Flowers to Attract Butterflies: ನಿಮ್ಮ ಮನೆ ಬಾಲ್ಕನಿಯಲ್ಲಿ ಬಣ್ಣ ಬಣ್ಣದ ಚಿಟ್ಟೆಗಳು ಹಾರಾಡುತ್ತಿದ್ದರೆ ನೋಡೋಕೆ ಎಷ್ಟು ಚಂದ ಅಲ್ವಾ? ಇದಕ್ಕಾಗಿ ನಿಮಗೇನು ದೊಡ್ಡ ತೋಟ ಅಥವಾ ವಿಶಾಲವಾದ ಜಾಗ ಬೇಕಾಗಿಲ್ಲ. ನಿಮಗಿರೋ ಸಣ್ಣ ಬಾಲ್ಕನಿಯಲ್ಲೇ ಕೆಲವು ಸೂಕ್ತ ಹೂವಿನ ಗಿಡಗಳನ್ನು ಬೆಳೆಸಿದರೆ ಸಾಕು, ಚಿಟ್ಟೆಗಳು ತಮ್ಮಷ್ಟಕ್ಕೆ ತಾವೇ ನಿಮ್ಮ ಮನೆಗೆ ಹುಡುಕಿಕೊಂಡು ಬರುತ್ತವೆ. ಗಿಡಗಳಿಗೆ ಸರಿಯಾದ ಬಿಸಿಲು, ನೀರು ಮತ್ತು ಕೆಮಿಕಲ್ ಇಲ್ಲದ ಆರೈಕೆ ಮಾಡಿದರೆ ಸಾಕು.
ಚಿಟ್ಟೆಗಳನ್ನು ಆಕರ್ಷಿಸುವ ಆ 5 ಪ್ರಮುಖ ಹೂವಿನ ಗಿಡಗಳು ಇಲ್ಲಿವೆ ನೋಡಿ
1. ಚಂಡೂಹೂ (Marigold)
ಹಳದಿ ಮತ್ತು ಆರೆಂಜ್ ಬಣ್ಣದ ಚಂಡೂಹೂವುಗಳು ಬಾಲ್ಕನಿ ಅಂದವನ್ನು ಹೆಚ್ಚಿಸುವುದಲ್ಲದೆ, ಚಿಟ್ಟೆಗಳನ್ನು ಸುಲಭವಾಗಿ ಆಕರ್ಷಿಸುತ್ತವೆ. ಇದನ್ನು ಸರಿಯಾಗಿ ನೀರು ಹರಿದುಹೋಗುವ ಕುಂಡಗಳಲ್ಲಿ (Pots) ನೆಡಬೇಕು. ದಿನಕ್ಕೆ ಕನಿಷ್ಠ ಕೆಲ ಗಂಟೆಗಳ ಕಾಲ ಬಿಸಿಲು ಸಿಗುವಂತೆ ನೋಡಿಕೊಳ್ಳಿ. ಕುಂಡದ ಮೇಲ್ಭಾಗದ ಮಣ್ಣು ಒಣಗಿದಾಗ ಮಾತ್ರ ನೀರು ಹಾಕಿ.
2. ಜಿನ್ನಿಯಾ (Zinnia)
ಕೆಂಪು, ಪಿಂಕ್, ಹಳದಿ ಮತ್ತು ಆರೆಂಜ್ ಬಣ್ಣಗಳಲ್ಲಿ ಅರಳುವ ಜಿನ್ನಿಯಾ ಹೂಗಳು ಬಾಲ್ಕನಿಗೆ ಫ್ರೆಶ್ ಲುಕ್ ನೀಡುತ್ತವೆ. ಇವುಗಳ ಹೂವಿನ ಮಕರಂದ ಚಿಟ್ಟೆಗಳಿಗೆ ತುಂಬಾ ಇಷ್ಟ. ಇವುಗಳನ್ನು ಚೆನ್ನಾಗಿ ಬಿಸಿಲು ಬೀಳುವ ಜಾಗದಲ್ಲಿ ಇಡಬೇಕು. ಮಣ್ಣಿನಲ್ಲಿ ತೇವಾಂಶವಿರಲಿ, ಆದರೆ ಜಾಸ್ತಿ ನೀರು ಹಾಕಬೇಡಿ. ಒಣಗಿದ ಹೂಗಳನ್ನು ಆಗಾಗ ತೆಗೆಯುತ್ತಿದ್ದರೆ ಹೊಸ ಹೂಗಳು ಚೆನ್ನಾಗಿ ಬಿಡುತ್ತವೆ.
