ಕಿಚ್ಚನ ಶಾಕ್​ಗೆ ಮನೆಮಂದಿ ಫುಲ್​ ಶೇಕ್; ಈ ವಾರ BiggBoss ಮನೆಯಿಂದ ಎಲಿಮಿನೇಟ್​ ಆಗಿದ್ದು ಇವರೇ!

ಬೆಂಗಳೂರು: ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ ಬಿಗ್​ಬಾಸ್​ (BiggBoss) ದಿನ ಕಳೆದಂತೆ ಭರಪೂರ ಮನರಂಜನೆ ನೀಡುತ್ತಿದ್ದು, ಫಿನಾಲೆಗೆ ಹತ್ತಿರವಿರುವ ಸಮಯದಲ್ಲೇ ಮತ್ತಷ್ಟು ಮನರಂಜನೆ ಖಾತ್ರಿಯಾಗಿದೆ. ಶನಿವಾರದ (ಜನವರಿ 11) ಸಂಚಿಕೆಯಲ್ಲಿ ರಜತ್​, ಭವ್ಯಾ ಹಾಗೂ ಮಂಜುಗೆ ಸಖತ್​ ಕ್ಲಾಸ್​ ತೆಗೆದುಕೊಂಡಿದ್ದ ನಿರೂಪಕ ಕಿಚ್ಚ ಸುದೀಪ್​ ಭಾನುವಾರದ ಎಪಿಸೋಡ್​ನಲ್ಲಿ ಮನೆಮಂದಿಗೆಲ್ಲಾ ಶಾಕ್​ ಕೊಟ್ಟಿದ್ದು, ಸ್ಫರ್ಧಿಗಳು ನಲುಗಿ ಹೋಗಿದ್ದಾರೆ.

ಕಿಚ್ಚನ ಸರ್ಪ್ರೈಸ್​ಗೆ ಮನೆಮಂದಿ ಶಾಕ್! ಎಂಬ ಶೀರ್ಷಿಕೆಯಡಿ ಬಿಡುಗಡೆಯಾಗಿರುವ ಬಿಗ್​ಬಾಸ್​ (BiggBoss) ಪ್ರೋಮೋ ನೋಡುವುದಾದರೆ ನಿರೂಪಕ ಕಿಚ್ಚ ಸುದೀಪ್​ ಅವರು ಸ್ಪರ್ಧಿಗಳಿಗೆ ಪ್ರಶ್ನೆಗಳನ್ನು ಕೇಳುತ್ತಾರೆ. ತಪ್ಪು ಉತ್ತರ ನೀಡಿದವರಿಗೆ ಶಾಕ್​ ಟ್ರೀಟ್​ಮೆಂಟ್​ ನೀಡಿದ್ದಾರೆ. ಸ್ಪರ್ಧಿಗಳನ್ನು ಕುರ್ಚಿಯೊಂದರ ಮೇಲೆ ಕೂರಿಸಿ ಅವರ ಕೈಗೆ ವೈಯರ್​ನ ಬ್ಯಾಂಡ್ ಕಟ್ಟಿಸಿದ್ದಾರೆ. ಆ ನಂತರ ಸ್ಪರ್ಧಿಗಳಿಗೆ ಪ್ರಶ್ನೆಗಳನ್ನು ಕೇಳಿದ್ದಾರೆ. ಯಾರು ತಪ್ಪು ಉತ್ತರ ನೀಡುತ್ತಾರೋ ಅವರಿಗೆ ಕರೆಂಟ್ ಶಾಕ್ ಹೊಡೆಯುತ್ತದೆ. ಶಾಕ್ ಹೊಡೆಸಿಕೊಂಡ ಸ್ಪರ್ಧಿಗಳು ಒದ್ದಾಡಿದ್ದಾರೆ. ಸ್ಫರ್ಧಿಗಳ ನರಳಾಟ ನೋಡಿ ಹನುಮಂತು ಟಾಯ್ಲೆಟ್​ ಸೇರಿಕೊಂಡಿದ್ದಾರೆ. ಸದ್ಯ ಈ ಪ್ರೋಮೋ ವೈರಲ್​ ಆಗಿದೆ.

