ಹೌದು, ಕಳೆದ ವರ್ಷ ಧ್ರುವ ಸರ್ಜಾ ಜತೆ ‘ಪೊಗರು’ ಮತ್ತು ಕೆಲ ದಿನಗಳ ಹಿಂದಷ್ಟೆ ಬಿಡುಗಡೆಯಾದ ‘ರಾಣ’ ಚಿತ್ರಗಳ ಬಳಿಕ ನಂದಕಿಶೋರ್, ಹೊಚ್ಚ ಹೊಸ ಪ್ರಾಜೆಕ್ಟ್ ನೊಂದಿಗೆ ವಾಪಸ್ಸಾಗಿದ್ದಾರೆ. ಈಗಾಗಲೇ ಅವರು ಕಿಚ್ಚ ಸುದೀಪ್ರನ್ನು ಭೇಟಿಯಾಗಿ ಕಥೆ ಹೇಳಿದ್ದು, ಅವರೂ ಓಕೆ ಎಂದಿದ್ದಾರಂತೆ. ಈ ಕುರಿತು ಖುದ್ದು ನಿರ್ದೇಶಕ ನಂದಕಿಶೋರ್ರನ್ನು ಸಂರ್ಪಸಿದರೆ, ‘ಕೆಲಸದ ನಿಮಿತ್ತ ಮುಂಬೈನಲ್ಲಿದ್ದೇನೆ, ಈಗಲೇ ಏನೂ ಮಾಹಿತಿ ನೀಡಲಾಗುವುದಿಲ್ಲ’ ಎಂದು ಅಲ್ಲಗಳೆಯುತ್ತಾರೆ. ಆದರೆ, ‘ರನ್ನ’ ಮತ್ತು ‘ಮುಕುಂದ ಮುರಾರಿ’ ಚಿತ್ರಗಳ ಯಶಸ್ಸಿನ ಬಳಿಕ ಕಿಚ್ಚ ಸುದೀಪ್ ಮತ್ತು ನಂದಕಿಶೋರ್ ಹಿಟ್ ಕಾಂಬೋ, ಆರು ವರ್ಷಗಳ ಬಳಿಕ ಮೂರನೇ ಬಾರಿಗೆ ಒಂದಾಗೋದು ಪಕ್ಕಾ ಎನ್ನಲಾಗುತ್ತಿದೆ. ಇದೊಂದು ಪಕ್ಕಾ ಎಮೋಷನಲ್ ಆಕ್ಷನ್ ಡ್ರಾಮಾ ಚಿತ್ರವಾಗಿದ್ದು, ಕನ್ನಡದಲ್ಲಿ ನಿರ್ವಣವಾದರೂ, ಬೇರೆ ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆಯಂತೆ. ಇನ್ನು ಕೆಲವೇ ದಿನಗಳಲ್ಲಿ ಚಿತ್ರದ ಅಧಿಕೃತ ಘೋಷಣೆಯಾಗಲಿದೆ.
