5 ಲಕ್ಷ ರೂ, 5 ಸ್ಟಾರ್ ಹೋಟೆಲ್​​ನಲ್ಲಿ ರೂಮ್​! ಪ್ರತಿ ಶೋಗೆ ಡಾಲಿ ಚಾಯ್‌ವಾಲಾ ಮಾಡೋ ಚಾರ್ಜ್ ಇದು

ನವದೆಹಲಿ: ಕೆಲವು ತಿಂಗಳ ಹಿಂದೆ ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿ ಬಿಲ್ ಗೇಟ್ಸ್‌ಗೆ ಚಹಾ ಮಾರಿದ ನಂತರ ಡಾಲಿ ಚಾಯ್‌ವಾಲಾ ಜನಪ್ರಿಯತೆ ಗಳಿಸಿದರು. ಟಿವಿಯಿಂದ ಸಾಮಾಜಿಕ ಮಾಧ್ಯಮದವರೆಗೆ, ಡಾಲಿಗೆ ಬೇಡಿಕೆ ನಿರಂತರವಾಗಿ ಹೆಚ್ಚುತ್ತಿದೆ. ಇದೀಗ ಈ ಚಾಯ್​ವಾಲಾನ ಪ್ರಸಿದ್ಧಿ ಎಷ್ಟರ ಮಟ್ಟಿಗೆ ಇದೆ ಎಂದರೆ ಈಗ ಒಂದು ಕಾರ್ಯಕ್ರಮಕ್ಕೆ ಬರಲು ಲಕ್ಷ ಲಕ್ಷ ಹಣವನ್ನು ಪಡೆಯುತ್ತಾರೆ ಎನ್ನುವ ಸುದ್ದಿ ಇದೆ.

ಪ್ರಸಿದ್ಧ ಕುವೈಟಿನ ಫುಡ್ ವ್ಲಾಗರ್ ಡಾಲಿ ಚಾಯ್​ವಾಲಾ ಅವರು ಪ್ರತಿ ಪ್ರದರ್ಶನ ಶುಲ್ಕ ಎಷ್ಟು ಎಂದು ಬಹಿರಂಗಪಡಿಸಿದ್ದಾರೆ. ಡಾಲಿ ಚಾಯ್‌ವಾಲಾ ಅವರೊಂದಿಗೆ ಫುಡ್ ವ್ಲಾಗ್ ಮಾಡಲು ಇಷ್ಟಪಡುವ 'ಎಕೆ ಫುಡ್ ವ್ಲಾಗ್' 'ಡಾಲಿ ಕಿ ತಾಪ್ರಿ' ಅವರನ್ನು ಸಂಪರ್ಕಿಸಿದ್ದು, ಡಾಲಿಯ ಶುಲ್ಕದ ಬಗ್ಗೆ ತಿಳಿದು ಶಾಕ್ ಆಗಿದ್ದಾರೆ.

ಫುಡ್ ವ್ಲಾಗ್ ಪ್ರಕಾರ, ತಾನು ಡಾಲಿ ಚಾಯ್‌ವಾಲಾಳನ್ನು ಕುವೈಟ್‌ಗೆ ಕರೆಯಲು ಬಯಸಿದ್ದರಿಂದ ಕರೆದಿದ್ದೇನೆ. ಆದರೆ, ಅವರ ಬೇಡಿಕೆಗಳನ್ನು ಕೇಳಿ ಆಶ್ಚರ್ಯವಾಯಿತು. ಯಾಕೆಂದರೆ.. ತನ್ನ ಶುಲ್ಕ 5 ಲಕ್ಷ ರೂಪಾಯಿ ಎಂದು ಡಾಲಿ ಚಾಯ್ ವಾಲಾ ಹೇಳಿದ್ದಾರೆ. ಡಾಲಿಯ ಮ್ಯಾನೇಜರ್ ಜತೆ ಮಾತನಾಡಿದ್ದೇನೆ. ಕುವೈತ್ ಗೆ ಬರುವುದಾಗಿ ಹೇಳಿದಾಗ 2000-25000 ಕುವೈತ್ ದಿನಾರ್ ಕೇಳಿದರು. ಡೋಲಿ ಜೊತೆಗೆ ಮತ್ತೊಬ್ಬರು ಬರುತ್ತಾರೆ . 4 ಅಥವಾ 5 ಸ್ಟಾರ್ ಹೋಟೆಲ್‌ಗಳಲ್ಲಿ ಇಬ್ಬರಿಗೂ ಕೊಠಡಿ ಕಾಯ್ದಿರಿಸುವಂತೆ ಒತ್ತಾಯಿಸಿದರು. ಇದು ಕೇವಲ ಅವರ 1 ದಿನದ ಶುಲ್ಕ ಎಂದು ಅವರು ಹೇಳಿದರು.

ಅಂದಹಾಗೆ ಡಾಲಿ ಚಾಯ್ ವಾಲಾ ಅವರ ನಿವ್ವಳ ಮೌಲ್ಯ ರೂ. 10 ಲಕ್ಷಕ್ಕೂ ಹೆಚ್ಚು. ಒಂದು ಕಪ್ ಡಾಲಿ ಟೀ ಬೆಲೆ ಕೇವಲ ಏಳು ರೂಪಾಯಿ. ಆದರೆ ಅವರು ದಿನಕ್ಕೆ 350-500 ಕಪ್ ಚಹಾವನ್ನು ಮಾರಾಟ ಮಾಡುತ್ತಾರೆ. ಅದರಂತೆ ಅವರ ದೈನಂದಿನ ಗಳಿಕೆ ರೂ. 2,450 - 3500. ಈ ವರ್ಷದ ಫೆಬ್ರವರಿಯಲ್ಲಿ, ಬಿಲ್ ಗೇಟ್ಸ್ ಡಾಲಿ ಚಾಯ್‌ವಾಲಾ ಟೀ ಕುಡಿಯುತ್ತಿರುವ ಡೋಲಿ ಚಾಯ್‌ವಾಲಾ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಸಂಚಲನ ಸೃಷ್ಟಿಸಿತ್ತು.. ಈ ವಿಡಿಯೋ ಕಾಡ್ಗಿಚ್ಚಿನಂತೆ ಹಬ್ಬಿತ್ತು. ಹಾಗಾಗಿ ಡಾಲಿ ಚಾಯ್‌ವಾಲಾ ರಾತ್ರೋರಾತ್ರಿ ಸ್ಟಾರ್ ಆದರು.

ಚಾಯ್ ಪೇ ಚರ್ಚೆಯಂತಹ ಕಾರ್ಯಕ್ರಮಗಳಿಗೆ ಡಾಲಿಯನ್ನು ಅನೇಕರು ಆಹ್ವಾನಿಸತೊಡಗಿದರು. ಕೆಲವು ವಿದೇಶಿಗರು ಚಹಾ ಕುಡಿಯಲು ತಮ್ಮ ಅಂಗಡಿಗೆ ಬಂದಿದ್ದರು. ಈತ ಕುರಿತಾದ ಸುದ್ದಿ ಸೋಶಿಯಲ್​​ ಮೀಡಿಯಾದಲ್ಲಿ ಮನ್ನಣೆ ಪಡೆದಿತ್ತು.

https://www.vijayavani.net/pavithra-gowda-daughter-khushi-instagram-story-best-mum-and-im-lucky-to-have-a-mum-like-her-love-you-mumma