ಇನ್ನೂ ಎಲಿಮಿನೇಷನ್​ ವಿಚಾರಕ್ಕೆ ಬರುವುದಾದರೆ ಚೈತ್ರಾ ಕುಂದಾಪುರ ಅವರು ಬಿಗ್​ಬಾಸ್​ (BiggBoss) ಮನೆಯಿಂದ ಎಲಿಮಿನೇಟ್​ ಆಗಿದ್ದಾರೆ ಎಂದು ಹೇಳಲಾಗಿದ್ದು, ಇನ್ನಷ್ಟೇ ಅಧಿಕೃತವಾಗಬೇಕಿದೆ. ಈ ವಾರ ಉತ್ತಮ ಪಡೆದಿದ್ದ ಚೈತ್ರಾ ಫಿನಾಲೆ ಹತ್ತಿರ ಬರುತ್ತಿದ್ದಂತೆ ಟಫ್​ ಫೈಟ್​ ಕೊಡುವ ಮುನ್ಸೂಚನೆಯನ್ನು ನೀಡಿದ್ದರು. ಆದರೆ, ಚೈತ್ರಾ ಅವರು ಈ ವಾರ ಎಲಿಮಿನೇಟ್​ ಆಗಿದ್ದಾರೆ ಎಂದು ಹೇಳಲಾಗಿದ್ದು, ಈ ವಿಚಾರ ಹಲವರಲ್ಲಿ ಅಚ್ಚರಿಯನ್ನುಂಟು ಮಾಡಿದೆ.

ಭರಪೂರ ಮನರಂಜನೆಯ ಜೊತೆಗೆ ವಿವಾದಗಳನ್ನು ಹುಟ್ಟು ಹಾಕುವ ಬಿಗ್​ಬಾಸ್​ (BiggBoss), ಕಿರುತೆರೆ ಲೋಕದ ಜನಪ್ರಿಯ ಶೋಗಳಲ್ಲಿ ಒಂದೆಂದರೆ ತಪ್ಪಾಗಲಾರದು. ಪ್ರೀತಿ, ಸ್ನೇಹ ಸಂಬಂಧಗಳಿಗೆ ಈ ಶೋ ಬೆಸುಗೆಯಾಗುತ್ತದೆ. ಇಲ್ಲಿ ನಗು, ಕಣ್ಣೀರು, ಕೋಪ, ಮುನಿಸು ಮತ್ತು ಮನಸ್ತಾಪಗಳ ಮಿಶ್ರಣವು ಇದೆ. ಟಾಸ್ಕ್​ ನೀಡುವುದರ ಜೊತೆಗೆ ಜೀವನದ ಪಾಠವನ್ನು ಹೇಳಲಾಗುತ್ತದೆ. ಎಲ್ಲದಕ್ಕಿಂತ ಹೆಚ್ಚಾಗಿ ವಾರದ ಕೊನೆಯಲ್ಲಿ ನಟ ಕಿಚ್ಚ ಸುದೀಪ್​ ಸರಿ-ತಪ್ಪುಗಳ ತಿದ್ದುವಿಕೆ ಶೋಗೆ ಹೊಸ ಆಯಾಮವನ್ನು ತಂದುಕೊಡುತ್ತದೆ. ಈ ಎಲ್ಲ ಕಾರಣಗಳಿಂದ ಈ ಶೋ ವಿಶೇಷ ಎನಿಸಿಕೊಂಡಿದ್ದು, ಕಿರುತೆರೆ ಲೋಕದಲ್ಲಿ ಸಿಕ್ಕಾಪಟ್ಟೆ ಜನಪ್ರಿಯತೆ ಪಡೆದುಕೊಂಡಿದೆ.

https://www.vijayavani.net/playing-for-country-is-motivation-mohammed-shami-opens-up-about-his-possible-return-for-champions-trophy

https://www.vijayavani.net/telangana-govt-withdraws-orders-allowing-ticket-price-hike-for-ram-charan-starrer-game-changer