ರೋಗಿಯನ್ನು ಮೇ 31ರ ಸಂಜೆ ವೇಳೆಗೆ ಡಿಸ್ಚಾರ್ಜ್ ಸಹ ಮಾಡಲಾಗಿತ್ತು. ಮನೆಗೆ ಕರೆತಂದ ಎರಡು ದಿನ ಆರಾಮಾಗಿದ್ದ ರೋಗಿಯು ಆರೋಗ್ಯ ಎರಡ್ಮೂರು ದಿನಗಳಲ್ಲಿ ಹದಗೆಡಲು ಆರಂಭಿಸಿತ್ತು. ಕೂಡಲೇ ಕಮಲ್, ವೈದ್ಯರೊಂದಿಗೆ ಮಾತನಾಡಿ ತನ್ನ ತಂದೆಯ ಆರೋಗ್ಯದ ಸ್ಥಿತಿಯ ಬಗ್ಗೆ ತಿಳಿಸಿದ್ದಾನೆ.
ಈ ವೇಳೆ ವೈದ್ಯರು, ಎಲ್ಲವೂ ಸರಿಯಾಗುತ್ತದೆ. ಚಿಂತಿಸಬೇಡಿ. ಆದರೆ ಪೂರ್ತಿ ಗುಣಮುಖವಾಗಲು ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತದೆ ಎಂದು ಹೇಳಿದ್ದರು. ವೈದ್ಯರ ಈ ಮಾತಿನ ಬಳಿಕ ಕಮಲ್ ತುಸು ನಿರಾಳನಾಗಿದ್ದ. ಕೊನೆಗೆ, ಶಸ್ತ್ರಚಿಕಿತ್ಸೆಯ 12 ದಿನಗಳ ನಂತರ ಏಕಾಏಕಿ ಆತನ ತಂದೆ ಮೃತಪಟ್ಟಿದ್ದ.
ಈ ವೇಳೆ ಕಮಲ್ ಹಾಗೂ ಕುಟುಂಬಸ್ಥರು ರೋಗಿಯ ಅಂತ್ಯಕ್ರಿಯೆಯನ್ನು ನಡೆಸಿ, ಮರುದಿನ ಬೆಳಿಗ್ಗೆ ಅಸ್ಥಿಯನ್ನು ಸಂಗ್ರಹಿಸಲು ಸ್ಮಶಾನಕ್ಕೆ ಹೋದಾಗ ಅವರಿಗೆ ಶಸ್ತ್ರಚಿಕಿತ್ಸೆಯಲ್ಲಿ ಬಳಸಲಾಗುವ ಕತ್ತರಿ ಸಿಕ್ಕಿದೆ. ಕೂಡಲೇ ಈ ಕುರಿತು ಕುಟುಂಬದವರು ಆಸ್ಪತ್ರೆಯನ್ನು ಸಂಪರ್ಕಿಸಿದಾಗ, ಅವರು ಎಲ್ಲಾ ಆರೋಪಗಳನ್ನು ನಿರಾಕರಿಸಿದ್ದಾರೆ. ಇದೀಗ ಮೃತನ ಕುಟುಂಬಸ್ಥರು ಆಸ್ಪತ್ರೆ ವಿರುದ್ಧ ಜವಾಹರ್ ಸರ್ಕಲ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.(ಏಜೆನ್ಸೀಸ್)
