ಕರೊನಾ ಮೂರನೇ ಅಲೆ ಎರಡನೇ ಅಲೆಗಿಂತಲೂ ಭಯಂಕರವೇ?

ನವದೆಹಲಿ: ಕರೊನಾ ಮೂರನೇ ಅಲೆ ಇನ್ನು ಕೆಲವೇ ದಿನಗಳಲ್ಲಿ ಭಾರತಕ್ಕೆ ಪ್ರವೇಶಿಸಲಿದೆ, ಇದು ಮಕ್ಕಳನ್ನು ಹೆಚ್ಚು ಬಾಧಿಸಲಿದೆ, ಎರಡನೇ ಅಲೆಗಿಂತಲೂ ಹೆಚ್ಚು ತೀವ್ರತೆ ಹೊಂದಿರಲಿದೆ ಎಂಬೆಲ್ಲ ವಿಷಯಗಳು ಈಗಾಗಲೇ ಹರಿದಾಡುತ್ತಿದ್ದು, ಜನರು ಚಿಂತೆಗೀಡಾಗುವಂತೆ ಮಾಡಿದೆ. ಈ ಮಧ್ಯೆ ಕರೊನಾ ಮೂರನೇ ಅಲೆಯ ಸಂಭಾವ್ಯ ಪರಿಣಾಮಗಳ ಕುರಿತು ಅಧ್ಯಯನ ನಡೆದಿದ್ದು, ಆ ಕುರಿತು ಮಾಹಿತಿಯೊಂದು ಹೊರಬಿದ್ದಿದೆ.

'ಪ್ಲಾಸಿಬಿಲಿಟಿ ಆಫ್​ ಎ ಥರ್ಡ್​ ವೇವ್​ ಆಫ್​ ಕೋವಿಡ್​-19 ಇನ್​ ಇಂಡಿಯಾ: ಎ ಮ್ಯಾಥ್​ಮೆಟಿಕಲ್​ ಮಾಡೆಲಿಂಗ್ ಬೇಸ್ಡ್​ ಅನಾಲಿಸಿಸ್​' ಎಂಬ ಶೀರ್ಷಿಕೆ ಮೇರೆಗೆ ಈ ಅಧ್ಯಯನ ನಡೆದಿದೆ. ಇದು ಭಾರತದಲ್ಲಿನ ಕರೊನಾ ಮೂರನೇ ಅಲೆಯ ಪರಿಣಾಮಗಳ ಮೇಲೆ ಬೆಳಕು ಚೆಲ್ಲಿದೆ.

ಈ ಅಧ್ಯಯನದ ಪ್ರಕಾರ ಕರೊನಾ ಮೂರನೇ ಅಲೆ ಎರಡನೇ ಅಲೆಗಿಂತ ತೀವ್ರವಾಗಿ ಬಾಧಿಸುವ ಸಾಧ್ಯತೆ ಕಡಿಮೆ. ಈಗಾಗಲೇ ಬಹಳಷ್ಟು ಮಂದಿಗೆ ಲಸಿಕೆ ಹಾಕಿಸಲಾಗಿದೆ. ಎರಡನೇ ಅಲೆ ಉತ್ತುಂಗದಲ್ಲಿ ಇರುವಾಗಲೇ ದೇಶದ ಶೇ. 40 ಜನರು ಎರಡೂ ಡೋಸ್​ ಲಸಿಕೆಯನ್ನು ಪಡೆದಿದ್ದಾರೆ. ಅಲ್ಲದೆ ಲಸಿಕೆ ಸೋಂಕಿನ ಪ್ರಮಾಣವನ್ನು ಶೇ. 60 ತಗ್ಗಿಸಲಿದೆ. ಹೀಗಾಗಿ ಮೂರನೇ ಅಲೆ ಅಷ್ಟು ತೀವ್ರವಾಗಿ ಇರುವುದಿಲ್ಲ ಎಂದು ಈ ಅಧ್ಯಯನ ತಿಳಿಸಿದೆ. ಉಳಿದಂತೆ ಹಲವು ವಿಷಯಗಳನ್ನಾಧರಿಸಿ ಈ ಅಧ್ಯಯನ ನಡೆದಿದ್ದು, ಅದರ ಫಲಿತಾಂಶಗಳು ಇಂಡಿಯನ್ ಜರ್ನಲ್ ಆಫ್​ ಮೆಡಿಕಲ್​ ರಿಸರ್ಚ್​ನಲ್ಲಿ ಪ್ರಕಟವಾಗಿವೆ. (ಏಜೆನ್ಸೀಸ್)

https://www.vijayavani.net/woman-reveals-she-was-groped-by-a-male-passenger-on-a-flight/

https://www.vijayavani.net/he-is-the-one-who-suffered-long-time-for-covid/

https://www.vijayavani.net/96-year-old-lady-became-role-model-for-take-vaccination/