಿದ್ದು ಇವರೇ!

ಟ್ರಂಪ್​ ಕಾರ್ಯಕ್ರಮಕ್ಕೆ ಧ್ವಜಗಳನ್ನು ಅರ್ಧಕ್ಕೆ ಇಳಿಸಲಾಗುತ್ತಿದೆ. ಕಾರಣ, ಇತ್ತೀಚಿಗೆ ಅಮೆರಿಕಾದ ಮಾಜಿ  ಅಧ್ಯಕ್ಷರಾಗಿದ್ದ ಜಿಮ್ಮಿ ಕಾರ್ಟರ್(100) ನಿಧರಾಗಿದ್ದ ಹಿನ್ನೆಲೆ ಇದರ ಗೌರವರ್ಥವಾಗಿ 30ದಿನಗಳ ಕಾಲ ಅಮೆರಿಕಾದ್ಯಂತ ಧ್ವಜ ಅರ್ಧಕ್ಕೆ ಹಾರಿಸಬೇಕೆಂದು ಬಿಡನ್​​ ಸರ್ಕಾರ ಘೋಷಿಸಿದೆ. ಇದು ಜ.28ರವರೆಗೆ ಜಾರಿಯಲ್ಲಿರುತ್ತದೆ.

ಇನ್ನು  ಈ ಕಾರ್ಯಕ್ರಮದ ಮುಂಚಿತವಾಗಿ ಮತ್ತೊಂದು ಕಾರ್ಯಕ್ರಮದಲ್ಲಿ ಅಮೆರಿಕಾ ಉಪಾಧ್ಯಕ್ಷ ಅಧಿಕಾರ ಸ್ವೀಕರಿಸಲಿದ್ದಾರೆ.  ಉಪಾಧ್ಯಕ್ಷರಾಗಿ ಜೆಡಿ ವ್ಯಾನ್ಸ್​ ಆಯ್ಕೆಯಾಗಿದ್ದಾರೆ. ಉದ್ಘಾಟನಾ ಸಮಾರಂಭದ ಜಂಟಿ ಕಾಂಗ್ರೆಸ್​​ನಲ್​ ಸಮಿತಿ(JCCIC)  ತಿಳಿಸಿದೆ.

ಇದನ್ನೂ ಓದಿ:ಗೇಮ್​​ ಚೇಂಜರ್​ HD ಪ್ರಿಂಟ್​ ಲೀಕ್​! ಖಾಸಗಿ ಬಸ್​ಗಳಲ್ಲಿ​ ಸಿನಿಮಾ ಪ್ರದರ್ಶನ, ವಿಡಿಯೋ ವೈರಲ್​…Game Changer

ವಿವಿಧ ಗಣ್ಯರ ಜತೆ ಜೈಶಂಕರ್​ ಮೀಟಿಂಗ್​

ಭಾರತ ಪ್ರತಿನಿಧಿಯಾಗಿ ಎಸ್​.ಜೈಶಂಕರ್​ ಸಮಾರಂಭದಲ್ಲಿ ಭಾಗವಹಿಸಲಿದ್ದಾರೆ. ತಮ್ಮ ಭೇಟಿಯ ಸಮಯದಲ್ಲಿ, ಒಳಬರುವ ಆಡಳಿತ ಪ್ರತಿನಿಧಿಗಳ ಮತ್ತು ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲಿರುವ ಇತರ ಗಣ್ಯರೊಂದಿಗೆ ಸಭೆ ನಡೆಸಲಿದ್ದಾರೆ.

2024ರ ನವೆಂಬರ್​ನಲ್ಲಿ ನಡೆದ ಅಧ್ಯಕ್ಷೀಯ ಚುನಾವಣೆಯಲ್ಲಿ  ಟ್ರಂಪ್​ ಭಾರಿ ಜಯಗಳಿಸುವ ಮೂಲಕ ಅಧ್ಯಕ್ಷರಾಗಿ ಆಯ್ಕೆಯಾದರು.  538 ಸ್ಥಾನಗಳಿಗೆ ನಡೆದ ಚುನಾವಣೆಯಲ್ಲಿ 312 ಸ್ಥಾನಗಳಲ್ಲಿ ಟ್ರಂಪ್​ ಗೆಲುವು ಸಾಧಿಸಿದ್ದಾರೆ. ಇತ್ತ ಪ್ರಸ್ತುತ ಆಡಳಿತ ಸರ್ಕಾರದ ಬಿಡೆನ್​(ಕಮಲಾ ಹ್ಯಾರಿಸ್​) 226 ಸ್ಥಾನದಲ್ಲಿ ಗೆದ್ದು ಸೋಲಬೇಕಾಯಿತು. (ಏಜೆನ್ಸೀಸ್​)

https://www.vijayavani.net/i-was-given-poisoned-food-tennis-star-novak-djokovic-makes-serious-allegations