3.ಕೈ ತಪ್ಪಿಹೋಗುತ್ತೆ ಅನ್ನೋ ಭಯ (FOMO)
ಅಂಗಡಿಗಳಲ್ಲಿ ಅಥವಾ ಆನ್‌ಲೈನ್‌ನಲ್ಲಿ ‘ಇದೇ ಕೊನೆಯ ದಿನ’ ಅಥವಾ ‘ಸೀಮಿತ ಆಫರ್’ (Limited Stock) ಅಂತ ಬೋರ್ಡ್ ಹಾಕಿರೋದನ್ನ ನೋಡಿದ ಕೂಡಲೇ, ‘ಈಗಲೇ ಕೊಳ್ಳಲಿಲ್ಲ ಅಂದ್ರೆ ಆಮೇಲೆ ಸಿಗಲ್ಲ’ ಅಥವಾ ‘ಬೇರೆಯವರು ತಗೊಂಡು ಹೋಗ್ತಾರೆ’ ಅನ್ನೋ ಸಣ್ಣ ಭಯ ಶುರುವಾಗುತ್ತದೆ. ಈ ಆತಂಕವೇ ನಮಗೆ ಬೇಕಿಲ್ಲದಿದ್ದರೂ ಹಣ ಖರ್ಚು ಮಾಡೋಕೆ ದೂಡುತ್ತದೆ.
4.ಕಲ್ಪನಾ ಲೋಕದಲ್ಲಿ ಬದುಕುವುದು
ಯಾವುದಾದರೂ ಒಂದು ವಸ್ತು ಚೆಂದ ಕಂಡಾಗ, ‘ನಾವು ಮುಂದೊಂದು ದಿನ ಹೀಗೆ ಇರ್ತೀವಿ’ ಅಂತ ಅದಕ್ಕೆ ತಕ್ಕಂತೆ ಕಲ್ಪನೆ ಮಾಡ್ಕೊತೀವಿ. ಉದಾಹರಣೆಗೆ: ಸುಂದರವಾದ ಡೈರಿ ಕಂಡರೆ ‘ಇನ್ನುಮುಂದೆ ಪ್ರತಿದಿನ ಡೈರಿ ಬರೆಯುತ್ತೇನೆ’ ಅಂತ ಅಂದುಕೊಳ್ಳುವುದು, ಅಥವಾ ಫಿಟ್‌ನೆಸ್ ಬ್ಯಾಂಡ್ ಕಂಡರೆ ‘ಇಂದಿನಿಂದಲೇ ಪ್ರತಿದಿನ ಓಡೋಕೆ ಹೋಗ್ತೀನಿ’ ಅಂತ ಯೋಚಿಸುವುದು. ನಾವು ಆ ವಸ್ತುವನ್ನು ಇಷ್ಟಪಡುವುದಕ್ಕಿಂತ, ಆ ವಸ್ತು ನಮ್ಮ ಬಳಿ ಇದ್ದರೆ ನಾವು ಹೆಂಗೆ ಕಾಣಬಹುದು ಅನ್ನೋದನ್ನು ಹೆಚ್ಚು ಪ್ರೀತಿಸುತ್ತೇವೆ.
5.ಸಾಮಾಜಿಕ ಪ್ರತಿಷ್ಠೆ ಮತ್ತು ಟ್ರೆಂಡ್
ಸಾಮಾಜಿಕ ಜಾಲತಾಣಗಳಲ್ಲಿ (ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಇತ್ಯಾದಿ) ಯಾವುದೋ ಒಂದು ವಸ್ತು ಟ್ರೆಂಡ್ ಆಗಿದೆ ಅಂದ್ರೆ ಸಾಕು, ಅದನ್ನ ನಾವು ಹೊಂದಿದ್ರೆ ನಮ್ಮ ಗೌರವ ಹೆಚ್ಚಾಗುತ್ತದೆ ಅಥವಾ ನಾವು ಬಹಳ ಮಾಡರ್ನ್ ಆಗಿ ಕಾಣುತ್ತೇವೆ ಅಂತ ಅಂದುಕೊಂಡು ಮುಗಿಬಿದ್ದು ಕೊಳ್ಳುತ್ತೇವೆ.
ಇದನ್ನೂ ಓದಿ: Kriti Sanon : ಫ್ಯಾಷನ್ ಶೋನಲ್ಲಿ ಕೃತಿ ಸನೋನ್ ರಾಯಲ್ ವಾಕ್: ಕಪ್ಪು ಲೆಹೆಂಗಾದಲ್ಲಿ ನಟಿಯ ಹಾಟ್ ಲುಕ್!
ಇದಕ್ಕೆಲ್ಲಾ ಪರಿಹಾರ ಏನು?
ಯಾವುದೇ ಚಂದದ ವಸ್ತು ಕಂಡ ತಕ್ಷಣ ೨೪ ಗಂಟೆಗಳ ನಿಯಮವನ್ನು ಬಳಸಿ. ಅಂದರೆ, ಆ ವಸ್ತುವನ್ನು ತಕ್ಷಣ ಆನ್‌ಲೈನ್ ಕಾರ್ಟ್‌ಗೆ ಹಾಕಿ ಬಿಡಿ ಅಥವಾ ಅಂಗಡಿಯಲ್ಲಿದ್ದರೆ ಹಾಗೇ ಬಿಟ್ಟು ಒಂದು ದಿನ (24-Hour Rule) ಕಾದು ನೋಡಿ. ಮಾರನೇ ದಿನವೂ ನಿಮಗೆ ಆ ವಸ್ತುವಿನ ಅವಶ್ಯಕತೆ ನಿಜವಾಗಿಯೂ ಇದೆ ಅಂದ್ರೆ ಮಾತ್ರ ಕೊಳ್ಳಿ. ಹೆಚ್ಚಿನ ಸಲ ಮಾರನೇ ದಿನ ಆ ವಸ್ತುವಿನ ಮೇಲಿನ ವ್ಯಾಮೋಹ ತಾನಾಗಿಯೇ ಮಾಯವಾಗಿರುತ್ತದೆ.
