ಕುಮಾರಸ್ವಾಮಿ ಅವರನ್ನು ತಡೆದಿರುವವರಾರು?; ಯಾವ ದಾಖಲೆ ಬೇಕಾದರೂ ರಿಲೀಸ್​ ಮಾಡಲಿ: ಎಚ್​ಡಿಕೆಗೆ ಡಿಸಿಎಂ ಟಾಂಗ್​

ಬೆಂಗಳೂರು: ನೈಸ್ ವಿಚಾರಕ್ಕೆ ಸಂಬಂಧಿಸಿದಂತೆ ಎಚ್​.ಡಿ. ಕುಮಾರಸ್ವಾಮಿ ಅವರು ದಾಖಲೆ ಬಿಡುಗಡೆಗೊಳಿಸಲಿದ್ದೇನೆ ಎಂದು ನೀಡಿದ ಹೇಳಿಕೆಗೆ ಇದೀಗ ಡಿಸಿಎಂ ಡಿ.ಕೆ. ಶಿವಕುಮಾರ್​ ತಿರುಗೇಟು ನೀಡಿದ್ದಾರೆ.

ಇದನ್ನೂ ಓದಿ: ಕೆಲ್ಲೂರು ಹಾಲು ಉತ್ಪಾದಕರ ಸಂಘಕ್ಕೆ ಜೆಡಿಎಸ್ ಬೆಂಬಲಿತರ ಆಯ್ಕೆ

"ಕುಮಾರಸ್ವಾಮಿ ಅವರನ್ನು ತಡೆದಿರುವವರು ಯಾರು? ಯಾವ ದಾಖಲೆಗಳನ್ನು ಬೇಕಾದರೂ ಬಿಡುಗಡೆ ಮಾಡಲಿ. ತನಿಖೆ ನಡೆಸುವ ಅವಕಾಶ ಅವರಿಗೆ ಇತ್ತಲ್ವಾ? ಪ್ರಜಾಪ್ರಭುತ್ವದಲ್ಲಿ ಯಾರು ಏನು ದಾಖಲೆಯನ್ನು ರಿಲೀಸ್​ ಮಾಡಲು ಸ್ವಾತಂತ್ರ್ಯರಿದ್ದಾರೆ. ಅದನ್ನು ಯಾರಾದರೂ ತಡೆಯಲು ಆಗುತ್ತಾ. ರಾಮನಗರಕ್ಕೆ ನೈಸ್​ನಿಂದ ಏನು ಅನುಕೂಲವಾಗ್ತಿತ್ತು, ಬೇರೆ ಬೇರೆಯವರದು ಎಲ್ಲೆಲ್ಲಿ ಏನಿದೆ. ಇದ್ಯಾವುದು ನನಗೆ ಗೊತ್ತಿಲ್ವಾ" ಎಂದು ಹೇಳಿದರು.

"ನೈಸ್​ನಿಂದ ಬಿಡದಿಗೆ, ಚನ್ನಪಟ್ಟಣಕ್ಕೆ ಏನು ನಷ್ಟವಾಗಿದೆ ಎಂಬುದು ನನಗೆ ತಿಳಿದಿಲ್ವಾ? ನನ್ನ ಬಳಿ ಯಾವ ದಾಖಲೆಗಳೂ ಇಲ್ಲ, ಅದರ ಅವಶ್ಯಕತೆಯೂ ನನಗಿಲ್ಲ. ಕಾನೂನಿನಲ್ಲಿ ತಪ್ಪು ಮಾಡಿದರೆ, ಅದನ್ನು ಅವರು ಮುಗಿಸಿಕೊಳ್ತಾರೆ. ಸದಾ ಸುದ್ದಿಯಲ್ಲಿರಲು ಕುಮಾರಸ್ವಾಮಿ ನನ್ನ ವಿರುದ್ಧ ಈ ರೀತಿ ಮಾತನಾಡುತ್ತಿದ್ದಾರೆ. ಅವರಿಗೆ ತಿಳಿದಿದೆ ನಾನು ಎಷ್ಟು ಹೆದರಿಕೊಳ್ಳುತ್ತೀನಿ ಎಂಬುದು" ಎಂದು ಹೇಳಿದರು.

ಇದನ್ನೂ ಓದಿ: ಸ್ನೇಹಿತನ ಮಗಳ ಮೇಲೆ ನಿರಂತರ ಅತ್ಯಾಚಾರ ಆರೋಪ: ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಉಪನಿರ್ದೇಶಕನನ್ನು ವಜಾಗೊಳಿಸಿ ಕೇಜ್ರಿವಾಲ್ ಆದೇಶ

"ಕುಮಾರಸ್ವಾಮಿ ಅವರು ಏನು ಬೇಕಾದರು ಮಾಡಿಕೊಳ್ಳಲಿ. ಅವರು ಏನೋ ಮಾತನಾಡುತ್ತಿದ್ದಾರೆ. ಎಚ್​ಡಿಕೆ ಹೇಳಿಕೆಗಳಿಗೆಲ್ಲಾ ನಾನು ಉತ್ತರ ಕೊಡುವುದಿಕ್ಕೆ ಹೋಗುವುದಿಲ್ಲ. ನಮ್ಮ ಬಗ್ಗೆ ಮಾತನಾಡಿ ಸಂತೋಷ ಪಡುವವರನ್ನು ತಡೆಯಲು ಆಗುತ್ತದೆಯೇ? ಅವರು ಸಂತೋಷವಾಗಿರಲಿ ಬಿಡಿ" ಎಂದು ಹೇಳುವ ಮುಖೇನ ಎಚ್​.ಡಿ. ಕುಮಾರಸ್ವಾಮಿ ಹೇಳಿಕೆಗೆ ಟಾಂಗ್​ ನೀಡಿದ್ದಾರೆ.

https://www.vijayavani.net/dk-shivakumar-slams-opposition-parties-regarding-cauvery-dispute