ವಿದ್ಯುತ್​ ಚಿತಾಗಾರದಲ್ಲಿ ಗುರುಪ್ರಸಾದ್​ ಅಂತ್ಯಕ್ರಿಯೆ; ಅಂತಿಮ ನಮನ ಸಲ್ಲಿಸಿದ ಸ್ಯಾಂಡಲ್​ವುಡ್​ ಕಲಾವಿದರು | Guruprasad

ಬೆಂಗಳೂರು: 'ಮಠ', 'ಎದ್ದೇಳು ಮಂಜುನಾಥ' ಚಿತ್ರಗಳಿಂದಲೇ ಕನ್ನಡ ಚಿತ್ರರಂಗದಲ್ಲಿ ತಮ್ಮ ಹೆಸರನ್ನು ದಾಖಲಿಸಿದ್ದ ನಿರ್ದೇಶಕ ಗುರುಪ್ರಸಾದ್​ (52), ಸಾಲಬಾಧೆ ತಾಳಲಾರದೆ ಆತ್ಮಹತ್ಯೆಗೆ (Guruprasad Suicide) ಶರಣಾಗಿದ್ದಾರೆ.

ಇದನ್ನೂ ಓದಿ: ರೈತರು, ದೇವಾಲಯ, ಮಠಗಳ ಆಸ್ತಿ ವಕ್ಫ್ ಬೋರ್ಡ್ಗೆ ಖಂಡಿಸಿ ಇಂದು ಬಿಜೆಪಿ ಪ್ರತಿಭಟನೆ / ಸಚಿವ ಜಮೀರ್ ಅಹಮದ್ ನಡೆ ಪಾಕ್ ಏಜೆಂಟರAತಿದೆ / ಮಾಜಿ ಸಂಸದ ಮುನಿಸ್ವಾಮಿ ಆರೋಪ

ಬೆಂಗಳೂರಿನ ತಮ್ಮ ನಿವಾಸದಲ್ಲಿ ಕೊಳೆತ ಸ್ಥಿತಿಯಲ್ಲಿ ಪತ್ತೆಯಾದ ಗುರುಪ್ರಸಾದ್​ ಅವರ ಮೃತದೇಹವನ್ನು ಇಂದು ಜಿಲ್ಲೆಯ ವಿಕ್ಟೋರಿಯಾ ಆಸ್ಪತ್ರೆಗೆ ದಾಖಲಿಸಿ, ಮರಣೋತ್ತರ ಪರೀಕ್ಷೆಗೆ ಒಳಪಡಿಸಲಾಯಿತು. ಇದಾದ ನಂತರ ಗುರುಪ್ರಸಾದ್​ ಎರಡನೇ ಪತ್ನಿ ಸುಮಿತ್ರಾ ಮತ್ತು ಅವರ ಸಹೋದರ ಬ್ರಾಹ್ಮಣ ಸಂಪ್ರದಾಯದಂತೆ ಗುರು ಅವರ ಅಂತಿಮ ವಿಧಿವಿಧಾನವನ್ನು ಈಡೇರಿಸಿದ್ದಾರೆ.

ವಿಲ್ಸನ್​ ಗಾರ್ಡನ್​ನಲ್ಲಿರುವ ವಿದ್ಯುತ್​ ಚಿತಾಗಾರದಲ್ಲಿ ಗುರುಪ್ರಸಾದ್​ ಅವರ ಅಂತ್ಯಕ್ರಿಯೆ ನೆರವೇರಿಸಲಾಗಿದ್ದು, ಕನ್ನಡ ಚಿತ್ರರಂಗದ ನಟ ಡಾಲಿ ಧನಂಜಯ, ದುನಿಯಾ ವಿಜಯ್​, ನೀನಾಸಂ ಸತೀಶ್​ ಸೇರಿದಂತೆ ಮುಂತಾದ ಕಲಾವಿದರು ನಿರ್ದೇಕನ ಅಂತ್ಯಕ್ರಿಯೆಯಲ್ಲಿ ಭಾಗಿಯಾದರು.