ಬ್ಯಾಕ್ಟೀರಿಯಾಗಳ ಬಗ್ಗೆ ಇಂದಿಗೂ ಸಂಶೋಧನೆ ನಡೆಯುತ್ತಲೇ ಇದೆ. ಅದೂ ಅಲ್ಲದೆ, ಬ್ಯಾಕ್ಟೀರಿಯಾಗಳ ಸಂಖ್ಯೆಯೂ ಅಧಿಕ. ನಮ್ಮ ದೇಹದಲ್ಲಿ ಮುನ್ನೂರಕ್ಕೂ ಹೆಚ್ಚು ಜಾತಿಯ ಒಟ್ಟು ಐವತ್ತರಿಂದ ನೂರು ಲಕ್ಷ ಕೋಟಿ (ನೂರು ಟ್ರಿಲಿಯನ್) ಬ್ಯಾಕ್ಟೀರಿಯಾಗಳಿವೆ. ಅತಿ ಹೆಚ್ಚು ಕಂಡು ಬರುವುದು ದೊಡ್ಡ ಕರುಳಿನಲ್ಲಿ. ನಮ್ಮ ಒಂದು ಇಂಚು ಅಗಲದ ಚರ್ಮದಲ್ಲಿ ಅಂದಾಜು ಒಂದು ಲಕ್ಷ ಬ್ಯಾಕ್ಟೀರಿಯಾ ಇರುತ್ತವೆ, ಒಂದು ಚಮಚ ಫಲವತ್ತಾದ ಮಣ್ಣಿನಲ್ಲಿ 100 ಕೋಟಿ ಬ್ಯಾಕ್ಟೀರಿಯಾ ಇರುತ್ತವೆ. ನಾವು ಉಪಯೋಗಿಸುವ ಮೊಬೈಲ್ ಫೋನ್ನ ಒಂದಿಂಚು ಜಾಗದಲ್ಲಿ ಅಂದಾಜು 25,000 ಬ್ಯಾಕ್ಟೀರಿಯಾ ಇರುತ್ತವೆ. ಅಡುಗೆ ಮಾಡಿದ ಪಾತ್ರೆಗಳು, ತಟ್ಟೆ, ನಾವು ತೊಡುವ ಬಟ್ಟೆ, ಹಾಸಿಗೆಯಲ್ಲಿ, ಹೊದಿಕೆಗಳು ಮುಂತಾದ ದಿನನಿತ್ಯ ಉಪಯೋಗಿಸುವ ವಸ್ತುಗಳನ್ನು ಸರಿಯಾಗಿ ತೊಳೆಯದಿದ್ದರೆ ಕೆಟ್ಟ ಬ್ಯಾಕ್ಟೀರಿಯಾ ಮತ್ತು ಇತರ ಸೂಕ್ಷ್ಮಕೀಟಗಳು ಇಮ್ಮಡಿಗೊಂಡು ರೋಗ ಬರುತ್ತದೆ. ಆದ್ದರಿಂದ ನಾವು ಉಪಯೋಗಿಸುವ ವಸ್ತುಗಳನ್ನು ಆಗಾಗ್ಗೆ ತೊಳೆದು ಸ್ವಚ್ಛತೆಯನ್ನು ಕಾಪಾಡಿಕೊಳ್ಳಬೇಕು ಮತ್ತು ಊಟಕ್ಕೂ ಮೊದಲು ಸೋಪಿನಿಂದ ಕೈಯನ್ನು, ಬೆರಳು ಮತ್ತು ಉಗುರುಗಳ ಮಧ್ಯೆ, ಚೆನ್ನಾಗಿ ತೊಳೆದು ಊಟಮಾಡಬೇಕು.
