ಮುಂದಿನದು ಕಾದು ನೋಡಿ: ಸಂಕಷ್ಟವೆಲ್ಲ ಕಳೆಯಲಿ, ಸರ್ಕಾರದ ಬಣ್ಣ ಬಯಲು ಮಾಡುವೆ. ರೌದ್ರಾವತಾರ ತಾಳುವೆ ಎಂದರೆ ಜನರು ನೋವುಗಳನ್ನು ಬಿಚ್ಚಿಡುವೆ. ಕಿಟ್, ಮಾಸ್ಕ್, ಪಡಿತರ, ಪೊಲೀಸರ ಪಕ್ಷಪಾತ, ಪಾಸ್ ದುರ್ಬಳಕೆ ಹೀಗೆ ಎಲ್ಲದರಲ್ಲೂ ಏನೇನು ನಡೆದಿದೆ ಎಂಬುದಕ್ಕೆ ಪುರಾವೆ ಸಂಗ್ರಹಿಸಿದ್ದು, ಸೂಕ್ತ ಸಂದರ್ಭದಲ್ಲಿ ಬಹಿರಂಗಗೊಳಿಸುವೆ ಎಂದು ಗುಡುಗಿದರು. ಸರ್ಕಾರದ ಪಡಿತರ ಪಾಕೆಟ್ಗೆ ಮಾಜಿ ಸಚಿವ ಅರವಿಂದ ಲಿಂಬಾವಳಿ ಫೋಟೋ ಮುದ್ರಿಸಿ ಹಂಚಿರುವ ಬಗ್ಗೆ ಪುರಾವೆಗಳಿವೆ. ಮೋದಿ, ನಿರ್ಮಲ ಸೀತಾರಾಮನ್ ದುಡ್ಡು ಎಂದು ಕೆಲವರು ಹೇಳಿಕೊಂಡು ತಿರುಗಾಡಿದ ವಿಡಿಯೋಗಳಿವೆ. ರೇಣುಕಾಚಾರ್ಯ, ಶೋಭಾ ಕರಂದ್ಲಾಜೆ ಸಹಿತ ಕೆಲವರು ಏನೆಲ್ಲ ಮಾತನಾಡಿದ್ದಾರೆ ಗೊತ್ತಿದೆ. ಮುಖ್ಯ ಕಾರ್ಯದರ್ಶಿಗೆ ಎಲ್ಲ ಮಾಹಿತಿ ಕೊಟ್ಟಿದ್ದು, ಸಂದರ್ಭದ ದುರ್ಲಾಭ ಪಡೆದು ರಾಜಕಾರಣ ಮಾಡು ತ್ತಿರುವವರ ವಿರುದ್ಧ ಕ್ರಮಕೈಗೊಳ್ಳದಿದ್ದರೆ ಕಾಂಗ್ರೆಸ್ನ ಸೈನ್ಯ ಮುಂದೇನು ಮಾಡಲಿದೆ ಎನ್ನುವುದು ಕಾದುನೋಡಿ ಎಂದರು.
